Якутские буквы:

Якутский → Якутский

суһалсый

туохт. Түргэтээ, тэтимҥин эп. ☉ Убыстряться, ускоряться
Атаҕар кыанар сылбырҕа киһи хаамара түргэн, сыбыдахтанан өссө эбии суһалсыйбыт. П. Аввакумов
Ньукуус бурдук быстарар аттара, сөрүүн буолан, хаамаллара-сиимэллэрэ суһалсыйда. В. Гольдеров
Аныгы үйэҕэ бары барыта баар буолан, үлэ барыта суһалсыйда. «ХС»

Еще переводы:

ибигирээһин

ибигирээһин (Якутский → Якутский)

аат. Ибигирээн хамсааһын. ☉ Вибрация, дрожь
Биһиги боробулуоханы төһө тыҥнык тардабыт да, кини ибигирээһинэ соччо суһалсыйар. ПАВ Ф-6

суһалсыт

суһалсыт (Якутский → Якутский)

суһалсый диэнтэн дьаһ
туһ. Вася кинилэртэн хараҕын араарбакка, кэннин хайыспытынан хаамыытын суһалсыппыта. Д. Таас
«Якуталмаз» холбоһук салалтата, хойутаан да буоллар, тутуунун суһалсытарга халбаҥнаабат хайысханы сөпкө тутуста. «Кыым»
«Оройуон сэбиэтэ булуоҕа», — дии оҕуста Бакыырап эмиэ боппуруоһу суһалсытардыы. «ХС»

дэлээнэ

дэлээнэ (Якутский → Якутский)

аат. Маһы кэрдэр учаастак, кэрдиллиэхтээх сир. ☉ Делянка (участок земли или леса)
Сотору дэлээнэттэн иһэр саһаан тиэйиилээх «Беларусь» ситтэ. Айан суһалсыйда. Сэмээр Баһылай
Сир харатыгар оттук маһы дэлээнэттэн бөдөҥүн, кырдьаҕаһын талан кэртэрэр үгэһи олохтуохха баара. ФВС К
Дэлээнэлэрбитигэр мас саппааһа бүтэн эрэр. Ону билэн олорон ханнык да дьаһалы ылбаппыт. «Кыым»

тыҥнык

тыҥнык (Якутский → Якутский)

сыһ.
1. Кытаанахтык, чиккэччи (хол., тарт). ☉ Туго, крепко (напр., натянуть)
Киһи аттарын көҥүл ыыппат, муоһатын тыҥнык, чиккэччи тардан иһэр. И. Никифоров
Кини хаһыытыан баҕарар да, куолаһа дутар тыҥнык тардыллыбыт устуруунатын курдук дьигиһийэр. Эҕэрдэ СС
Биһиги боробулуоханы төһө тыҥнык тардабыт да, көстөрүн курдук, кини ибигирээһинэ соччо суһалсыйар, кини тыаһа эмиэ соччонон «үрдүк». ПАВ Ф-6
2. түөлбэ. Тыҥааһыннаахтык, күүскэ (хол., үлэлээ). ☉ Напряжённо, энергично (напр., работать). Биһиги бэрт тыҥнык үлэлээтибит