лапа (хищника); эһэ табаҕайа лапа медведя, медвежья лапа.

табак || табачный; хамса табаҕа трубочный табак; табах фабриката табачная фабрика.

аат. Тарбахтар төрдүлэриттэн бэгэччэккэ диэри илии ис хаптаҕайа. ☉ Ладонь (от основания пальцев до запястья)
Эн обургу табаҕыйгыттан хайдах төлө мөхсөн барар эбит [оҕус], эн иҥииргин эрэнэбин. Далан
Силип уһун уктаах хомуос хамыйаҕынан уу омурдан, кэтит табаҕайдаах ытыстарын суунан билдьигирэппитэ. Күннүк Уурастыырап
Илиитин өттүгэр суураламмыта, онтон кини кэтит табаҕайдарын иһигэр мин дуона суох ытыһым симэлийэн ылбыта. В. Васильев
ср. тув. таваҥгай ‘подошва, пята; ступня’, табаҕ ‘лапа’, монг. тавхай ‘ступня, лапа’

аат. Улахан сэбирдэхтээх аһыы от. ☉ Табак (травянистое растение из семейства паслёновых)
Хаптаҕайга кэриэй киһитэ табах ыһар үһү диэн кэпсээни истэн, ол киһиттэн икки ньуоска табах сиэмэтин атыыласпыта. «ХС»
Холкуостарга табаҕы уонна мохуорканы үүннэрэр звенолар чөллөрүгэр түһэриллиэх тустаахтар. КПЫ
△ Бу үүнээйи сэбирдэҕэ куурдуллан кырбанан, мэлиллэн тардарга, сыҥсыйарга бэлэмнэммитэ. ☉ Высушенные и измельчённые листья этого растения, употребляемые для курения и нюхания. Табахта тарт
□ [Ойуун] Ыл эрэ, табахта ууран аҕал! А. Софронов
«Кэл нохоо! Бу биир хамса табах баар, маны тарт!» — диэн хотуна табах «күндүлээтэ». Эрилик Эристиин
Үрүҥ бэргэһэлээх киһи сиэбин хастан улахан хамсаны таһааран табах уурунна. Т. Сметанин
♦ Хамсалаах (хамса) табах быстыҥа эргэр. — кылгас бириэмэ кэмэ (биэс мүн. холобурдаах). ☉ Старинная мера времени (около пяти минут — букв. на протяжении выкуривания трубки)
Тоҥус дьахтара хамсалаах да табах быстыҥа иллэҥ буолбат. А. Софронов
Хамсалаах табах быстыҥа харахпын симпэтим. Амма Аччыгыйа
Эһэ Кириһээни утары көрбүтүнэн аргыый аҕай кэлэн истэ уонна олорунан кэбистэ. Ол курдук хамса табах быстыҥа хайа хайалара хамсаабакка турдулар. Д. Таас
◊ Сэбирдэх табах көр сэбирдэх
Балаҕан иһигэр баар хамначчыттар бары биирдии сэбирдэх табах, хастыы да кутуу чэй түҥэттибиттэрэ. Л. Попов. Табах от бот. — көҥдөй умнастаах, зонтик буола чөмөхтөспүт маҥан өҥнөөх хойуу бытархай сибэккилэрдээх, миэтэрэттэн ордук үрдүктээх дьааттаах аһыы от, бурут от. ☉ Вех ядовитый, цикута
Ынах сүөһү өлөр табах отун төрдүн курдук астарын аата «оҕурсу». Амма Аччыгыйа
Аһыы от, табах от саха олохтоох нэһилиэнньэтигэр былыр-былыргыттан дьааттааҕынан биллибит олус киэҥ тарҕаныылаах, …… дороххой от үүнээйи. МАА ССЭҮү

n. tobacco