аат., т-х. Культурнай үүнээйи астаммат туһата суох хос лабаата. ☉ Боковой побег культурного растения, не дающий плодов, пасынок
Оҕурсуу астыйбат сибэккилээх дьанатын эрдэттэн быһан иһиллиэхтээх. СГС ОАКЭ

даҕ., эргэр. Төрөппөтөх, кииринньэҥ. ☉ Неродной
Эн миэхэ сүтүөр оҕом эбитиҥ буоллар, түүгүн үргээмэхтиэм этэ. М. Горькай (тылб.)
◊ Сүтүөр аҕа — кииринньэҥ аҕа диэн курдук (көр кииринньэҥ)
Сүтүөр аҕа диэн сүтүөр буоллаҕа дии, хайдах гыныаххыный? «ХС»
Сүтүөр ийэ — кииринньэҥ ийэ диэн курдук (көр кииринньэҥ). Марыына сүтүөр ийэтин, суон саҥаһын, трактирщик кыыһын, үөҕэн-мөҥөн барбыта. Н. Якутскай
Сүтүөр ийэ киирэн оҕолорбун туора көрүө диэн ийэ олус куттанара. В. Протодьяконов
Одуулаата сүтүөр ийэ уолун, уордаахтык хараҕа чаҕылыйа. М. Горькай (тылб.). Сүтүөр кыыс — кэргэнниилэртэн биирдэстэрэ төрөппөтөх кыыһа. ☉ Падчерица. Сүтүөр уол — кэргэнниилэртэн биирдэстэрэ төрөппөтөх уола. ☉ Пасынок.
ср. п.-монг. йитүгэр, дьитүгэр ‘подруга, товарка’, эвенк. хүтэрэн ‘пасынок, падчерица’

1. аат.
2. Киһи-сүөһү холун төрдүн ис өттө, агдатын кытта ыпсыыта. ☉ Подмышка, пазуха
   Кинигэлэрин …… хонноҕор кыбыммытынан, Микиитэ таһырдьа ыстанна. Амма Аччыгыйа
   Хонноҕун анныгар диэри кэһэн баран, Дьөгүөрдээн харбаата. Амма Аччыгыйа
   Кэнчээри олбуор аанын тахсан Октябрина хаҥас хонноҕуттан ылла, ыга сыһынна. М. Попов
3. көсп. Иһирдьэ диэки киирбит булуҥ сир. ☉ Обособленная часть леса, реки, озера
   Молтой балааккатын хайа хонноҕор туруорара. И. Федосеев
   Бүгүн сарсыарда ыам кэнниттэн, тыа хоннохторугар от оҕуста. А. Федоров. Киһи хараҕын курдук чөҥөрүйбүт соччо улахана суох күөл хонноҕор сиргэ тимириэххэ айылаах үүтээн дьиэ самналлан турара. И. Федосеев
4. даҕ. суолт., бот. Сүрүн уонна туора лабаа икки ардынан үүнэн тахсар умнас (хос сэбирдэх). ☉ Пасынок растения
   Хоннох лабаалары нэдиэлэ ахсын суох гынан иһиллиэхтээх. КЮС ОАПТЭ
   Хоннох салаалар үүнэн таҕыстахтарын ахсын, маҥнайгы сибэккилээх салаа анныгар үүнэр хоннох салааттан уратыларын сонно тута тоноон ылыллар. САССР КОА
   ♦ Хонноҕо аһыллар — тугу эмэ бастаан бытааннык, хорутуута суохтук саҕалаан баран, кэлин кыахтаахтык, кыайыылаахтык оҥорор. ☉ Преодолев скованность, делать что-л. с азартом, увлечённо, раскрыться в полной мере
   Киэһэнэн сөрүүдүйэн, отчуттар хоннохторо аһыллан, хотуурдарын тыастара кууһурҕас. Кэпсээннэр
   [Зоотехник] Уол хонноҕо аһыллан, холуон-холуоннук хамсанан киирэн барда. С. Федотов
   Кэлин улам эрдийэн, сүүрүк ат маҥнай мөдөөннүк ойбохтоот, хонноҕо аһыллан, олуга сыыйа кэҥээн …… үксээн барда. Р. Баҕатаайыскай
   ср. др.-тюрк., тюрк. холтых, колтук ‘подмышка’