Якутские буквы:

Якутский → Якутский

тордурҕас

I
тордурҕаа 2 диэнтэн холб. туһ. Тордурҕаһар үйэ тохтоото. А. Софронов
Чооруос тумсун саҕаттан Тордурҕаһан тураллар. Айталын
II
даҕ.
1. Быһыттаҕас бүтэҥи тыастаах. ☉ Издающий глухой отрывистый звук, шуршащий, хрустящий
От-мас барыта тордурҕас гына тоҥмута. Суорун Омоллоон
Сайылык хонуута түүнүн түһэр хаардаах хаһыҥтан тоҥон тордурҕас буолбут. И. Сосин
[Уолаттар] дисиинсэ дэнэр торбос тириитинии тордурҕас ыстааннаахтар. «ЭК»
2. көсп. Кыраттан да кыыһырар, өс саҕа буолар, киҥнээх. ☉ Раздражительный, вспыльчивый
Сорох эписиэрдэр тойоргуулларын олус сөбүлээччилэр, өһүргэс, тордурҕас да буолааччылар. И. Никифоров
[Бэлэстэтэр] тыҥ туоһу тоһута тутар курдук тордурҕас майгылаах. Ф. Постников
Үһүөн саҥардыы үлэлээн эрэр, килбик, муҥутах даҕаны, ардыгар тордурҕас соҕус даҕаны кыргыттар. Г. Нынныров

Еще переводы:

топ-

топ- (Якутский → Якутский)

Даҕааһын күүһүрдэр эбиискэтэ, то- диэн олохторго сыстар: топ-тобугурас, топ-тордурҕас. ☉ Препозитивная усилительная частица прилагательного, присоединяемая к основам, начинающимся на то-: топ-тобугурас ‘издающий непрерывный, ровный стук’, топ-тордурҕас ‘издающий сильный, равномерно повторяющийся треск’
Биир дэхситик самыыр түһэн, кэбиһиилээх оту тыаһатан биир кэм топ-тобугурас буолбута. И. Никифоров
От-мас хатан, хаамтахха топ-тордурҕас. И. Сосин
Чооруос күүдээх үрдүгэр Түс да түс, топ-тобурҕас. И. Эртюков
др.-тюрк. топ, монг. тоб

бэйэмсэх

бэйэмсэх (Якутский → Якутский)

  1. аат. Бэйэтин эрэ иннин көрүнээччи, бэйэтин эрэ иннин билинэр киһи. ☉ Эгоист, себялюбец
    [Тыаһыт:] Манна оргууй хаһыытаа эрэ. Олус бэйэмсэх буолбуккун! Маннык көхсүгүнэн харахтана сылдьаҥҥын, бүдүрүйэн охтоойоҕун, сэрэн! Л. Попов
    Ньылаарыс ситэри үтүө, ситэри мөкү да киһи буолбатах. Ол бэйэмсэҕиттэн тахсыбыт. Эрчимэн
    Сэбиэскэй дьон эгоист, бэйэмсэх, тус бэйэлэрин интэриэстэрин эрэ көрөөччү буолбатахтар. ПБН КДьСО
  2. даҕ. суолт. Бэйэтин иннин эрэ көрүнэр, бэйэтин иннин эрэ билинэр. ☉ Эгоистичный, самолюбивый
    Икки хорсун булчут Бэргэнчэй уонна Сэргэхчэй уобарастарынан, кинилэр мөккүөрдэринэн бэйэмсэх, бэрдимсик быһыы куһаҕана, доҕордоох буоллахха кыайтарбат да суол кыайтарара көрдөрүллэр. Софр. Данилов
    Сороҕор баар буолаллар эбээт, кыра да чыыннаах эрээри, кими да, тугу да кытары аахсыбат, топ-тордурҕас, олус тойомсук, наһаа бэйэмсэх дьоннор. С. Никифоров
    Сүрдээх бэйэмсэх киһиэхэ Санатыам этэ киниэхэ: Мас тирэнэр силиһигэр, Киһи — бар дьонугар. «ХС»
дохсун

дохсун (Якутский → Якутский)

даҕ.
1. Олус түргэн, күүстээх, үлүскэннээх (сүүрүк). ☉ Бурный, стремительный (о течении)
Устар дохсун сүүрүктээх Улуу Днепр өрүс. Күннүк Уурастыырап
Элиэнэ эбэ Эриллэр дохсун сүүрүктээх. С. Васильев
Дохсун сүүрүктээх дьаргыл таас үрэхтэр. Н. Заболоцкай
2. Хабараан, тыйыс, олус улахан (тымныы). ☉ Лютый, жгучий (о морозе)
Торолуйбут дохсун тымныы. Күннүк Уурастыырап
Тохсунньу дохсун тымныыта сирэйин муус салаппаанынан салаамахтаан ылла. М. Доҕордуурап
Туманынан бурҕачыйан Турда Дохсун тымныыбыт. А. Абаҕыыныскай
3. Олус күүстээх-уохтаах, олус түргэн сырыылаах (ат). ☉ Буйный, горячий (о лошади)
Субуоталарга дохсун тураҕас атынан кэлэн, хонон бараллар. Амма Аччыгыйа
Сындыыһап дохсун тураҕас атыырын миинэн, субу иннибэр аҕай харбыалатан иһэр эбит. Н. Заболоцкай
4. көсп. Баламат, бардам, кэрээнэ суох, быһымах. ☉ Дерзкий, наглый, резкий
Сэмэн кулуба бэрт тордурҕас, дохсун майгылаах киһи этэ... Н. Якутскай
Маппыр хабараан, дохсун тойон буолбута. Л. Попов
Кини харахтарыгар туох эрэ эр киһилии дохсун майгы, сороҕор баламат да быһыы баара. Ч. Айтматов (тылб.)