Якутские буквы:

Якутский → Якутский

тобохтоо

туохт. Аһы ситэри аһаабакка, тобохто хааллар, ордор. ☉ Оставлять объедки, остатки от еды
Остуол сокуона туспа: Ордороруҥ, тобохтууруҥ Оннуттан да олуона, Ончу сиэргэ баппат. П. Тобуруокап
Аһы тобохтоотоххо, Иэйэхсит хомойор дииллэр. Тэрис
[Кыыл оҕолоро] аһылыктарын тобохтообокко сииллэрэ учуоттанар. ТИиС

Еще переводы:

ходууллаа

ходууллаа (Якутский → Якутский)

туохт. Ситэ сиэбэккэ, элбэхтик тобохтоо, ходуул таһаар. ☉ Есть, оставляя много объедков, оставлять труху (о скоте)
Ходууну ынах сүөһүгэ аҥаардастыы биэрдэххэ ходууллуур, ол аата ситэ сиэбэт, элбэхтик тобохтуур. ПАЕ ЭАБ
Ыһан-тоҕон, ходууллаан аһыыр сүөһү, төһө да тото аһаатар уойбат, көммөт, мөлтөх туруктаах сыл тахсар. АЭ ӨӨКХ
[Бааллан турар кэмигэр аты] кураанах отунан тарда соҕус, ходууллаабат гына аһатыллар. АНП ССХТ

элбэхтик

элбэхтик (Якутский → Якутский)

сыһ. Биирдэ эмэ буолбакка, үгүстүк. ☉ В большом количестве, много, много раз
Нэһилиэк Сэбиэтин дьокутаатын быһыытынан быыбардааччыларын кытта элбэхтик көрсүһэр, үгүс сорудахтарын толорор. «ЭК»
АЯМ тыһыынчанан килэмиэтирдээх суолугар кураанах массыыналар айаннаан иһэллэрин элбэхтик көрөҕүн. Хорсуттар с. Ходууну ынах сүөһүгэ аҥаардастыы биэрдэххэ ходууллуур, ол аата ситэ сиэбэт, элбэхтик тобохтуур. ПАЕ ЭАБ

ордор

ордор (Якутский → Якутский)

I
туохт. Туохтан эрэ тугу эмэни хааллар, тобохтоо. ☉ Оставлять (остаток)
Убайа Куһаҕан Ходьугуру таһыйбыт. Тыынын эрэ ордорбут. Саха фольк. Оччоҕо дьону да иэдэтэҕин, бэйэҥ да бүтүн ордоруҥ саарбах. Н. Лугинов
Хас хонон турдах аайы хара санаа кынаттаах кэпсээннэр буруолааҕы ордорбокко, кэрийэ сүүрдүлэр. М. Доҕордуурап
ср. др.-тюрк. артур ‘увеличивать, прибавлять’
II
туохт. Тугу эмэ туохтан эмэ үчүгэй дии санаа, үчүгэйинэн аах. ☉ Предпочитать кого-что-л., отдавать предпочтение кому-чему-л.
Ытыйан аска ылларбыт, Отон аһы ордорбут, Сугун аска суудайбыт, Дьордьомо аска дьулуспут. Өксөкүлээх Өлөксөй
Нина чиэһинэйигэр саарбаҕалыыр этим. Ол эрээри маннааҕы мунньаҥныыр кыргыттардааҕар мин кинини быдан ордорбутум. Далан
Ол эрээри сир оҕото Ордоробун сир симэҕин, Сир олоҕо, сир хочото Биэрэр миэхэ тыл сүмэтин. С. Данилов