сулумаасы буол кэпс. — туох эмэ мунаахсыйар санааҕа ылларан тырыта тыыттар, толкуйга түс. ☉ Мучиться, терзаться сомнениями
[Уол] ол үс түүн олус иччилээхтик киниэхэ түүлүгэр көстүбүт кэрэ кыысчаана кимин-тугун туһунан сааһын тухары сулумаасы буолара. Далан
Быыкаанныыр быһа сулумаасы буолан: «Оо, хоргутуохтарын хоргуттулар ээ, быһыыта», — диэн, быһа санааргыы хонно. Н. Павлов
Намы ааһан Бөтүҥҥэ тиийиэхпэр диэри дьэ доҕор, сулумаасы бөҕө буоллум ээ. «ЭК»; сулумаасыга түс — сулумаасы буол диэн курдук
Уйбааскы: «Бу сарыыссабыт туох сулумаасытыгар түстэ?» — диэтэ. П. Ойуунускай
Дьэ, итигирдик, сулумаасы бөҕөҕө түһэн баран, суругу куоракка илдьэ кэлбитим. Р. Баҕатаайыскай
Милииссийэ тахсан барбытын кэннэ, Иэнньэ уруккутааҕар ордук сулумаасыга түстэ. Д. Таас
Якутский → Якутский
сулумаасы
Еще переводы: