Якутские буквы:

Якутский → Якутский

сэрбэгэлдьий

сэрбэй диэнтэн субул
көстүү. [Ыналба:] Онтон-мантан кэллэхпинэ — аҕам кэллэ, аҕам кэллэ дии-дии сүүрэн сэрбэгэлдьийиэ, атаҕа бэйбэрийиэ, илиитэ тарыптыа, үөрэн ньамайыа, тииһэ бытыгырыа. П. Ойуунускай
Сеняны кытта үөрэнэр, өгүрүк-төгүрүк көрбүт, сэрбэгэлдьийбит үчүгэйкээн бэйэлээх Өкүүчэ кыыс наар кинини кытта сиэттиһэ сырытта, сүүрдэ-көттө. Н. Босиков

Еще переводы:

сэрбэкэчий

сэрбэкэчий (Якутский → Якутский)

сэрбэгэлдьий диэн курдук
Бытырыыс курдук баттахтаах кыысчаан быһыы килиэби туппутунан дьиэттэн сүүрэн сэрбэкэчийэн таҕыста. Р. Кулаковскай
Үстээх Кларата хостон утары сүүрэн сэрбэкэчийэн тахсыбытын көтөҕөн ылбыта. Тумарча
Дора эдьиийдэрин иннилэригэр түһэн сүүрэн сэрбэкэчийэ турда. «ХС»

бэйбэрий

бэйбэрий (Якутский → Якутский)

дьүһ. туохт. Түргэнник, кыараҕыстык атыллаан хаамп, сүүр (намыһах уҥуохтаах, кылгас атахтаах сонос киһи, ыт о. д. а. тустарынан). ☉ Шагать, бегать быстро, мелкими шажками (о низкорослых, коротконогих, упитанных людях или собаках)
Тэллэх ыта, көрдөөбүппүн ыллым ээ диэх курдук, саҥата суох сүүрэн бэйбэрийэ турда. Н. Неустроев
Мааппа эмээхсин, оҕуруотун аанын сабан, сүүрэ былаастаан бэйбэрийэн кэллэ. Далан
Балбаара саҥата суох ас астыыр хоһугар бэйбэрийэр. Н. Якутскай
[Ыналба:] Оҕо байахсан... Онтон-мантан кэллэхпинэ — аҕам кэллэ, аҕам кэллэ дии-дии сүүрэн сэрбэгэлдьийиэ, атаҕа бэйбэрийиэ... П. Ойуунускай

ньамай

ньамай (Якутский → Якутский)

дьүһ. туохт.
1. Айаххын атан үөрэн ымай, мичээрдээ (үксүгэр тииһэ суох киһини этэргэ). ☉ Радостно улыбаться беззубым ртом. Уоһа-тииһэ ыпсыбат буола үөрэн ньамайбыт
□ [Ыналба:] Оҕо барахсан… Онтонмантан кэллэххинэ «аҕам кэллэ» диидии сүүрэн сэрбэгэлдьийиэ, атаҕа бэйбэрийиэ, илиитэ тырыптыа, үөрэн ньамайыа, тииһэ бытыгырыа. П. Ойуунускай
Таҥхай Баһылай илиитин утары ууммутунан орон анныттан орҕостон тахсан, ымайан ньамайбыта. П. Аввакумов
2. Силимнэспит, ыпсыспыт хараххынан көр. ☉ Смотреть слипающимися глазами. Көрөн ньамайан олордо