аат.
1. Олоххо туох буолбутун, олох көстүүтүн күн ахсын сурукка киллэрэн бэлиэтээһин. ☉ Дневник (записи наблюдений)
[Учуутал] оҕолор сайыҥҥы үлэ кэмигэр айылҕа кэрэ көстүүлэрин, миэстэлэрин туһунан диниэбинньиктэригэр суруна сылдьалларыгар сүбэлиир. АНВ СТУ
Кыстыкка киириэхтэн ыла ынахтар уолуулара элбээн үүт ыама намтаан испитин күннээҕи ыам диниэбинньиктэрэ көрдөрөллөр. «Кыым»
△ Киһи тус бэйэтин санаатын, көрүүтүн, билбитинкөрбүтүн бэлиэтиир тэтэрээтэ. ☉ Дневник (записи личного характера)
Урут эмиэ хаста да диниэбинньик сурунан испиттэрим бааллара да, аҕыйах хонукка суруйаат, быраҕыталаан кэбиһэрим. Софр. Данилов
Кини [Ксенофонтов] хоруо буолбут өлүгүн тааҥка иһиттэн ылбыттара. Планшетын иһиттэн уокка кэриэрбит диниэбинньигин булбуттара. П. Филиппов
2. оск. Үөрэнээччи дьиэҕэ сорудахтарын сурунар, ылбыт сыанатын туруортарар тэтэрээтэ. ☉ Дневник (ученический)
Айаал диниэбинньигин көрбүтүм, ахсаан уруогар бүтүннүү биэс, түөрт сыана кэккэлээбит. Уура сылдьыам диниэбинньикпин, Эн хонуу кэриэтэҕин, Биэс, түөрт сыана - сибэкки, Икки сыана - эрбэһин. И. Гоголев

суллулуойут, целлулоид (сымнатар уонна кырааскалыыр веществолардаах, үксүн, суллулуоһа нитратыттан (коллоксилинтан) турар имигэс пласт-маасса. Ууну өтүппэт, дьэҥкир, эл ектричествоны ah арба т. С. кэмниир прибордары өстүөкүлэлээһиҥнэ, элиниэйкэлэри, планшеттары, үлтүрүйбэт өстүөкүлэни оҥорорго уо. д. а туһаныллар. С. умайымтыа буолан туттуллара хааччахтанар.)

1. бэлиэтээ диэнтэн бэй., атын. туһ. «Тугу, хайдах үлэлээбиккитин бэлиэтэнэн иһиҥ», — диэтилэр бүгүн оскуолаҕа. Софр. Данилов
   [Иван Иванович (кумааҕыга бэлиэтэнэ-бэлиэтэнэ):] Оо, ону баҕас улахан үөрүүнү кытта буоллаҕа дии. Төһө кэмпилиэк наада буолуой? С. Ефремов
   Кутуков планшетын тобугар уурунан олорон, тэтэрээккэ тугу эрэ бэлиэтэнэр. Л. Попов
   Курданарынан ыга туппут хара бинсээктэнэн, хатыҥыра ордук бэлиэтэммит, кыра киһи трибуна икки муннугуттан харбаан ылан баран, «Табаарыстаар!» — диэн күөрэччи ордоотоон кэбистэ... Амма Аччыгыйа
   Кини [Кыһыллаай] кыһамньылаахтык, үчүгэйдик үөрэнэн, дьэ тоһоҕолоон бэлиэтэнэр буолбута. Л. Попов
   Бэлиэтэммит тыллары сыһыаннаһар тылларын кытта устуҥ. ПНЕ СТ
2. Болҕомтоҕо ылылын, үчүгэйинэн дуу, куһаҕанынан дуу биллэр-көстөр буол. ☉ Быть отмеченным, замеченным по каким-л. (плохим или хорошим) приметам
   Дьоллоох хорсун уолаттарбыт Софронов, Гуляев, Кобров бэлиэр бэлиэтэммиттэрин курдук, тииҥи харахха табар кыраҕы харахпытынан [фашистары] чэчэгэйдэрин тэһиэхпит. Суорун Омоллоон
   Үчүгэй хайҕанан бэлиэтэнэн, куһаҕан сириллэн накаастанан иһиэх тустаах. Софр. Данилов. Ханнык эбэһээтэлистибэлэр ылыныллыбыттарын уонна кинилэр хайдах толоруллан иһэллэрин киһи барыта билэр, бастыҥнар бэлиэтэнэллэр, хаалан иһээччилэргэ көмөлөһүллэр. «Ленин с.»
3. Бырааһынньык быһыытынан ыл, бырааһынньыктаа. ☉ Отпраздновать что-л., праздновать
   Быйыл Саха сирэ Нуучча судаарыстыбатыгар холбоһуутун 350 сылын, ону кытта Саха АССР тэриллиитин 60 сылын курдук кэрэхсэбиллээх кэрэ-бэлиэ дааталар бэлиэтэнэллэр. ОГГ СМ