даҕ. Сахсаллан тахсыбыт, тааҕытыйбыт (түүнү этэргэ). ☉ Свалявшийся, взлохмаченный, утративший гладкость (о шерсти)
Буоһаабатах ийэ таба түүтэ куһаҕан, түүкэркэй буолааччы. ДФС КК

сыһ. Килэрийэн көстөр курдук, килэриччи. ☉ Гладко, до блеска
Олох тыала муос тарааҕынан Өрүкүйбүт баттахпын Ньылҕаарыччы сотон ааспыт, Мырчыстаҕаһы сүүспэр аспыт. Р. Баҕатаайыскай
Ийэбин үөрдээри, туруйам сахсаллыбыт түүтүн ньылҕаарыччы сотон баран, остуол үрдүгэр ууран кэбистим. В. Иванов
Дьиэлээх дьахтар күннэтэ аайы …… дьиэ муостатын ньылҕаарыччы сотор, онтон күөх оту киллэрэн ыһар. НТГ СУоС

туохт.
1. Сахсаллан таҕыс, ньалҕаархайгын сүтэрэн тааҕытый (хол., түүнү этэргэ). ☉ Трепаться, мохнатиться, теряя гладкость (напр., о шерсти животных)
Сайылык ат түүлүүн түүкэрийэн хаалбыт. А. Сыромятникова
Үөһүрбүт ньирэй тас көрүҥүттэн биллэр, түүтэ өрө түүкэрийэн хаалар. МСИ ССНьЫаУО
2. кэпс. Эргэрэн онон-манан кыракый хомуохтанан хаал (хол., сиэрис таҥаһы этэргэ). ☉ Покрыться катышками (напр., о шерстяной одежде). Сибиитэрэтин сиэҕэ түүкэрийбитин ылгыы олордо
□ Түүкэрийбит фризовай хаптааны кэтэрэ, онтуката сиикэй эт сытынан аҥылыйара. И. Тургенев (тылб.)

туохт. Сааһыламмакка мэнээк үрүт-үрдүгэр ыһыллан сыт, биир сиргэ өрөһөлөн. ☉ Быть разбросанным, лежать в беспорядке, беспорядочной кучей
Эмтээх хоруопкалар, ыарыһаҕы көрөргө туттуллар бары тээбириннэр остуолга, муостаҕа күөдэллэммиттэр. Л. Попов
Кэтэҕэриин ороҥҥо нэк буолбут суорҕан күөдэллэнэн сытар. М. Доҕордуурап
△ Ыһыллан-сахсаллан, арбайан-сарбайан көһүн (хол., күөдэл курдук таҥастаах киһини этэргэ). ☉ Быть, выглядеть неприглаженным, взъерошенным, будучи одетым или закутанным в ворох одежды, тряпья
Мүччүргэннээх кэмнэргэ мэлдьи баар буолар үгэстээх киһи эбэм саба сүүрэн күөдэллэнэн кэллэ. Амма Аччыгыйа. Мотуруона эмээхсин бүрүнэн сыппыт сонун атаҕар эһэн кэбиһээт, өрө күөдэллэнэн турда. А. Федоров