хардары диэнтэн хат.-күүһүр. [Хаһаактар] хахыйах маһы хамыйан ылан, Хаптаччы суоран, хардарыта олуктаан, Хам туттаран баран Кулугутун тобугураччы оҕустулар. Саха нар. ыр. II
Кэлин түспэтийэн да баран, хардарыта сылаас сыһыаннарын сойуппатахтара. Н. Лугинов
Хардарыта итэҕэйсэр буоллахха эрэ киһилии сыһыан үөскүүр. И. Гоголев
[Пиэрмэҕэ] сэттис үлэһит солбуурга сылдьар, онон хардарыта өрүүллэр. ПДН ТБКЭ

туохт.
1. Тугу эмэ тоһоҕонон туттаран хам саай. ☉ Прибивать что-л. гвоздём
Бу улахан былааҕы ити таҥара иннинэн, сэксээлэ үрдүнэн хамсаабат гына туруоран, тоһоҕолоон кэбиһиэххэ. П. Ойуунускай
«Хайа, дьоно төһө кэлэн бырастыыластылар?» — диэн Уулаах хоруоп айаҕын тоһоҕолуу туран ыйытта. Эрилик Эристиин
Дьөгүөрсэ бэйэтин хоһун аанын аны аһыллыбаттыы, хам тоһоҕолоон табырҕатта. Дьүөгэ Ааныстыырап
△ Тоһоҕо саай (күрүө туһунан). ☉ Забивать кол (об изгороди)
Бу турар тоһоҕолоон туппут киэҥ далым. Л. Попов
2. көсп. Анаан-минээн болҕой, бэлиэтээ. ☉ Заострять внимание на чём-л., выделять что-л. Дьэ, бу эмээхсин Тоһоҕолоон сураабыт кыыс туһун Тохтообокко тобугураччы кэпсиир, Толору билэр эбит. Өксөкүлээх Өлөксөй
Ордук тоһоҕолоон туран Охоноостоох Эрдэлиири ыҥырабын. Амма Аччыгыйа
[Эмээхситтэр] ордук тоһоҕолоон, ытамньыйа-ытамньыйа, бэйэлэрин өлбүт оҕолорун тустарынан ыйыттылар. Эрилик Эристиин
◊ Хам тоһоҕолоо — кими эмэ оннуттан ханна да халбарыйбат, хамсаабат гын (хол., олоппостон, оронтон). ☉ соотв. пригвоздить к месту кого-л.
Субу аҕай аһары мөлтүү-ахсыы туттубутун дьэбирдик мэлдьэспит харах кинини батары көрөн, олоппоһугар хам тоһоҕолоон кэбистэ. П. Аввакумов
Миигин тимир кырабааппар Сордоох ыарыы хам тоһоҕолоон Сытыарбыта. П. Тулааһынап