Якутские буквы:

Якутский → Якутский

тоҕуу-хоруу

аат. Туох эмэ наадалааҕы, туһалааҕы мээнэ ыһыы, туһаҕа таһаарбакка эрэ быраҕыы, ыскайдааһын, хаалларыы. ☉ Расточительное, неэкономное отношение к чему-л. полезному, растрачивание, разбазаривание
Хомуурга тоҕуу-хоруу диэн букатын суох буолуохтаах. Күндэ
Оройуон олоҕор, холкуостар үлэлэригэр тоҕуу-хоруу баар дииллэр. И. Бочкарёв

Еще переводы:

үргэнньик

үргэнньик (Якутский → Якутский)

аат. Тугу эмэни мээнэ ыһыы, тоҕуу-хоруу. ☉ Бездумное расходование, растранжиривание чего-л.
Көрүөх бэтэрээ өттүгэр астарын-үөллэрин үргэнньик гынан кэбистилэр. «ХС»
[Судураай сэҥээрдэ:] Ити эн үргэнньиккинээҕэр ордук көстүү буолуо! М. Шолохов (тылб.)

пуун

пуун (Якутский → Якутский)

аат.
1. Туохха эрэ анаммыт, онно сөптөөх оҥоһуулаах сир. ☉ Место, специально предназначенное и приспособленное для чего-л.. Нэһилиэнньэлээх пуун. Эмтиир пуун
□ Тугу да билбэт буолбут киһини биһиги саньытаардарбыт булан бэрэбээскэлиир пууҥҥа илпиттэрэ. Суорун Омоллоон
[Бадин:] Былаан быһыытынан баандалар төрүт пууннарыгар быһаарыылаах кимэн киирии саҕаланар. С. Ефремов
Общественнай бэрээдэги бөҕөргөтүүгэ тирэх пууннар чахчы тирэх буоллулар. «Кыым»
2. Докумуон, сурук кэрчиктэрэ, өлүүскэлэрэ (үксүгэр кэрискэ нүөмэрдэнэр). ☉ Раздел документа, текста (обычно нумеруется), пункт
Уонтан тахса суол пууннаах уһун уураах ылылынна. Күннүк Уурастыырап
[Тимэппий:] Хомуурга тоҕуу-хоруу диэн букатын суох буолуохтаах диэн пууну дуогабарга киллэрбэккэ умнан кэбиспит этиҥ. Күндэ
Дакылаат кэнниттэн сир үллэһигин устурууксуйатын, хас биирдии пууннарынан тус-туспа быһаара-быһаара, ааҕан биэрдибит. А. Бэрияк

тоҕуу

тоҕуу (Якутский → Якутский)

I
1.
тох диэнтэн хай. аата. Эмтээһин саамай сыаналаах ньыматынан плеврит убаҕастарын суон иннэнэн тоҕуу буолар. НПИ ССЫа
[Түһээн] духууну тоҕуу — халтай үлэҕэ. БРИ ТТ
2
тоҕуу-хоруу диэн курдук. Холкуоска бурдук быһыытыгар Винокуров диэн биригэдьиир уон икки гектардаах бурдук сиригэр улахан тоҕууну оҥорбут. А. Олбинскай
3. көсп. Ханнык эмэ үлэ, тэрээһин хаамыытын, салгыы оҥоһулларын тохтотуу, харгыстааһын. ☉ Прекращение, нарушение дальнейшего осуществления чего-л., срыв
Бурдук хомуурун хампаанньатын аанньа ыытымына тоҕууну таһаарда. Күндэ
II
көр тоҥуу
Аалыах тоҕуута. ПЭК СЯЯ
Тоҕуу бүргэһинэн Тобулбут сирдэригэр Тоһоҕотун уган [охсон барда]. Күн Дьирибинэ