I
аат., эргэр.
1. Кир-хах. ☉ Нечисть
Куор-бөҕө хоҥун. ПЭК СЯЯ
2. Өлбүт киһи сыта. ☉ Трупный запах, запах сильно разложившегося трупа
Киһи өллөҕүнэ куора тахсар. ПЭК СЯЯ
ср. кирг. хор ‘презренный, уничиженный’
II
аат. Оҕо сыстыганнаах ыарыыта: киһи этэ кыһыл ымынахтанар, харах, айах, тыынар уорганнар салыҥнаах бүрүөлэрэ көрдүйэллэр. ☉ Корь
Лена устун уһуннахтарын маҥнайгы күннэриттэн ыла эрэй-кыһалҕа элбээн испитэ. Иркутскайга хас да оҕо куорунан ыалдьыбыта. И. Федосеев
Куор — оҕо сыстыганнаах ыарахан ыарыыта. Этэ итийэр, ымынахтанар. АНК ТСТЗС

аат.
1. Үрүҥ ас иһиккэ хаалар салааһына, иһит эркинигэр убаҕас олорон хаалбыт кирэ. ☉ Остаток молочной пищи, слой, остаток пищи на стенках посуды
Чаҥкычаҕы дьаабылаабыт, Туйахха тууһурбут, Көлбөҕүнэн көппөйбүт, Үүтүнэн үссэммит. Өксөкүлээх Өлөксөй
Мин бөлөнөхпөр бөлүөхпүккүн, көлбөхпөр көтөҕүллүбүккүн уйбатаххын дии, быһыыта, дьабыан! Суорун Омоллоон
Күөх ууну чаанньыкка кыынньаран, «Көлбөҕүн көппөтөр» дэһэллэр. Күннүк Уурастыырап
2. көсп. Туох эмэ кирэ, дьайа, куһаҕана. ☉ Что-л. нечистое, гадкое, отвратительное
Ааспыт тыһыынчанан үйэ дьэбэрэлээх көлбөҕүттэн Сирбитин ороон санныбытыгар сандаарпыппыт. Агидель к. Үтүөнү эрэ миэхэ саар оҥорорго бэлэмэ, Үллүктүү түһэр хаар курдук, бэлэхтэрэ дэлгэмэ — Күндү миэхэ дьоллоох сааһым көлбөҕө суох ол кэмэ! Ш. Руставели (тылб.)
3. көсп. Уопсастыба сирэр, үөҕэр киһитэ. ☉ Непризнаваемый, отвергаемый обществом, презренный человек, изгой
Билиҥҥи тылынан эттэххэ, уопсастыба көлбөхтөрө мустар сирдэригэр ордууланарым. Онно күүстээх уонна харчылаах эрэ буолуохха наада. И. Федосеев
Кэлэйбитим мин Көрө түһээтин, Күлүккэ хаптаҥныыр, Көлбөхтөртөн, Сиргэ тиийэ тоҥхойор, Сибигинэйэн кэпсэтэр Сирэй көрбөхтөртөн. В. Алданскай
ср. монг. хөлхөг ‘тина’