побуд. от чугаһаа = 1) приближать; барар болдьоххун чугаһат = приблизить день отъезда; 2) приближать, придвигать; кинигэҕин хараххар чугаһат = приблизить книгу к глазам.

несов. 1. кого и без доп. тиэтэт, ыксат, ыгылыт; торопить кого-л. с ответом эппиэттииргэ тиэтэт; торопить кого-л. в обратный путь төннөргө тиэтэт; 2. что (приближать наступление чего-л.) түргэтэт; торопить события событиелары түргэтэт.

несов. 1. что (приближать к себе с силой) тарт; тянуть рукоять на себя тутааҕын бэйэҥ диэки тарт; 2. кого-что (волочить, тащить) тарт, сое; рыбаки тянули сети балыксыттар илим тардаллара; пароход тянет бар- жу борокуот баржаны соһор; 3. что (натягивать) тарт, чиркэччи тарт; 4. что, тех. (изготовлять волочением) сыый, сыыйтар; тянуть проволоку боробулуохата сыыйтар; 5. что (прокладывать) тарт; тянуть трубопровод трубопроводта тарт; 6. что (протягивать, вытягивать) уун; тянуть руки к кому-л. кимиэхэ эмэ илиилэргин уун; тянуть кожу тириини ууннары тарт; 7. кого, разг. (звать с собой) сое, кучуй; 8. кого-что (манить) тарт, баҕарт; его тянет природа кинини айылҕа тардар, кини айылҕаҕа тартарар; 9. (обладать тягой) тарт; печка хорошо тянет оһох үчүгэйдик тардар; 10. (медлить) тарт, хойутат; он тянет с ответом кини эппиэтин тардар; 11. безл. чем (о струе воздуха, о запахе) кэл; от окна тянет холодом түннүктэн тымныы кэлэр; 12. что (растягивать слова и т. п.) тарт, эҥээрит; тянуть песню ырыаны эҥээрит; 13. разг. (весить) тарт; арбуз тянет 8 килограммов арбуз 8 килограмы тарта; # тянуть за душу кого-л. дууһатын моруулаа, сордоо.

туохт.
1. Кими-тугу эмэ таарый, таарыйан ыл. ☉ Дотрагиваться до кого-чего-л., прикасаться к кому-чему-л., коснуться
Таня сөрүүн ытыһын Михаил Иванович сүүһүгэр даҕайда. Н. Лугинов
[Маша] сиргэ тайанан олорор-илиитинэн Александр харытын сыпсылааһынан даҕайда. М. Доҕордуурап
[Саша] дьуоһу илиитинэн даҕайаат, төттөрү сулбу охсон ылар, күлэн сатарытар. ОАП ОТХ
2. Тугу эмэ туохха эмэ чугаһат, сыһыары тут. ☉ Приближать, прикладывать что-л. к чему-л.
Дьэргэли халампааһы хараҕар даҕайан көрбүтэ. П. Филиппов
Даайыс уйадыйбычча баанан олорор былаатын уһугун хараҕар даҕайан ылла. Н. Заболоцкай
Сиидэркэ, атаҕын төбөтүнэн чөмөлдьүйэн тиийэн, тымныы сиигэ чалҕарыйа турар ааҥҥа, кулгааҕын даҕайан иһиллээтэ. А. Сыромятникова
3. көсп. Ким эмэ интэриэһин таарый. ☉ Затрагивать чьи-л. интересы, пройтись на чей-л. счет (отзываться о комчем-л. неодобрительно, критиковать)
[Кириитикэбэр] аан бастаан дириэктэри хаарыйыам, местком бэрэссэдээтэлин да даҕайыам. Н. Габышев
4. Умат. ☉ Поджигать, зажигать
Охоноос …… окко тугу эрэ ыһан баран, испиискэни даҕайан кэбистэ. Амма Аччыгыйа. Огдооччуйа эмээхсин испиискэтин уотун кыраһыын кутуллубут сиригэр даҕайар. Н. Якутскай
[Оҕонньор] испиискэ уматтан, хамсатыгар уот даҕайаат, эмиэ сытта. С. Никифоров
◊ Даҕайан көр кэпс. - ырааҕы көрбөт буолан олус чугас тутан көр (харалҕан харахтааҕы этэргэ). ☉ Рассматривать что-л. с очень близкого расстояния (о близоруком человеке)
Сэмэнчик Авксентий Яковлев көхсүн саба түһэн даҕайан көрдө. М. Доҕордуурап
[Сэмэн] хараҕар даҕайан көрө-көрө атырдьах сигэлиир. Күндэ. Даҕайар (көнө) мат. - эргимтэни кытта уопсай туочукалаах сурааһын. ☉ Касательная
Бэриллибит туочуканы нөҥүө бэриллибит эргимтэҕэ даҕайар көнөнү ыытыахха. КАП Г
Эргимтэни иһигэр сытар С туочукаттан эргимтэҕэ даҕайары ыытыахха сөп дуо? ВНЯ М-5
тюрк. така

туохт.
1. Тугу эмэ (хол., ньирэйи) ийэтин эмиийигэр чугаһат, чугаһата үт. ☉ Тыкать детёныша мордочкой в вымя (напр., о телёнке)
[Ньирэйи] көтөҕөн илдьэн ийэтин эмиийигэр үҥүлүппүппэр, эмэн соппойдо ээ. «Чолбон»
Ийэлэрин бэйэлэрэ кыайан эмпэт кыыл оҕолорун, ийэлэрин тутан сытыаран, эмиийдэригэр үҥүлүтэн эмтэриллэр. ТИиС
Тугутчаан кэмниэ-кэнэҕэс туран сүһүөҕүн булар. Онуоха ийэтэ эмиийин үҥүлүтэр. Тулхадыйбат д.
2. Кими, тугу эмэ кимиэхэ, туохха эмэ чугаһата ас, чугаһатан биэр. ☉ Приближать, пододвигать, подводить кого-что-л. к кому-чему-л.
Тэппэй ыта эһэ тириитин сөбүлээбэтин көрөн ытын онон дьээбэлээбитэ: Бөтөһү кууһан ылан тириигэ үҥүлүтэрэ. Далан
«Түргэнник үтүөрүөҥ, иһэн кэбис», — үрүүмкэлээх эми уоһугар үҥүлүттэ. Болот Боотур. Убайым үөрэнэр кылааспар үҥүлүтээт, элэс гынан хаалла. Суол т.
△ Кими, тугу эмэ ханна эмэ илдьэн биэр, тириэрт. ☉ Пристроить кого-что-л. куда-л. Кэлин ити тылбааспытын ханна эмэ үҥүлүтэ сатыырбытын өйдөөбөппүн. Софр. Данилов
Куоракка артыыс үөрэҕэр киллэрэн үҥүлүтэн көрүөм, онон бүгүн тэрийиҥ, сарсын илдьэ киирэбин. С. Тарасов
Кини тугу тырыыппайдаабыттарын барытын сонно тута-хаба эрэдээксийэҕэ илдьэн үҥүлүтэр сорох чобоо эдэр суруйааччылартан атыннык саҕалаабыта. «ХС»

даҕ.
1. Биир, уопсай. ☉ Общий, совместный
Тиил оҕуруоттаах икки ыалтан илин диэкиттэн биир киһи, сонун сөрүү туттан, аргыый бэдьээлээн хааман …… балаҕаҥҥа киирэн кэллэ. Суорун Омоллоон
2. Атын ийэни эмиэ эмэр (хол., ньирэйэ өлбүт ынаҕы атын ньирэйгэ эмнэрэн ыыллар, инньэ гынан ньирэй икки ийэни эмэр). ☉ Сосущий двух маток, припускаемый к другим самкам (напр., о телёнке)
Биир биэ сэттэ тиил кулуннаах (тааб.: ох саа уонна оноҕосторо). Ол тиил ньирэйдээх буоллахтарына, сорохторо сүтэн-оһон аанньа ыаппаттар эрэ, хайыыллар. Болот Боотур
△ Атын сүөһү төрүөҕүн эмиэ эмнэрэр (хол., бэйэтин төрүөҕэ эбэтэр атын сүөһү өлбүт буоллаҕына). ☉ Припускная корова (кобыла), которая доится с припуском чужого телёнка (жеребёнка). Тиил ынах
♦ Тиил ыл — кими эмэ бэйэҕэр сыһыар, чугаһат. ☉ Привлекать, приближать к себе кого-л. [Күннэй — Буойаҕа:] Ону мин, хата, тиил ылыа суохпун — бииргэм тэбэн ыытабын [уолу]. Суорун Омоллоон
◊ Тиил күлүүс — аналлаах күлүүһүгэр эрэ буолбакка, атыҥҥа эмиэ сөп түбэһэн туттуллар күлүүс тыла. ☉ Подходящий к другому замку ключ
Богуон тамбурун тиил күлүүс тылынан аһан, нэһииччэ куоппутум. И. Федосеев
Эн, баҕар, уус дьааһыгар тиил күлүүстэммитиҥ буолуо, ким бачча элбэх харчыны эн аайы биэрбит үһү! И. Никифоров
Кинилэр тиил күлүүһүнэн аһан киирбиттэрин мин билбэккэ хаалбытым. И. Тургенев (тылб.). Тиил тиэрбэстээх <түнэ кур> — тимиртэн буолбакка, атын матырыйаалынан солбуллубут тиэрбэстээх түнэ кур. ☉ Замшевый пояс с пряжкой, имитирующей железное кольцо
Сүөм кэтит, кыалыктаах, инньэликтээх, үс салаа тиил тиэрбэстээх түнэ курун сүөрэн ылан көхөҕө иилбитэ. Далан
[Былыргы саха атын таҥаһасэбэ] …… үс салаа тиил тиэрбэстээх түнэ сэрэмээт курдаах буолаллара. БСИ ЛНКИСО-1938. Тиил ылбыт — бэйэҕэр атын сүөһү төрүөҕүн сыһыаран, эмнэрэр буол. ☉ Припускать к себе для подсоса детёныша другой самки (телёнка, жеребёнка и др.)
Бу ынах атынатын торбуйаҕы тиил ылбатах. ПЭК СЯЯ
Муммут кулуну, эрдэ төрөөбүт оҕолоох аҕам биэ, иккис оҕонон тиил ылбыта. ОМГ ЭСС
ср. др.-тюрк. тел ‘приучать, припускать сосуна к матери (о животных)’, кирг. тели ‘принять, подпустить к себе (о самке животного)’, казах. тел ‘приучать, припускать сосуна к чужой матери’

туохт.
1. Тугу эмэ ханна, туохха эмэ хоҥнубат гына тугунан эмэ иҥиннэр, сыбаа. ☉ Приклеить, прикрепить что-л. к чему-л.
Ыраас, халыҥ кумааҕыны түөрт муннуктуу кырыйан баран, кинигэ тас өттүгэр сыһыарда уонна бэркэ ууһумсуйан олорон бөдөҥ буукубаларынан «Альбом» диэн суруйан кэбистэ. Амма Аччыгыйа
Ким төһө кыайарынан дьиэтин эркинигэр сибэккилээх ыспалыары сыһыарар, сибэккилээх хартыынаны ыйыыр. С. Васильев
Сотору тахсан ааҥҥа биллэрии сыһыарда. М. Доҕордуурап
2. Тугу эмэ туохха эмэ холбуу тут, эбэн биэр. ☉ Присоединить, приобщить, прицепить что-л. к чему-л.
Өлбүттэр, дьадайбыттар сирдэрин барытын сыһыаран-сыһыаран, Сыҕаайаптар сирдэрэ кэҥээтэр-кэҥээн иһэр. Амма Аччыгыйа
Холкуоска дьону сыһыарыахтарын, дьону тардыахтарын билиминэ, хата, дьону тэйитэллэр этэ. Күндэ
Чугастааҕы ойууртан суон бэрэбинэлэри кэрдэн, онно икки богуону сыһыаран, бэртээхэй остолобуой туппуттар. П. Егоров
△ Тугу эмэ туохха эрэ даҕайан ыл эбэтэр ыкса чугаһата тут. ☉ Приблизить, подвести кого-л. к чему-л.; коснуться чем-л. чего-л., дотронуться до чего-л.
Атын төҥүргэскэ сыһыаран, миинэн айаннаабытынан барда. Амма Аччыгыйа
Дабыыт сааны иэдэһигэр сыһыарбатаҕыттан үөрэр. У. Нуолур
Кылыйан кыыралдьытта, чээл күөх кырыска тиҥилэҕин да сыһыарбат курдук сүүрэн элээрдэ. «ХС»
△ Кими эмэ туохха эмэ кыттыгастаах, сыһыаннаах гын. ☉ Вовлечь кого-л. в какую-л. деятельность, сделать участником чего-л., приобщить к чему-л.
Ийэтэ кинини кыратыттан үлэҕэ сыһыаран, олоххо бэлэмнээбитэ буолбатаҕын. М. Доҕордуурап
Бу мин, суоссоҕотох төрөппүт уолуҥ баарбын, туох эмэ үчүгэй дьон быһыытыгар-майгытыгар сыһыардыҥ дуо? А. Сыромятникова
Марк Николаевич биһигини музыканы өйдүүргэ, таптыырга бары өттүнэн сыһыаран үөрэтэн испитэ. САа
3. Тугу эмэ туохха эмэ холбуу, дьүөрэлэһиннэрэ тут. ☉ Сочетать, совмещать, связывать что-л. с чем-л.
Онон, бүгүн манна буолбут аһаҕас кэпсэтииттэн хайа-хайаҕыт, үлэ-хамнас туһатыгар сыһыаран көрөн, сөптөөх отчуоту бэйэҕитигэр бэринэн, наадалаах түмүгү оҥостунаргыт эрэйиллэр. В. Яковлев
Ити сөп: сэлэ — тимир. Ол гынан баран, Сэлэ Хаппый диэн сир аатын [Комаров] итиннэ сыһыарара алҕас, Сэлэ Хаппыт — сэлэ өтүүтүн хаппыт сирдэрэ буоллаҕа дии! Багдарыын Сүлбэ
Быстах түбэлтэни уопсай быраабылаҕа сыһыаран түмүктээһин дедукция диэн ааттанар. ДИМ
4. Кими-тугу эмэ бэйэҕэр чугаһат, бэйэҥ көрүүгэр-харайыыгар ыл. ☉ Приближать кого-л. к себе; приставить кого-л. к кому-л. для надзора
Табаарыс биригэдьиир, бу оҕону миэхэҕэ сыһыар! Үөрэтэн, такайан, солбуйааччы оҥостуоҕум. В. Яковлев
[Ааныска:] Сахаар, ити тоҕо биһиги Сибиэтэбитигэр сүрдээх элбэх ынаҕы сыһыардыгыт? Уон алта ынах элбэх буолбат дуо? С. Ефремов. Саха норуотун чулуу уола П.А. Ойуунускай Даадары мээнэҕэ талан бэйэтигэр сыһыарбатаҕа чахчы. «Чолбон»
5. көсп. Ыарыыны тарҕат, атыттары ыарытыннаран сүһүрт (инфекционнай, вируснай ыарыынан ыалдьыбыт киһи туһунан). ☉ Заразить кого-л. чем-л. (напр., болезнью)
Дьоммун куһаҕаннык ыалдьан өллүлэр, кыыстарыгар кытта сыһыарбыттар диэн сураҕы кини ыыппыт этэ. Н. Заболоцкай
Бааһынайдар сүөһүлэригэр куорҕаллааччылар араас ыарыылары (чумааны, анемияны уо. д. а.) сыһыараллара. БИД

туохт.
1. Ханна эмэ тугу эмэ (хол., суругу) илт, тиксэр. ☉ Доставить, передать кому-л. или куда-л. что-л. (напр., письмо)
[Иван Иванович:] Таня, доҕорум оҕото, бу суругу кэмбиэргэ уган баран, бырабылыанньаҕа тиэрдээр. С. Ефремов
Зельцер суругу Неустроевтан хаайыыга, хаайыыттан Неустроевка тиэрдэн испитэ. П. Филиппов
[Михаил:] Мин бакыаты хайаан даҕаны тиэрдиэхтээхпин. «ХС»
2. Кимиэхэ эмэ ханнык эмэ илдьити, сураҕы, сонуну о. д. а. эт, иһитиннэр. ☉ Передавать, сообщать кому-л. какую-л. новость, извещение, весть и т. д. Эҕэрдэтэ тиэрт. Илдьиттэ тиэрт
□ «Харбас баайга баһыыбата тиэрт», — диэтэ Күүстээх-күдэхтээх күн судаара. П. Ойуунускай
[Дуолан Хара:] Үөрүүлээх сураҕы тиэрдэргэ Атах да, тыл да сыыдамсыйаллар. И. Гоголев
[Маша] ардыгар сонуну истэн баран, Друзьяновтаахха тиэрдэрэ. М. Доҕордуурап
3. Тугу эмэ туохха эмэ таарыйардыы чугаһат, даҕай. ☉ Приближать, подносить что-л. близко к чему-л., едва коснувшись
Сорохтор эттэрин айахтарыгар тиэрдиэхчэ буолан иһэн, ситэ укпакка, тохтоон хаалаллар. Күннүк Уурастыырап
Атын ким да тиэрдэ илигэ Уостарын мин итии иэдэспэр. П. Тобуруокап
[Чукчакыын] кумуччу туппут сутуругун муннун анныгар тиэрдэн, тарбахтарын сэгэтэн көрдө. С. Маисов
4. Кими эмэ ханна эмэ тиийэ илт, илдьэн тиксэр. ☉ Доводить, сопровождать кого-л. до какого-л. места
Куттаныма. Мин эйигин дьиэҕэр тиэрдиэм. Суорун Омоллоон
5. Тугу эмэ болдьохтоох кэмҥэ диэри бүппэккэ, бараммакка тиийэрин курдук дьаһан. ☉ Использовать что-л., рассчитав расходы так, чтобы хватило до какого-л. срока, дотягивать
Боппууда бурдуктарын үүнээйитин кэмчилээн-кэмчилээн ороһуоспаҕа эрэ тиэрдибиттэрэ. Амма Аччыгыйа
Ким тугу сатыырынан талбытынан күөстүөн сөп. Үс аһылыкка орочуоттаан тиэрдиэхтээх этэ. Н. Лугинов
[Дьэкиим:] Онтукатын Болтоһо толору биир сылга тиэрпэтэҕэ. «ХС»
6. көсп. Кими эмэ ханнык эмэ быһыыга-майгыга тиксэр. ☉ Приводить, заводить кого-л. до чего-л., втравить во что-л. [Бүөтүр:] Доҕоруом, куттаныма, мин эйигин хаһан даҕаны куһаҕаҥҥа тиэрдиэм суоҕа, мин тылбын ылын
Сөп дуо? А. Софронов
[Бүөччээн оҕонньор:] Хабырынар Хандьытаат, ханна тиэрдэҕин тиэрт, хаатыргаҕа да ыыт! П. Ойуунускай
Баай ханна тиэрдибэтэҕэй, туохха үктэннэрбэтэҕэй? А. Сыромятникова
7. көсп. Этэр санааны дьоҥҥо туох эмэ (хол., айымньы, уруһуй) нөҥүө биэр. ☉ Выражать, передавать свою мысль кому-л. посредством чего-л. (напр., через художественное произведение)
Хайа да суруйааччы, хоһоонньут ылыммыт баҕатын уус хоһоонунан, эгэлгэ эриэккэс кэпсээнинэн бар дьоҥҥо тиэрдэн астыннарыахтаах. Эрилик Эристиин
Алампа саха кыыһын, дьахтарын ураты айылгытын иэйии-хоһоон тылынан тиэрдибитэ. «Чолбон»
♦ Бэйэҕэр тиэрдимэ — кими эмэ сэнии санаа, бэйэҕэр холоомо, тэҥнээмэ. ☉ Проявлять высокомерие к кому-л., пренебрегать кем-л. как недостойным, не равным себе
Баай эмээхситтэр ону [Кэтириис сэниэ оҕонньорго кэргэн тахсыбытын] умнубаттар, бэйэлэригэр тиэрпэттэр. Амма Аччыгыйа. Төрдүгэр-төбөтүгэр тиэрт (тиий) — ымпыгар-чымпыгар тиийэ тугу эмэ бил, ыйыталас, түөргүлэс. ☉ соотв. дойти до сути
Арааһа, оҕонньоттор-эмээхситтэр төрдүгэр-төбөтүгэр тиэрдэ түөргүлэспиттэр быһыылаах. Кустук
Тылгын тиэрт көр тыл. Салайааччыгар тылгын тиэрт. Тылла тиэрт көр тыл. Ону бу оҕонньордоох эмээхсиҥҥэ этэн, тылларын тиэрдэн, бу аан ийэ дойдуга …… бу уоллаах кыыһы үөһэттэн түһэриҥ. Ньургун Боотур
ср. др.-тюрк. тегүр ‘доводить; доставлять, приносить’

1. туохт.
2. Тугу эмэ илиигинэн (эбэтэр атыннык да) бэйэҥ диэки сыҕарыта, аҕала сатаа, бэйэҥ өттүгэр кэлэринии хамсат. ☉ Взяв, ухватив что-л. руками, перемещать, приближать к себе с силой, усилием, тянуть, подтягивать что-л. к себе
   Сөдүөччүйэ уолун сиэҕиттэн тардаат, аан диэки дьулуруйда. Амма Аччыгыйа
   Ынаҕыҥ түөрт эмиийин тарбаххынан тардыаҥ суоҕа, элэктэриичистибэ күүһүнэн үүтүн ыган ылыаҥ. М. Доҕордуурап
   Ылдьаа кыыһы кууһан ылан бэйэтин диэки тарта. Н. Заболоцкай
   Дьиэ аанын тардан көрдүлэр. В. Протодьяконов
   Гурьянов оҥкучах иһигэр олорон, таһыттан киирэр, санньылыйан турар боруобаты аргыый аҕай тарта. Т. Сметанин
3. Кытаатыннаран баай, кэлгий. ☉ Затянуть туже, подтянуть
   Атын холунун тарда турар Охонооско Микиитэ тиийэн оргууй ботугураата. Амма Аччыгыйа
   Сылгыһыт көхөҕө үрүҥ былаат турарынан [өлбүт киһи] сыҥааҕын тардар. Суорун Омоллоон
   Күүскэ тарпыт быалара Зоя илиитин …… ыарытыннараллар. Н. Габышев
4. Тугу эмэ бэйэҥ өттүгэр эбэтэр үөстэн кытыы диэки хаһый. ☉ Подгребать что-л. к себе, в свою сторону или отгребать от центра к краю
   Оҕолор от бөҕө мунньаллар, Субурҕа субутан тардаллар. П. Тобуруокап
   Ылдьаана сыпсыны ылан, оһохтон чох тардар. «Чолбон»
5. Туох эмэ ыараханы сыҕарыт, сос. ☉ Тянуть за собой, тащить волоком что-л. тяжёлое
   Ийэтэ салааскаҕа тардан, бултаан аһатар: балыктыыр, куобахтыыр, кыыллыыр. Саха фольк. Ат күүстээхтик тирэнэ-тирэнэ тардан дьүккүөтүүр. Дьүөгэ Ааныстыырап
   Иккис испит массыына түспүт массыынаны торуоһунан холбонор, тардан бирдьигинэтэр. А. Фёдоров
6. булт. Муҥхалаа, муҥханан балыктаа. ☉ Неводить, рыбачить неводом
   Хас да мөрөһөнү, ийэлээх муҥханы үрэҕи быһа тардаллар. Далан
   Бүгүн муҥхаһыттар баар суох эрэнэр эбэлэрин — Ытык күөлү тардан эрэллэр. «Кыым»
7. Илиигинэн таарыйан, хамсатан тугу эмэ үлэлэт, тыаһат, аах. ☉ Приводить в действие что-л. при помощи руки, рук (напр., музыкальный инструмент)
   Сыкынаа, хомуһуҥ баар дуо? Ыл, тарт эрэ. Суорун Омоллоон
   Аркыастыр саала иһэ ньиргийиэҕинэн муусуканы тардан кэбистэ. Н. Лугинов
   Холкуос үбүнаһын киириитин-тахсыытын суокка тардан лаһырҕаппыта. Далан
   Мин сааны ылан, саамай чугас уста сылдьар кустары туһаайан иһэн тардан кэбистим. Э. Соколов
8. Илиигинэн суруйан сурааһынна оҥор. ☉ Провести черту, линию, прочертить
   Аҕабыыт …… остуолга сытар кумааҕыны ылан, харандааһынан кириэсмараас тарда-тарда, этэн барда. Эрилик Эристиин
   Кыыс оҕо содьоҥноон тиийэн, түннүгүн кырыатыгар биир сурааһыны эбии тардыбыта. Ф. Софронов
   Тутаах чилиэннэри аннынан тардыҥ. КИИ СТ-2
   △ кэпс. Тохтоон көрбөккө, элбэх бириэмэҕин ыыппакка суһаллык суруй. ☉ Писать, написать что-л. быстро, не затягивая, не тратя много времени, не раздумывая
   Андрей Николаевич ыраас лиис ылан түргэнник сурук бырайыагын тардыбыта. Далан
   Ол-бу кыра боротокуол дуомун үчүгэй суруксуттар начаас тардан кэбиһэллэрэ. С. Никифоров
   Губельман үчүгэй баҕайы буочарынан хоһоон икки күппүлүөтүн тардан кэбиспитэ бастакынан эрилийэ сытара. П. Филиппов
9. Чиккэччи баайан эбэтэр тиирэн оҥор. ☉ Протягивать, натягивать что-л. [Аан Далбар:] Биһиги аар сэргэлэргэ өбүгэ үгэһинэн Эриэн ситиини тардыаҕыҥ, Үрүҥ сиэли намылыччы ыйыаҕыҥ. И. Гоголев
   Аһаҕас халлааҥҥа, Алыптаах салгыҥҥа Балаакка тардабын. Күннүк Уурастыырап
   Николай Семёнович Костялыын остуолба туруоран, боробулуоха тардан иһэллэр. М. Доҕордуурап
10. булт. Атытан бэлэмнээ, иит (булт сэбин этэргэ). ☉ Настораживать для поимки зверя, нацеливать (орудие лова)
    Аҕылыы-аҕылыы Айатын аччаччы тарта, Кыҥыы-кыҥыы Кылыытын кыбытта. А. Софронов
    Кини билигин да куобахха айа тардар, тыаттан кураанах киирбитин өйдөөбөт. Ф. Софронов
    Булчут хапкааны кырса сылдьыан сөп дии санаабыт сиригэр тардыахтаах. Булчуттарга к.
11. Аһыыр курдук бэлэмнээ, остуолга иһити, аһы тарҕата уур. ☉ Расставлять посуду, еду, накрывать на стол
    Киэһэ дьиэлээхтэр остуол тардан, хоноһолорун күндүлүүллэр-маанылыыллар. Н. Якутскай
    Даарыйа кэлэр-барар, ас тардар, иһит аҕалар. М. Доҕордуурап
    Хайыы-үйэҕэ сылабаар ороон таһааран, остуолга чааскылары эҥиннэри тарпыттар. Эрилик Эристиин
12. Таптайан чарааһат, тэнит (тимири). ☉ Растягивать, придавая какую-л. форму ковкой (железо)
    Биһиги саха ууһа тардыбыт алтан солуурчаҕар күөстэнэр этибит. Н. Якутскай
    Үгүс күн-түүн үлэлээммин, Бу чуор тимирин уһаардым, Эрийдим, тартым, хатардым. С. Данилов
    Саха ууһа тардан оҥорбут обургу дьэс алтан солуура турар. Р. Кулаковскай
13. Тут, тутан өлөр (адьырҕа кыылы этэргэ). ☉ Задрать, поймать и завалить добычу (о хищном звере)
    Бөрө бэлиэтээбит сүөһүтүн тардар. Саха фольк. Көрбүттэрэ, икки оҕолоох эһэ табаны тардан баран, суоһурҕанан олбу диэки олооруҥнуу турар эбит. И. Данилов
    Бөрө саас торҕонноотоҕуна эрэ киһини тардар дииллэр. В. Ойуурускай
14. Түүрүтэ тут (киһи этин, иҥиирин туһунан). ☉ Дёргать, сводить, подёргивать (о судорогах)
    Уолака икки атаҕа уйбакка накыс гынар, иэнин иҥиирэ мунньары тардар. И. Бочкарёв
    Афоня сурата тардан соһуйан уһугунна. Сэмээр Баһылай
    Билигин даҕаны куһаҕан битим тардар. «Чолбон»
15. Суоллан, аччаа, аҕыйаа, уоһун. ☉ Уменьшаться в объёме, убавляться, спадать (напр., об отеке, уровне воды), садиться (напр., об одежде)
    Сүөдэр сирэйин искэнэ улам тардан барар. Н. Якутскай
    Киэҥ хонуу уута тарпыт. Н. Антонов
    Билигин сайылык халтаҥнаан, ынах үүтэ тардар кэмэ. М. Доҕордуурап
    Тахтайа тарпыт Татым бүрүүкэлээх. И. Эртюков
16. Салгыны обор, ис өттүгэр эҕирий (хол., бэнтилээссийэни этэргэ). ☉ Иметь тягу, тянуть (напр., о вентиляции)
    Үрэх былыыга кинини эмиэ уу түгэҕин диэки тардарга дылы гыммыта. «Кыым». Табах хойуу буруота, көмүлүөк оһох тардан, долгуҥнаан устар. М. Доҕордуурап
    Оһоҕум тардар тыаһа сирилэс. Ф. Постников
17. Табах буруотун эҕирий, табахтаа. ☉ Курить
    Табах тардыбыт киһи куһаҕана суох буолуо эбит. Амма Аччыгыйа
    Буут Уйбаанабыс хамсаҕа табах уурунан тарта. Н. Габышев
18. Хомуй, мус. ☉ Собирать, стягивать
    Сорохтор ыаллартан киһи тарда сүүрдүлэр. И. Федосеев
    Бэрэссэдээтэллээх суруксут биһигиттэн тардан ылбыт үптэрин былдьаһаннар охсуспуттар үһү. Күндэ
    [Дьаакып:] били быһаас биир мөһөөҕү нэһилиэктэн хомуурунан тардан биэрбит нууччабыт буолбат дуо? А. Софронов
    △ Иҥэр, тут (сииги). ☉ Собирать, удерживать (влагу)
    Дьахтар өр сытан сиик тарпыт таҥастары биирдии-биирдии таһааран салгылата быаҕа ыйаталыыра. Н. Гоголь (тылб.)
19. Тугу эмэ төрүттээ, саҕалаа. ☉ Начинать что-л., быть зачинателем чего-л.
    Онтон айылҕаттан артыыс Эрдэлиир Миитэрэй соҕотох бэйэтэ хас да киһини тэҥинэн үтүктэн, көрү-нары тарта. Амма Аччыгыйа
    «Эйиэхэ буоллаҕа дии сэһэн, сир кулугута кырдьаҕаска, — Саарбалаахап оҕонньору олоппоско олорто. — Кэпсээҥҥин тардан кэбис». Софр. Данилов
    Дьөгүөссэ сопхуос киин бөһүөлэгэр тиийэн түрүбүөгэ бөҕөнү тарта. В. Протодьяконов
20. Тугунан эмэ киһи санаатын көҕүлээн угуй, хайа эмэ өттүнэн киһи, дьон санаатын тут, көҕүт. ☉ Увлекать кого-л. чем-л., вызывать стремление к чему-л. [Даарыйа эмээхсин] кэрэтик кэпсээн унаарыйар, дьиэ иһинээҕи дьон болҕомтотун барытын бэйэтигэр тардар. Амма Аччыгыйа
    Соҕотох Өлүөнэ суһумнуур сүүрүктээх унаар солко урсуна, кини баай-дэлэй биэрэктэрэ саханы тардар, ыҥырар. Т. Сметанин
    Таптал ыраахтан сылытар, тардар, ыҥырар, долгутар. С. Васильев
21. Кими эмэ оҥорбутун иннигэр эппиэти сүгэр, эппиэттиир гын. ☉ Привлекать кого-л. к ответу (к суду, ответственности и т. п.)
    Тылга иҥиннэрдэ, дьыалаҕа тарта (өс хоһ.). Чэ, туох да диэн кубулдьут, син биир буруйга тардабыт диир. М. Попов
    Эрдэ-сылла Сергееваны силиэдэбэтэл эбээһинэһиттэн устарга, …… дьыала тэрийэн холуобунай эппиэккэ тардарга. «ХС»
22. Бурдугу мэлий (бурдук тардар тааска). ☉ Молоть зерно в муку (на жерновах)
    [Суоппуйа:] Хайа, бу дьахтар, бурдуккун тардан бүтэрдиҥ дуо? Эрилик Эристиин
    Оһох кэннигэр ким эрэ бурдук тардан аалыҥнатар тыаһа иһиллэр. Ф. Захаров
    Элбэх кэргэҥҥэ биир чабычах кэриҥэ сиэмэни тартаххына хонук буолар. «ХС»
23. Уһатан, эҥээритэн саҥар, ыллаа. ☉ Медленно, протяжно петь или говорить
    Начаалынньык …… сорох аһаҕас дорҕооннору эҥээриччи соҕус тардан, саҥаран барда. М. Попов
    [Ырыа] бүтүүтүгэр «сүһүрэ-һэ-ҕиим!» — диэн тардыахпыт. «ХС»
    [Хористар] үлүһүйэн ыллаан киирэн бардахтарына учууталлара тугу үөрэппитин умнан, уруккуларын курдук тардаллара. АҮ
24. Төһө эмэ ыйааһыннаах буол. ☉ Иметь тот или иной вес, тянуть на сколько-л. в весе, весить
    Кээтии …… хаһаас арыыны көтөҕөн киллэрэн остуолга лик гына уурда: «Уон муунтаны тардар». А. Сыромятникова
    Бастыҥ улахан сылгылар 590 – 600 киилэ ыйааһыны тардаллар. АНП ССХТ
    [Сеня:] Ити улахан сибиинньэҕит күһүн хас бууту тардыаҕай? ХКК
25. Кими-тугу эмэ тут, туох эмэ буоларын, оҥоһулларын бытаарт, уһат-кэҥэт. ☉ Задерживать кого-что-л., медлить с осуществлением чего-л., затягивать что-л. [Оҕолорум] биирдэ эмэ үлэни тардар гына оонньоотохторуна харгыс буоларым: дьөлө хаһыытаан бурайталаан кэбиһэрим. Эрилик Эристиин
    Киһини тардан кэбистигит, сүппүт ынахтарбын бу хаһан хомуйан булан кэлэбин? Н. Заболоцкай
    [Сандаарка:] Холбоһор буолан баран, тугу эмиэ тарда сылдьыахпытый? С. Ефремов
26. Дьиҥ баарынан буолбакка, үрдэтэн эбэтэр намтатан (көҕүрэтэн, аччатан) көрдөр, сыаналаа. ☉ Показывать, оценивать необъективно, занижая или завышая показатели, подтягивать что-л. до какого-л. уровня
    Биллэн турар, биһиэнэ барыта тарда соҕус. Билигин баары даҕаны сэрэнэн, кыччатан, аманы да үүннүү-тэһииннии сатыыгын. Н. Лугинов
    «Сеня, дьэ үөһэ кылаастарга кыһаннаххына табыллар. Тардан ортону туруорабын», — диэтэ кини. Н. Босиков
    Кини оннук эдэр киһи буолбатах — 62-лээх, ол эрэн олох эдэр көрүҥнээх киһи — тардан-тардан түөрт уонча эрэ сааһы биэриэм этэ. «Кыым»
27. көмө туохт. суолт.
28. Сорох сыһыаттарга сыстан хайааһын эмискэ, түргэнник, бүтэһиктээхтик оҥоһулларын көрдөрөр. ☉ В сочетании с некоторыми наречиями означает резкость, быстроту, завершённость действия: быһа тарт ‘порвать, разорвать’, сулбу тарт ‘выхватить’, туура тарт ‘оторвать’
    Сэмэн сиэбиттэн болокунуотун ылан, биир лииһи туура тарта. Н. Якутскай
    Нуучча өрө уһуутаат, хара сатыын булууһатын уолугун тимэҕин төлөрүтэ тарта. И. Гоголев
    Саатын сулбу тардан ылан, атыыры сүүһүн хаба ортотунан тобулу ытан саайар. Эрилик Эристиин
    Сержант сүүрэн тиийэн, хара бэкир киһини соҕотохто эргилиннэри тарта. Н. Заболоцкай
29. -а, -ыа сыһыарыынан бүтэр сыһыат туохтууру кытта ситимнэһэн хайааһын суһаллык, түргэнник оҥоһулларын көрдөрөр. ☉ В сочетании с деепричастной формой на -а основного глагола означает ускоренность, быстроту действия: бара тарт ‘идти, отправляться скорее’, арыйа тарт ‘раскрывать немедленно, скорее’, аҕала тарт ‘принести быстрее’
    [Михаил:] Оҕонньор! Хайа, аттааххын дуо, аҕала тарт! С. Ефремов
    Дьиэ умайан эрэр… Бар дьон кэлэ тардыҥ, өрүһүйүҥ. Күндэ
    Түргэнник күрүү тарт, түүн эрдэ. А. Бэрияк
    ♦ Ат тарпат айыыта, оҕус тарпат буруйа көр ат II
    Дьэ, Катя, мин эн иннигэр оҕус кыайан тарпат айыытынбуруйун оҥорон сылдьабын. С. Никифоров. Быата тардар кэпс. — туох эмэ буолар ыйааҕа, дьылҕата баһыйар диэн этии. ☉ Так говорят, имея в виду, что всё в жизни предопределено судьбой (букв. его тянет верёвка)
    Сүөдэри кытары субу күҥҥэ диэри бииргэ олоруох быата тарпыта буолуо, барыта буолуохтаах буолуохтааҕын курдук тахсан испитэ. В. Гаврильева
    «Бултаабат быам тартаҕа эбээт», — диэтэ онуоха, буруйдаммыт курдук туттан баран, Көстөкүүн. П. Аввакумов
    Илиитэ тардар көр илии. [Кулуба — бандьыыттарга:] Олоҕу алдьаппыт бассабыыктары өлөрөртөн илиигит тарпат буолуохтаах. Эрилик Эристиин
    — Мин тоҕо кинини өлөрүөхпүнүй? Илиим тарта эбээт. Л. Толстой (тылб.)
    Иэнин тарт (хастаа) көр иэн I. Иэҥҥин тарда иликпинэ этэ тарт! Н. Неустроев. Кэтэҕин аһыттан сыһа тардан ылбыт, иэнин тарпыт. Саха фольк. Киһи тылын быһа (уһулу) тардар — олус минньигэс, үчүгэй амтаннаах. ☉ соотв. язык проглотишь
    Макарону туохха эрэ холбоон-илбээн киһи тылын уһулу тарда сыһар минньигэстик астаабыт. «ХС»
    Сахалар биһиги «балык» диэн аанньа ахтан сиэбэт сыалыһарбытыттан хотугу дьон киһи тылын быһа тардар минньигэс миини бэлэмнииллэр. «ХС»
    Эдэр ойоҕо бэйэтэ эрэ билэр отторунан амтанын тупсаран, киһи тылын быһа тардар гына минньигэстик астыыра. С. Курилов (тылб.)
    Өрө тарт көр өрө. Оҕонньор өлөөтүн, дьиэтин буораппыттар. Саас аайы манна кэлэн, ыраастаан, өрө тардан барара. М. Ефимов
    Ыстапаан дьиҥнээх дьон киһитэ этэ. Бары дьаһалбыт сатарыйбыт кэмигэр кэлэн өрө тарпыта. Р. Кулаковскай
    Оо, чыычаахтарым, көмөлөһө, өрө тарда кэлбиккит дии. Н. Антонов. Саралыы тарт — урут биллибэккэ сылдьыбыт куһаҕан быһыытын арыйан көрдөр, дакаастаа. ☉ соотв. сорвать маску, открыть истинное лицо
    Кини оннугар атын сытыы соҕус киһи эбитэ буоллар, Кириллов ньүдьү-балайын саралыы тардыа этэ. Н. Лугинов
    Өрүүсэ абарбыта ааһа илик. Тима сидьиҥ быһыытын саралыы тардан доҕотторун ортотугар кэпсиэн саныыр. А. Сыромятникова
    Болот Борисович мунньахха …… Кылбановскай үлэтин-хамнаһын ырытан көрөргө, кинини туох баарынан дьон хараҕар саралыы тардарга соруммута. В. Яковлев. Сата баһын тарт көр сата. Тарабыыкын Харыалабы кытта кэпсэппитин кэмсиннэ: «Сатана оҕонньоро сата баһын тартым буолбат дуо?!» Л. Попов
    «Сатаабат аата сата баһын тардыма» — диэн саха өһүн хоһооно этэр. Күн Дьирибинэ
    Силис (силисмутук) тардар көр силис. Дьэ ити курдук маҥнайгы саҕалааһын, үтүө кырыска түһэн, силис-мутук тардан барбыта. И. Артамонов
    А. Кулаковскай поэзията саха мифологиятыттан силис тардан муҥутаабыта. «ХС». Сиһин үөһүн быһа тарт — өлөр (былыр сылгыны тыыннаахтыы иһин хайытан, сиһин үөһүн быһа тардан өлөрөллөрүнэн өйдөөн этии). ☉ Убить (букв. разорвать аорту — выражение связано с тем, что в старину, забивая лошадь, живьём вспарывали ей живот, разрывали аорту)
    Сиргидэҕи сип-сибилигин сиһиҥ үөһүн быһа тарда иликпинэ уурайбат киһи буолуом эбээт! Ньургун Боотур
    Ылдьаа субу тиийэн ол сидьиҥи сиһин үөһүн тардыах курдук омуннуран барда. Н. Заболоцкай
    Тардар тымырдаах көр тымыр. Хата, мин киһи Күүстээх санаам дьэ күүрдэ, Орой тымырым дьэ оҕуста, Тардар тымырым дьэ тарта! Өксөкүлээх Өлөксөй
    Тэрэнтэй төһө да көнөтүн, сымнаҕаһын иһин, син тардар тымырдаах, тэбэр хааннаах киһи диэбиккэ дылы, аны Наастаҕа кыыһыран, күнүүлүү санаан барбыта. Д. Таас. Тиийбэт тирии, тарпат тараһа буол — тугунан эмэ үчүгэйдик тиийинимэ, тутаа. ☉ Испытывать недостаток в чём-л., нехватку чего-л. [Мииккэ] дьонтон тугу эмэ ордук ууннарбыта суоҕа
    Сааһын тухары олоҕо тиийбэт тирии, тарпат тараһа буолан биэрбитэ. А. Сыромятникова
    Биһиги даҕаны өрүү тиийбэт тирии, тарпат тараһа буолан эрэбит. Ол, арааһа, олорор сирбитуоппут чиэскититтэн, сайдыыбыт, өйбүт-санаабыт татымыттан быһыылаах. Н. Босиков. Тоҕо тарт кэпс. — кими, тугу эмэ элбэҕи, дэлэччи бул, аҕал. ☉ Достать, добыть, найти что-л. вдоволь
    «Дьиэм күлүн атыылааммын, бачча үбү-аһы тоҕо тартым», — диэн баран, Суккун сонноох Суут албын таһаҕаһын диэки ыйан кэбистэ. Суорун Омоллоон
    [Ньургуһун Ньукулай:] Баай тылын уҕалдьыта элбэх. Омук омуктан табаар арааһын аҕалан тоҕо тардан биэриэм диир, ону барытын итэҕэйэллэр. Күндэ
    Бу от үлэтин үгэнигэр хантан дьону тоҕо тардан ылабыт? В. Гольдеров. Төлө тарт — тугу эмэ (улаханы, уһуннук барары) саҕалаа, төрүттээ. ☉ Начинать, давать начало чему-л. продолжительному, долговременному
    Эһэм оҕонньор …… уокка аргынньахтыы олорон баран, кэпсээнин төлө тардан кэбиһэр. Р. Кулаковскай
    «Бэйи эрэ, кыргыттар, эһиги билбэт сирбитигэр барбаппыт, куттанабыт дэһэҕит дуу?» — Дима кэпсээнин бүөтүн эмиэ төлө тарта. «ХС»
    Израиль …… Ливаҥҥа саба түһэн арааптары утары саҥа сэриини төлө тардыбыта. ПА. Тураах (кымырдаҕас, тигээйи) уйатын тоҕо тарт — тугу эмэ саҥаран, оҥорон, киэҥ айдааны таһаар. ☉ Сказав или сделав что-л., вызвать большой скандал, большую суматоху
    Наҕыл [сир аата] кымырдаҕас уйатын тоҕо тарпыт курдук буолбут. Амма Аччыгыйа
    Тураах уйатын тоҕо тарпыттыы, эмискэ аймалҕан бөҕө өрө оргуйа түстэ. Күндэ
    Дьэ, тигээйи уйатын тоҕо тартыбыт быһыылаах, ньиэмэстэр саҥалараиҥэлэрэ наһаа айманар, биһигини көрдүүллэр. И. Никифоров. Тыла тардар кэпс. — 1) саҥарбат буолар, саҥарыан, этиэн баҕарбат (үөхсэн этэргэ тут-лар). ☉ соотв. язык проглотил, язык отнялся (употр. как ругательство)
    [Байбал:] Нохоо, ыйытабын дии, истэҕин дуо, били уол хайа диэки барда, тылыҥ тарпыт дуу? А. Софронов
    «Туохтаатылар диэн туох аатай?! Баҕайы, бука киһи кыһаннаҕына тыла тардара ээ», — диэн оҕонньор Уулааҕы, ситэ этитиэх түгэн биэрбэккэ, үлтү ыххайан барда. Эрилик Эристиин
    «Маамаҥ кэпсэтэр буолбат дуо, нохоо! Тоҕо тылыҥ тардан хаалла?!» — аҕатын дьиппиэ саҥата иһилиннэ. Кэпсээннэр; 2) тугу эмэ этиэн тыла барбат, кэрэйэр, туттунар (хол., сүрүргээн). ☉ Не осмеливается сказать что-л., воздерживается (напр., считая неприличным); соотв. язык не поворачивается (сказать кому-л. что-л.)
    Эчи арах! Кэннэ хайдах буоларын этиэхпин тылым тардар. Р. Кулаковскай
    Кини иннигэр киирдэхпинэ тылым-өһүм тардар, уотум-күөһүм умуллар. И. Федосеев. Тыынын тарт — өлөрөрдүү кырбаа, өлөр. ☉ соотв. вышибить дух
    Тахсыаҥ суоҕа да, моһуораҕын көннөрөн, тыыҥҥын тардан туран таһаарыам. Эрилик Эристиин
    Айыы тойон таҥара, Ньукуус уола Түмэппийи, Уоһук кыыһа Өрүүскэ дэриэтинньиги тыыннарын тарт! Күндэ. Уодьуганын тарт — буой, тохтот, иннин ыл. ☉ Обуздать, укротить кого-л.
    Утары көрбүтү умсары көрдөрөрүм, Улуу бэртэри уодьуганнарын тардарым. П. Ойуунускай
    [Сөдүөччүйэ:] [Манчаары] куоппута да, син биир ситиэм, ириэнэх суолун ирдиэм, тоҥ суолун тордуом, уодьуганын тардыам, остуруок дойдулуом диир. В. Протодьяконов. Хаана тардар — кими эмэ хаан уруута буоларын сэрэйэн чугастык саныыр. ☉ Интуитивно чувствуя, угадывая кровное родство с кем-л. или зная о нём, проявлять к нему благосклонность, родственные чувства
    Тыллаары гынан баран, бииргэ төрөөбүт хааным тардан, тылым тахсыбата. Н. Якутскай
    Хаппытыаҥҥа Туорай кимэ да буолбатах этэ да, Татыйыгынан хаан тардарга дылыта. А. Сыромятникова
    Ыраахтааҕы сарыыссата ньиэмэс дьахтара үһү. Ол иһин, хаана тардан, биһигини таҥнара, биһиги бары сэкириэппитин тыллаан биэрэ олорор үһү. Н. Якутскай. Хараҕын хайа тардаат — уһуктаат, утуйан тураат. ☉ соотв. едва продрав глаза
    Бүгүн Порфирьевич хараҕын хайа тардыаҕыттан киҥэ-наара холлон кэлбит. Н. Лугинов
    Хараҕын хайа тардаат, атын ыҥыырдатар. И. Чаҕылҕан. Этэ тар- дар — 1) куттанар, соһуйар. ☉ Пугаться, вздрагивать от испуга
    Онтон, киһи этэ тардыах, им балай буолла. Амма Аччыгыйа
    Мөрүөн бэйэтэ да өтөхтөн этэ тардар. Д. Таас
    Киһим сирэйэ тыйыһыра, дьэбидийэ түспүтүн көрөн, этим тардан, ситэ саҥарбакка тохтоон хааллым. Р. Кулаковскай; 2) туох эмэ суоһуурун этинэн-хаанынан таайар, битинэн билэр. ☉ Предчувствовать нутром что-л. страшное, ужасное
    Ас тоҕуннаҕына Аньыырҕаан, миэнэ этим тардар. М. Тимофеев
    Роман хайдах эрэ этэ тардан, хантас гынан көрбүтэ. Ф. Софронов
    Этим тардан аһаран биэрпин Бэйэм да билбэккэ хааллым. А. Бэрияк
    ◊ Атах тарт көр атах
    Сүөдэр аттары атах тарда хаалла. Амма Аччыгыйа. Быһа тарт — айымньы сорох чааһын эт, аах. ☉ Привести, прочитать отрывок произведения
    Олоҥхоттон быһа тардан көрдөрбүппүт. И. Сосин
    «Алдьархайга» Горькай аата быһаччы ахтыллар, кини айымньытыттан быһа тардан аҕалыллар. ФЕВ УТУ
    Кыл тарда көр кыл. Биир арыы ыйааһыныгар эрэ сөп буолбутугар эмээхсин өрө халаатыы түстэ: «Сордоох оҕолор, кыл тардан мээрэйдээбитиҥ буолуо». Амма Аччыгыйа
    Чаайынай ньуоскаҕа чөмчөччү буолбакка, кыл тарда кутуллубут туус быһа холуйан уон кыраам буолар. ФВН ЭХК. Өрө тарт I — дьиҥнээҕиттэн үрдэтэн сыаналаа, үрдэтэн көрдөр. ☉ Завышать (напр., оценку, цены)
    Сэмэнчик [этэрээккэ киирээри] сааһын өрө тарда түһэн биэрэр. Н. Якутскай
    Кыайбаты да кыайыаҥ диэн өрө тардар куолу. Н. Заболоцкай. Өрө (үөһэ) тарт II — уоттан тэйиччи сыҕарыт. ☉ Снимать с огня (напр., кастрюлю)
    Ньукулаас дьиэҕэ киирэн күөһүн өрө тарта. С. Никифоров
    Хобороос ойон кэлэн чаанньыгын үөһэ тарта. А. Бэрияк. Хаба тардан кэпс. — сонно тута, өйдүү охсон. ☉ Сразу же, наобум
    Коля да, урукку курдук хаба тардан, эһитэ охсубут курдук саҥарбата. Амма Аччыгыйа. Кыыс тугу да хаба тардан хардарбатаҕа. Эвен фольк.
    др.-тюрк., тюрк. тарт