Якутские буквы:

Якутский → Якутский

сэтиилээ

туохт.
1. Көлөнү, сүөһүнү инники олох көлөҕө холбоо; оннук холбоон айаннат. ☉ Вести на поводу за своей лошадью, упряжью; прицепить кого-что-л. за кем-чем-л.
Сэмэн борооскулаах ынаҕын атын кутуругар баайан, сэтиилээн үүрэн испитэ. Н. Якутскай
Аара дьаамсыктары көрсөн сэтиилээн ыытыаххыт буоллаҕа дии. Ойуку
Ыттары буоллаҕына барыларын биир табаҕа сэтиилээн кэбиһэллэр. А. Кривошапкин (тылб.)
2. эргэр. Сүктэр кыыска анаан, биэрэн ыыт (хол., төһө эрэ сүөһүнү). ☉ Давать что-л. невесте в приданое (напр., определённое количество скота)
[Бороскуобуйа] дьиҥэ, үлэлээбитин, баайы иитиспитин быһыытынан чаас ылыахтааҕа, хайаан да энньэлээн, сэтиилээн эргэ биэриэхтээҕэ. А. Софронов
[Аан Далбар:] Тапталлаах ылгын кыыспытын Киис Бэргэни эккирэтиннэрэн, Ааттаһан-көрдөһөн иккиэннэрин төннөрүөххэ, Айыыһыты арыаллатан, иэйэхсити эҥээрдэтэн Сүөһүлээн, сэтиилээн алҕаан атаарыахха. И. Гоголев
Үрүҥ Айыы Тойон Үс сүүрүктээх Өндөл маҥан халлаантан Дьөһөгөй Айыыны Орто дойдуга — энньэлээн, сэтиилээн биэрбит. КДьА

энньэлээ-сэтиилээ

энньэлээ диэн курдук
[Ийэлээх аҕам] Энньэлээн-сэтиилээн, Иһиттээн-хомуостаан, Айхаллаан-уруйдаан Атааран эрэҕит. Саха нар. ыр. II
Онно даҕаны, төрөппүт кыыспыт курдук, энньэлээнсэтиилээн, ситэри сиэрдээн, толору дуомнаан ыытар оҕонньордоох эмээхсин буолуохпут. Болот Боотур

Якутский → Русский

сэтиилээ=

1) привязывать (напр. лошадь за первой подводой); 2) перен. уст. давать в приданое (определённое количество скота); кыыскар сүөһү сэтиилээ = дать дочери в приданое скот.

Еще переводы:

прицепить

прицепить (Русский → Якутский)

бое. что 1. холбоо, сэтиилээ, сиэт; 2. разг.(приколоть) анньын, иҥиннэр; прицепить к платью цветок былааччыйаҕар сибэккитэ анньын.

подцепить

подцепить (Русский → Якутский)

сов., подцеплять несов. что 1. разг. (прицепить) холбоо, сэтиилээ, иил; подцепить вагон к поезду вагону поезка холбоо; 2. (поддеть чем-л.) хабан ыл, иилэн ыл, дэгиэлээн ыл; подцепить бревно багром бэрэбинэни баҕыырынан иилэн ыл; 3. перен. разг. булан ыл, хабан ыл; подцепить грипп гриби хабан ыл.

көтөллөө

көтөллөө (Якутский → Якутский)

туохт.
1. Көлүүр сүөһүлэрин субуруччу сэтиилээ. ☉ Связывать животных (обычно вьючных) цугом
Онтон эмиэ тахсыаҕым Табаларбын көтөллөөн, Сыалаах мастаах тайҕаҕа Соргу-талаан көрдөһө. С. Данилов
2. Ыҥырт, ындыылаа, таһаҕаһы тиэй. ☉ Вьючить, нагружать (животных) вьюками, грузить поклажу
Бэйэбит олбох табаларбытыгар эбээннэргэ тиийиэхтээх бородууктаны көтөллөөн, үтэбитин хос баайан, …… кэннибитин хайыһан да көрбөккө айаннаабыппыт. ВФИ ССГВЛ

сэтиилэн

сэтиилэн (Якутский → Якутский)

  1. сэтиилээ диэнтэн атын. туһ. Эт ыҥыырдар сүүрбэччэлии көтөл табаны сэтиилэнэллэрэ. Болот Боотур
    Түөрт уонча көлүүр аты сорҕотун сэтиилэнэн, сорҕотун үүрэн хас да хонук устата айаннаан өрүскэ тиийэн кэлбиппит. П. Степанов
    Торбуйах сордоох өсөһөн, сэтиилэммит быатын тардыалаһан көрөн баран, талаҕынан самыыга биэрбиттэригэр сиэлэн кусхарыйда. Тулхадыйбат д.
    △ Тугу эмэ состорон бар. ☉ Тянуть за собой, прицепив чем-л. (обычно верёвкой, бечевой)
    Салаасканы сыарҕаҕа сэтиилэннилэр. И. Гоголев
    Машаны сэрэнэн көтөҕөн ылла уонна тыыны сэтиилэнэн кытыыга эрдиннэ. ПИС СТС
  2. көсп. Тугунан эмэ арыаллан (хол., айылҕа көстүүтүн этэргэ); туох эмэ аргыстаах буол. ☉ Сопровождаться чем-л. (напр., о явлениях природы); быть преследуемым чем-л. (напр., мыслью)
    Алтынньы ыйы аргыстанан, сэтинньи ыйы сэтиилэнэн, Ахсынньы ый устатын тухары Ахсаабакка дьалыһытыҥ, Кэмэ суох тибэн тибилитиҥ. Саха нар. ыр. I
    Холобура суох Хотун Бүлүү Таас хайаларынан дьайыҥнаммыт, Тоҕус уон хоройор хочоломмут, Аҕыс уон аллар арыыламмыт Сэттэ уон силээн сэтиилэммит. Суорун Омоллоон
    Туой олоро, сынньана түспүт киһи диэн суос-соҕотох санааны сэтиилэнэн иһэбин. С. Федотов