ж. монархия (государство монарх былааһынан салаллар формата уонна оннук салалталаах государство).

поэт., көр салалталаах
Саргылардаах сахаларбыт Салаһыннаах саҥаларын Саҥалыыра тойугунан Салайан-саҥардан иһиэҕиҥ. А. Софронов

м. патриархат (1. родовой ту-тулга матриархат кэнниттэн эр киһи баһылаабыт кэмэ; 2. патриарх салалталаах тан-ара дьиэтэ).

аат. Итэҕэс, табыллыбатах өрүт; киһи сирэр, итэҕэститэр өттө. ☉ Предосудительный поступок; недостаток
Кэскиллээх кэпсээн кэмчи, Салалталаах санаа татым, Ойулгулаах толкуй омнуо. Өксөкүлээх Өлөксөй
Олус арбаабыт киһибит Омнуота улахан эбит… — Дьону киртитэн сылдьыбыт, Сороҕу дьыалалаабыт. Р. Баҕатаайыскай
Эдэр дьон кыра да омнуолара, мөлтөх өрүттэрэ кинилэр харахтарыгар хайдах эрэ олус улаатан, үллэн көстөр. С. Никифоров
ср. халх., калм. андуу ‘ошибка’

аат.
1. полит. Баар былааһы суулларан саҥа былааһы олохтуур тосту уларыйыы. ☉ Коренной переворот в жизни общества, который приводит к ликвидации предшествующего общественного и политического строя и установлению новой власти, революция
Ыраахтааҕы бүрүстүөлүттэн аккаастаммыт, өрөбөлүүссүйэ буолбут үһү. П. Ойуунускай
Билигин, дьэ, өрөбөлүүссүйэ буолаары гынна. Амма Аччыгыйа
«Өрөбөлүүссүйэ», «көҥүл» диэн тыл Ол сыл маҥнай иһиллибит. Баал Хабырыыс
2. Тосту уларыйыы, туохха эмэ улахан уларыйыы тахсыыта (култуураҕа, искусствоҕа, наукаҕа). ☉ Коренной переворот, резкий скачкообразный переход от одного качественного состояния к другому (в культуре, искусстве, науке), революция. Сүүрбэһис үйэҕэ наукаҕа дьиҥнээх өрөбөлүүссүйэ буолбута
□ «Култуурунай өрөбөлүүссүйэ! Култуурунай өрөбөлүүссүйэ!» — Хос аайы, дьиэ аайы Кумалаһыы, мөккүөр. С. Васильев
◊ Өктөөп өрөбөлүүссүйэтэ — 1917 сыллаахха буолбут В.И. Ленин салалталаах өрөбөлүүссүйэ. ☉ Великая Октябрьская социалистическая революция 1917 г. Өрөгөйдөөх Өктөөп өрөбөлүүссүйэтэ Өлүүлээх батталы Үрэйбитин эрэ кэннэ Үрүҥ харахпытын Өрө көрбүппүт. Саха нар. ыр. III. Өрөбөлүүссүйэ иннинэ — Өктөөп өрөбөлүүссүйэтэ буола илигинэ, ыраахтааҕы былааһын саҕана. ☉ До революции, при царском режиме
Кини өссө өрөбөлүүссүйэ иннинэ олус баай көмүстээх үрүйэни булбута. Суорун Омоллоон

аат дьөһ. Туох эмэ ахсаана, кээмэйэ быһа холоон төһө төгүлүнэн элбэҕин, аҕыйаҕын көрдөрөр (төрүт түһүгү кытта тут-лар). ☉ Употребляется с основным падежом имени при указании на приблизительную кратность соотношений чисел, величин (примерно во столько)
Ити эмиэ билиҥҥитээҕэр икки төгүл кэриҥинэн киэҥ сир. П. Егоров. Саха АССР тутуутун тэрилтэлэрэ тиэхиньикэнэн сэбилэниилэрэ Илин Сибиир атын оройуоннарынааҕар икки, икки аҥаар төгүл кэриҥинэн намыһах. «Ленин с.»
△ Туох эмэ ырааҕынан кээмэйин сыһыаннаһыыта быһа барыллаан төһөнөн кэмнэнэрин быһаарарга туттуллар. ☉ Употребляется при приблизительном определении соотношения расстояния, меры предметов (примерно на столько)
Биһиги аппыт сүүс миэтэрэ кэриҥинэн куотан таҕыста. Мин киниттэн уонча хаамыы кэриҥинэн хаалан испитим.  Оргуй харгытыттан үс көс кэриҥинэн алларанан, Хотун өрүскэ Дьуойа үрэҕэ түһэр. В. Яковлев
△ Хайааһын барыллаан төһө кэминэн буолуохтааҕын, оҥоһулларын көрдөрөргө туттуллар. ☉ Употребляется при указании на время, через, по истечении которого совершится или совершилось действие (приблизительно через столько)
Аны үс ый кэриҥинэн үчүгэй Өлүөнэ ол курусаала анныгар диэри өрө анньан кэлиэ ээ. Н. Лугинов
Ити кэнниттэн чаас чиэппэрин кэриҥинэн сыылынайдар олорор сирдэригэр Карамзин поручик уонна Сухачев полицмейстер салалталаах хамаанда тиҥинээн кэлбит. Н. Якутскай
[Ойуурап:] Сотору бараҕыт дии. Трамвай аны чаас кэриҥинэн кэлиэ. С. Ефремов

туохт.
1. Кими-тугу эмэ иһирдьэттэн таһырдьа эбэтэр кыараҕастан киэҥҥэ баар гын, илт. ☉ Выносить, выводить кого-что-л. откуда-л. Ийэм сууйуллубут ырбаахыны таһааран күрүө маһыгар куурда ыйаата. И. Гоголев
Эйигин оптуобустан таһааран кэбиһэргэ сөп. Оптуобус иһигэр айдааны тардаҕын. Амма Аччыгыйа
[Сүөкүлэ:] (хостон сыттык таһаарар) Иван Степанович, ыл, ити дьыбааҥҥа сынньана түс. С. Ефремов
Кини түүн күрүүр кыаҕа суох: түүн таһырдьа таһаарбаттар, аан барыта хатыылаах. Н. Павлов
2. Тугу эмэ туох эмэ иһиттэн хостоо, ороо. ☉ Вынимать, извлекать что-л. откуда-л. Сиэбин хастан-хастан тирии кумааһынньыгын таһаарда. Амма Аччыгыйа
[Кэтириис:] (хоонньуттан суулаах таҥаһы таһаарар) Бу кэһиибин ырбаахы таҥаһа аҕаллым. С. Ефремов
Үрүҥ бэргэһэлээх киһи сиэбин хастан улахан хамсаны таһааран табах уурунна. Т. Сметанин
△ Тугу эмэ баар, баар буолуохтаах сириттэн таска быктар. ☉ Выставить, высунуть что-л. наружу
[Аҕабыт] кэнниттэн оҕолор тылларын таһаара, сутуруктарынан дугдуруйа хаалаллар. Амма Аччыгыйа
Кэнниттэн доҕоро Түргэн [ыт аата] тылын таһааран баран, адьас хаалбакка батыһан иһэрэ. Суорун Омоллоон
△ Бэйэҥ искиттэн, бэйэҕиттэн тугу эмэ таска бычыктат, үтэйэн таска гын. ☉ Пускать, выдавливать что-л. изнутри (напр., слёзы, кровь)
Онуоха уола, үгүс саҥата суох, батыйатынан эмээхсини быһа түспүт, тобугун быһа быраҕан, хаан таһаарар. Саха фольк. Киһитэ табаҕын буруотун сыыйан таһаара-таһаара, кыыс уурбут суруктарын ааҕа олордо. А. Софронов
Киниэхэ кутуллан киирбит үөрүү хараҕын уутун ыган таһаарбыта. М. Доҕордуурап
3. Кими-тугу эмэ алларааттан үөһээ диэки сыҕарыт, үөһээ баар гын. ☉ Перемещать наверх, поднимать кого-что-л.
Тииккэ моҕотойу таһааран баран, ону тула сүүрэн-көтөн омуннурабыт. Амма Аччыгыйа
Табалаахтар табаларын чэлгиэн хайаҕа таһаараллар, бырдахтан куоталлар. Н. Якутскай
Тэлигириэйкэ кэтэн булуустан муус таһааран уһаакка таста. Н. Габышев
4. Сыыһа туттан уҥуох сүһүөхтэринэн холбоһуутун оннун хамсат, халдьы сылдьар гын. ☉ Сместить кости в суставе, вывихнуть. Лиза халтарыйан охтон, илиитин таһаарбыт
5. Үөс, киин сиртэн кытыы, тыа сиргэ илт, тириэрт. ☉ Доставлять, перемещать кого-что-л. из центра на периферию, из крупного населённого пункта в меньший
Манчаарыны дойдутугар таһаарымаҥ диэн Чоочо суукка көрдөһүү киллэрэ олорбут. МНН
Хата, Өлүөскээ, эн миигин эрэйдээбэккэ, оҕолорбун кытта сайылыкпар таһааран кулу. Далан
[Вера:] Ол, Арамаан, хантан кэргэн кэпсэппитий? [Кэтириис:] Куораттан таһааран иһэр үһү. С. Ефремов
6. Кими эмэ быстах кэмҥэ киирэ сылдьыбыт сириттэн ыыт, босхолоо. ☉ Освободить, выпустить кого-л. (из тюрьмы), выписать (из больницы)
Биһигини сорохпутун хаайыыттан таһааран кэбистилэр. Амма Аччыгыйа
Икки хонон баран, санчаастан таһаарбыттара. Т. Сметанин
Туллайдаах ол сыттахтарына, «дьыалалара олох да суох эбит» диэн, түрмэттэн таһааран кээспиттэрэ. Н. Павлов
7. Тугу эмэ төрүттээ, саҕалаа. ☉ Начинать что-л. [Мэхээлэйэп:] Улаханнык сыыһан эрэр дьоҥҥут, хардарыта өстөһүүнү таһааран, холкуоһу үрэйэн эрэҕит. Амма Аччыгыйа
Охоноос, ырыата таһаар! Амма Аччыгыйа
Бу боппуруоһу хайдах эрэ көннөрүөххэ, кылаабынайа айдааны таһаарымыахха. Н. Лугинов
Түһүлгэҕэ оонньууну таһааран, Түүҥҥү чуумпуну чугдаардыахпыт! С. Васильев
8. Тугу эмэ үөскэт, оҥор. ☉ Производить что-л. (напр., аварию), допустить, нанести (ущерб), составить что-л., проложить (напр., дорогу)
Оһолу таһаарбыт, Оҕону дэҥнээбит Буолбаккын дуо, нохоо! С. Данилов. Ол сиһи быһа солоон, суол таһаарбыт киһи… Амма Аччыгыйа
Бастаан утаа ыарырҕатан, Онтон улам «буһан-хатан», Буукубаттан тыл таһаарар Муудараһын аспытым. Күннүк Уурастыырап. Урут тэнийэ сылдьыбыт, олохтоох суортары сүтэрэммит, олус да улахан ночооту таһаардыбыт. П. Ефремов
9. Киэҥ эйгэҕэ биллэр, бэчээттээ (кинигэни, хаһыаты). ☉ Издавать, выпускать, опубликовывать (книгу, газету)
[Костя:] Толкуйдаан-толкуйдаан баран, ити туһунан халыҥ кинигэни суруйан таһаардаххына? Амма Аччыгыйа
«Бойобуой листок» эрэдээктэрэ олоҕо суох матырыйаалы аны таһаарбатыгар эттилэр. М. Доҕордуурап
Кинигэ кыһата фольклорга сыһыаннаах ырыалар, кэпсээннэр, таабырыннар хомуурунньуктарын таһаарда. «Кыым»
10. Олоххо киллэр, норуокка биллэр (уурааҕы, дьаһалы, о. д. а.). ☉ Обнародовать, издавать (указ, распоряжение и т. п.)
Ыспыраанньык тойон ыйаах таһаарбыт. Амма Аччыгыйа
Оройуон кэмитиэтиттэн үчүгэй салалталаах суруксуту көрдүүргэ уураах таһаардылар. Күндэ
Улуустааҕы милииссийэ начаалынньыга …… Петяны тутар туһунан бирикээс таһаарбыт. М. Доҕордуурап
11. Ахсаан түмүгүн бул, суоттаа. ☉ Находить решение, решать (напр., задачу)
Михаил Иванович дуоска таһыгар сис туттан туран суот таһаара олорор устудьуоннары эргиччи көрдө. Н. Лугинов
Кэллэ кэлээт киһибит ахсаан таһаарар идэлэммитэ. Н. Заболоцкай
Оҕолоор, мин эһиэхэ хаастар тустарынан садаачата биэриим эрэ, ону эһиги таһаарыҥ! А. Неустроева
12. Искиттэн дорҕоонно, саҥата иһиллэр гына саҥаран ыһыгын, быктар. ☉ Издать, произнести (звук, слово)
Атын омук биир да тылын кыбытымына Уу сахалыы ыпсаран таһаараллар. С. Данилов
Киниэхэ сөптөөх тыл көстүбэккэ иэдэтэр, бэркэ иҥиэттэниҥиэттэн биирдиинэн ыган таһаарар. Н. Лугинов
Киһитэ буоллаҕына, биир тылы таһаарыах буолбатах, күлэн ыгыста турар. В. Яковлев
13. Ким эмэ үлэҕэ, уопсастыбаҕа ылар балаһыанньатын уларыт, дуоһунаһын үрдэт. ☉ Повысить кого-л. в должности, изменить чей-л. общественный статус
Өндөрөй оҕонньору кулаакка таһаарар буоллаххытына, мин санаабар, ити хараҥа баттал буолуох тустаах. П. Ойуунускай
[Маня:] Эн үчүгэй үлэһитинэн ааҕыллаҕын. Начаалынньык эйигин өссө үрдүк үлэҕэ таһаарар санаалаах, эйигин бэркэ диэн сөбүлүүр. С. Ефремов
Бырабылыанньа састаабыттан таһаардылар. А. Фёдоров
Миигин үлэлээбэккин диэн холкуостан таһаардылар, ол сөп дуо? М. Доҕордуурап
14. Хайдах эрэ туруктаммыккын (хол., сылайбыккын, ахтыбыккын, о. д. а.) таскар биллэр эбэтэр аһарын. ☉ Выплёскивать каким-л. образом чувства, эмоции; выходить из какого-л. душевного или физического состояния
Бырастыы гын. Кырдьык сыыһа гынным. Бэйэм настарыанньам куһаҕанын ити эһигинэн таһаарабын. Н. Лугинов
«Хайыыбытый, сылаабытын таһаара таарыйа, чэйдээн баран барыахха дуу?» — Фёдоров дьонун диэки хайыста. М. Доҕордуурап
Кинилэр бу киэһэ ахтылҕаннарын таһаардылар. Н. Заболоцкай
Ытаабытын таһааран, өрө сыҥсырыйан дириҥник тыынна. Т. Сметанин
15. харыс т. Өлбүт киһини көмп. ☉ Хоронить
[Уйбаан оҕонньор:] Биһиги биир оҕолоохпутун таһааран олоробут, …… онон ол дууһатыгар кытары үҥэ сырыт. Н. Түгүнүүрэп
Ийэтин сарсын таһаараллар. «Таһаарыы» диэн көмүү. Тоҕо баҕас суоһай, дьулаанай?! Н. Босиков
[Айыына:] Эһэбин ханна таһаардыгыт? [Байыл:] Эбэҥ таһыгар сытыардыбыт. «ХС»
♦ Алдьархайтан ас таһаарар көр алдьархай
Эһиги, атыыһыттар, алдьархайтан ас таһаараары суудайаҥҥыт, аскытын-үөлгүтүн үс бүк сыанаҕа туруораҕыт. И. Никифоров
Ас таһаар көр ас III. Оҕобут ас таһаарар, хоноһо кэлээри гыммыт. <Туспа> буруо таһаар көр буруо. Кыстык угун саҕа туруорбах балаҕан оҥостон, бэйэтэ туспа буруо таһааран, ыал буолбута. А. Бэрияк. Күнү таһаар — кимтэн-туохтан эмэ олус дуоһуйууну ыл, онон дьоллон. ☉ Находить в ком-чём-л. радость бытия, счастье
Күннэрбин таһаарар Күндүлүүр далбарыам, Күөх унаар хонууга Күүлэйдии барыахха. Күннүк Уурастыырап
Толя, төрүт да үлэнэн күнүн таһаарар киһи, үлэтигэр аҕыйахтык көстөр. Н. Босиков
Бастаан күммүн таһаарбыт, Чыычаах буолан тыкаарбыт, Бэйбэрийэ сүүрээччи — Сашам көрөөт билээччи. Д. Апросимов. Саҥа таһаар — өр саҥарбакка гынан баран оргууйдук, сэниэтэ суохтук саҥар, саҥаран кэл. ☉ Заговорить, подать голос после долгого молчания
«Аҕабын сиэтилэр», — диэн нэһиилэ иһиттэн саҥа таһаарда. М. Доҕордуурап
Балачча өр барбахтаан иһэн кини тохтоон оргууй саҥа таһаарда. П. Филиппов
«Хайа, тукаам, тоҕо миэхэ наадыйдыҥ?» — оҕонньор кэмниэ-кэнэҕэс саҥа таһаарда. А. Кривошапкин (тылб.)
Сыл таһаар көр сыл. Буолуннаах икки ынаҕы, биир тиҥэһэни сыл таһааран, хара сиргэ үктэннэрбиттэр. Р. Кулаковскай
Таһыгар таһаарбат (быктарбат) көр тас II. Ийэтиттэн толлон ити санаатын таһыгар таһаарбатаҕа. С. Никифоров
Тыаста таһаар көр тыас. Мааҕын ол Дьуона тыл эрэ буоллун диэн тыас таһааран куолулаабыта эмиэ үөрэх суоҕуттан. Н. Лугинов
Хааска киирэн иһэн биир акаары чыркымай аайы тыаһы таһаарар диэн баар дуо?! Т. Сметанин
Тыынын таһаарар көр тыын. Кыымчаан сылтан ордук кэмҥэ ыар баттык гыммыт санаата чэпчиэр, тыынын таһаарыар диэри күүскэ ытаабыта. Ф. Софронов
Үрүҥэр (ырааһыгар) таһаар көр үрүҥ. Кини хоһоону үрүҥэр таһаарыар диэри элбэхтик, сыралаахтык үлэлиирин сүрдээҕин сөхпүтүм. С. Данилов
◊ Таһаарар уорган биол. — киһисүөһү аһаабыт аһа буһан баран организмтан тахсар сирэ. ☉ Выделительные органы
Ланцетник таһаарар уорганнара тиэрбэстээх чиэрбэлэр киэннэрин курдук оҥоһуулаахтар. ББЕ З
Үөннэр-көйүүрдэр таһаарар уорганнара биир систиэмэ буола ситимнэспэттэр. ББЕ З
ср. др.-тюрк. ташхар ‘удалять, устранять; отправлять, провожать’