стонать; охать, кряхтеть.

охать от холода; жаловаться на холод.

I охотиться с луком-самострелом.
II ахать, охать; ойкать; стонать.

туохт. Ыарыыланан «айыка» диэ; саҥа таһааран ынчыктаа. ☉ Ойкать, охать (от боли); стонать, стенать
Дьиэттэн тахсыбыт дьон бары ньыппарыммыт сиэхтэрин аллара тардыналлара, сирэйдэрин араастаан сөрүөһүннэри тутта-тутта айыкалыыллара. С. Сарыг-оол (тылб.)

туохт. Тоҥон, үлүйэн «ычча» диэн саҥа таһаар. ☉ Охать от холода
Таһыттан тоҥ атахтаах дьон аҕылаан-мэҥилээн, ыччалаан киирдилэр. Эрилик Эристиин
Кутурук Сэмэн ыччалыы-ыччалыы хардаҕастары көннөртөөн, эбии мас уурталаан биэрдэ. Р. Кулаковскай

туохт. Ыарыыланан «айака» диэн саҥа таһаар. ☉ Ойкать, охать (от боли)
Өрүүскэ баһа кэлгиэлээх, холумтан аттыгар олорон хаһыат ааҕар, хамсаатаҕына айакалыыр. Күндэ
Түллэх гынан ойоҕоһугар эргийдэ, онтон кыланан, айакалаан баран, эмиэ хамсаабат буолан хаалла... Суорун Омоллоон
Харытыана эмээхсин, айакалыы-айакалыы, утуйар хосторун диэки бөкөөрө турда. Н. Якутскай

туохт. Ыарытан «айа-дьойо» диэн саҥа таһаар; айалаан, ынчыктаан энэлий. ☉ Охать, стонать, стенать
Турара-олороро билигин да эдэр киһиттэн итэҕэһэ суох, айалыы-дьойолуу сылдьыбат кырдьаҕас. А. Сыромятникова
Эмээхсин саҥата суох олорбохтообута, онтон айгыстан туран айалаан-дьойолоон чуулаантан тахсыбыта. Уустаах Избеков
Оҕонньоттор, сытаат, сөтөллөн, айалаан-дьойолоон, эргийэн-урбайан баран, муннулара тыаһаан барда. «ББ»

туохт. Ыалдьан эбэтэр тугу эмэ тулуйбакка дириҥник ыҥырҕаан саҥата таһаар, ыараханнык тыын. ☉ Тяжело дышать, издавая протяжные звуки, стонать, охать (от боли, страданий). Санаата туой Харытыананы саана истэ: «Ээ, оттон ама ынчыктыаҕар диэри ыбылы кууһарым буолуо…» П. Ойуунускай
Киил оҕонньор үөһэ тыынарын быыһыгар, ынчыктыыр курдук, өрө мэҥийэн көхсүн этиттэ. Н. Лугинов
Лэкиэс сөп-сөп ынчыктыы сытар. Ааныка оҕонньорун бүөбэйдиир. С. Ефремов

1. туохт. Ыарыыланан «айа» диэн саҥа таһаар; улахан ыарыыттан ынчыктаан саҥа таһаар. ☉ Охать, ойкать; стонать от сильной, тяжелой болезни, стенать
   Аҕыс уон аҕыспын аастым. Ол тухары Астаран айалаабыппын Адьаһын өйдөөбөппүн, Аналым кэллэҕэ буолуо... А. Софронов
   Муннук аайы айалаан Муҥатыйар буоларбыт. Куруҥ тииккэ маарыннаан Кубарыйа куурарбыт. П. Тулааһынап
   Антон Николаевич муннун тыаһа хоһуҥуруур, эмээхсин куолутунан айалыыр саҥата иһиллэр. М. Доҕордуурап
2. Булка айа тарт, айаны иит, айанан бултаа. ☉ Настораживать самострел, охотиться на зверей самострелом
   Дьадаҥылар төгүрүк сылы быһа бултууллар: туулууллар, туһахтыыллар, айалыыллар. Амма Аччыгыйа
   Кини кыра сааһыттан булка үөрэммитэ: туһахтыыра, айалыыра, кэнники сааланара. Суорун Омоллоон
   Аччыктатыма биһигини: Айалаан, туулаан, бултаан, Арыйаан биһиккини Аһаппытыҥ курдук аһат! Эллэй
3. көсп. Угаайылаа, үктэт. ☉ Готовить ловушку, западню, хитрую уловку
   Кырдьаҕаспыт Ордьонумаан ойуун биһиэхэ тоҕо айалаатаҕай?.. Үрдүк өһүөлээхтэри кытта хатыһар этэ. Кинилэргэ айалаата ини... И. Гоголев
   Өстөөх өспөт өһүөнүн Өйдөө өрүү күнүс, түүн: Аартык ахсын айалыа, Арыт ааҥҥар иин хаһыа. Айталын