передник, фартук.

аат. Таҥна сылдьар таҥаһыҥ иннэ киртийэриттэн харыстыырга кэтиллэр таҥас. ☉ Передник
«Уой, мин үһү дуо? Оҕолор... кыргыттар астаабыттара дии...» — Кустурова кыбыстан илиилэрин бэриэнньигин иһигэр кистии анньыталаата. Софр. Данилов
Тиихээн үлэтин тохтотон, уһанарыгар кэтэр кирдээх бэриэнньигин устар бокуойа суох, тахсан барбыта. Д. Таас
Кини [Тыа иччитэ] арыт түөһүгэр «түһүлүк» диэн бэриэнньик курдук кэтэ сылдьар уонна таба көлөлөөх буолар эбит. КНЗ СПДьНь

I
аат. Таҥас илин өттө киртийбэтин диэн кэтиллэр анал хаттык таҥас. ☉ Передник, защищающий перед одежды от загрязнения, фартук
Сиэҕин ньыппарынан, күлэ-күлэ саҥаһын баартыгынан бэйэтин иккитэ эринээт, муостаны сууйан кылбатта. Н. Габышев
Кырдьаҕас оскуолам иһийбит кылааһын Көмүс чуораан чугдаара сэргэхситтэҕэ, Кыра балтыларым үрүҥ баартыктарын Киэһэлик ийэкэм өтүүктээн эрдэҕэ. Чэчир-76
Көмөрүнэн биһиллибит илиилэрин бэрт түргэнник баартыгынан сотто-сотто, [ийэ] этиитин салҕаабыта. М. Горькай (тылб.). Тэҥн. бэриэнньик
II
аат., эргэр. Түөрт кырыылаах бытыылка (1,2 л арыгы кээмэйэ). ☉ Четырехгранная бутылка (мера жидкостей, напр. водки или вина, равная 1,2 л), кварта
[Баай Баһылай] икки баартык мадьыарата аҕал. Мэ, бу баар харчыта. Күндэ
Сиимэнэп лааппытыттан Сиэбин аайы кэтэрдэн, Аҕыс баартык арыгылаах Атаһыгар кэлэр, дьэ. И. Чаҕылҕан
Ыалдьыттар чэйдээри остуолга олорбуттар, иннилэригэр биир хара баартыктаах арыгыны туруорунан кэбиспиттэр. Н. Неустроев

аат., эргэр.
1. Киһи илиитин көхсүн, бэгэччэгин тымныыттан көмүскүү баанар (тимэхтэнэр, үксүгэр түүлээх) таҥас. ☉ Вид защитной (от холода) одежды из меха: накладка на внешнюю (тыльную) часть кисти руки и на запястье (обычно без пальцев). Маттаҕа тириитэ бэлэпчи.ПЭК СЯЯ
2. Булчуттар кэтэр түһүлүктэрэ (бэриэнньик), онно холону иилэллэр. ☉ Кожаный нагрудник (передник), носимый охотниками, к которому подвешивалась холо (дощечка-мерка для фиксации лука-самострела на определенной высоте)
Былыргы киһи эһэ бэлэпчитин курдук кэрэмэс бытыктаах. ПЭК СЯЯ
3. Былыр сэниэ, баай дьон икки өттүктэринэн курдарыгар баанар кыһыл, күөх сукуна эбэтэр түүлээх түөрт муннуктаах лоскуйдара (көмүскэл таҥас эбэтэр киэргэл көрүҥэ). ☉ В старину: два набедренника из двух четырехугольных лоскутков красного или синего сукна или какого-л. меха, привязывемые зажиточными якутами к поясу поверх всего платья
Эһэ бэлэпчи. ПЭК СЯЯ

аат., эргэр.
1. Урут сахаларга: бэриэнньик курдук моонньугар иилинэн кэтэр ичигэс түөс таҥаһа. ☉ В старину у якутов: тёплый передник, нагрудник
Уоттаах саһыл кутуруктуун уорҕата түһүлүктээх. Саха фольк. Үлэ дьоно түһүлүк диэн, моонньунан кэтиллэр ичигэс түөс таҥаһын кэтэллэрэ. СНЕ ӨОДь. Бу дойду дьоно кэтэр мукуу бэргэһэлэрэ, түһүлүктэрэ, саҥыйахтара …… барыта таба тириититтэн уонна тыһыттан тигиллибиттэр. ЭБЭ ДьА
2. Өҥнөөх сукунаттан биитэр сарыыттан тигиллибит, араас киэргэтиилээх түөс таҥаһа. ☉ Разукрашенный женский нагрудник, сшитый из сукна или замши
Кинилэртэн [дьахталлартан] ордук баайдара үрүҥ көмүстэн, боруонсаттан уонна алтантан оҥоһуллубут киэргэллэрдээх килиэ-халаа түһүлүктээх эбит. ЭБЭ ДьА. Кыыс оҕо, дьахтар түһүлүгэ олус сиэдэрэй ойуулаах-дьарҕаалаах буолар. НБФ-МУу СОБ
Ол дьахтар аны кырынаас тириитин аттаран түһүлүк тиктэн, саал былаат оннугар моонньун сөрөнүөхтээх үһү. «Кыым»
ср. др.-тюрк., тюрк. төш ‘грудь, грудина’