Якутские буквы:

Якутский → Якутский

сыналыт

сыналый диэн курдук
«Ыалдьа сытар» дьахтар — Өлөөнчүк, киһи куйахата күүрэр гына ынчыктаан, энэлийэн сыналытта. Болот Боотур
[Бөрөлөр] дьиэҕэ чугаһыахтарын дьулайбыттыы, улуйан сыналыттылар, чохчоһон олордулар. М. Доҕордуурап
Бойобуой аттарбытын илдьэ тимир суолунан айаннаан сыналытан иһэбит. КАЕ ДДК

Еще переводы:

бэйэкэлээх

бэйэкэлээх (Якутский → Якутский)

көр бэйэлээх
Муҥсор суунаҕалаах, Муур-таар бэйэкэлээх Орто туруу дьаҕыл дойду диэн Оҥоһуллубута эбитэ үһү. П. Ойуунускай
Аныгы оҕо барыта сымыыт курдук бэйэкэлээх. С. Федотов
[Эһэ] ууну итиччэ таһыйа сырыттаҕына, туох бэйэкэлээх балыга кэлэн биэриэй. ДФС КК
Оттон гитаранан хайа да бэйэкэлээх тоҥ дууһалаах киһини уйулҕатын хамсатар гына энэлитэрэ-сыналытара. Г. Колесов
Эчи, муора бэйэкэлээх Эҕирийэр долгун сиэллээх Улаҕалаах дибилгэнэ Уоскуйбата. Р. Баҕатаайыскай
Кини бэйэкэлээх [алмаас] Уулбут үрүҥ көмүс Умайар үрүмэтинии, Уоттана-күлүмүрдүү сыттаҕа. П. Тобуруокап

ынырыктык

ынырыктык (Якутский → Якутский)

сыһ.
1. Киһи өлөрдүү куттаныах, киһини салыннарар курдук, дьулааннык. ☉ Страшно, жутко, трагично
[Хоруоп] Кини кэннигэр киһи дьардьамата хотууру өрө туппутунан ынырыктык ырдьаллан турар. Амма Аччыгыйа
Настя эбэтэ сордоох хайдах ынырыктык өлбүтүн истэн улаханнык уйадыйар. Н. Якутскай
Дьулааннаахтык, олус ынырыктык, Көмүү муусуката сыналытар. И. Эртюков
2. Олус күүскэ, олус улаханнык. ☉ В крайней степени, очень сильно, страшно (напр., волноваться)
Ынырыктык кэҥээбит харахтарынан Микиитэни супту одуулаһан сытта. Амма Аччыгыйа
Аттар, өрө тура-тура эҥин араастаан ынырыктык хаһыҥыраспыттара. С. Никифоров
Ромалаах Саша ынырыктык долгуйбут этилэр. Е. Неймохов

кырачаан

кырачаан (Якутский → Якутский)

  1. кыра диэнтэн аччат. Хаар алмаастыы чаҕыллар, Көмүстүү кылбаҥныыр, Умайар, умуллар, Кырачаан кыым буолан кыламныыр. П. Тобуруокап
    Кырачааны даҕаны Кыайан тарпакка, Сыарҕалаах оту Сыыры дабатардыы Сыра бөҕөнөн Сыналытан истэххиэн! П. Тобуруокап
    Сүгэҕэр кырачаан ытаһа маһы көмөлөһүннэрдэххинэ, бэрэбинэни да бэйэҥ билэргинэн таҥастыаҥ. «ХС»
  2. аат суолт. Кыракый оҕо (таптаан, аһынан этэргэ). ☉ Маленький ребенок, малышка, малыш, малютка
    Аҕам дьахтар мин аттыбар Сыллаан ылла кырачаанын. И. Гоголев
    Иккилии мэндиэмэннээх дьиэлэртэн бииртэн биир үчүгэйкээн баҕайы кырачааннар бойборуһан тахса-тахса, ким оскуолатыгар, ким детсадыгар сырсаллар. АА ИБ
    Көннөрү кырачааннар эйигин онноманна сүгүн-саҕын ыыппаттар. «ХС»