м. см. туннель.

туохт.
1. Хайдах эмэ сигилилээх, быһыылаах-майгылаах буол, буолан таҕыс. ☉ Иметь, приобретать какой-л. нрав, характер. Үчүгэйдик иитиллибит оҕо киһилии сигилилэнэр
△ Хайдах эмэ сигилини көрдөр, хайдах эмэ быһыыны быһыылан. ☉ Проявлять характер, показывать нрав
[Өлөксөөндөрө:] Онон кини эппитин кэннэ барымынаҕын, эмиэ тиэрэ сигилилэнэ олорума. Н. Неустроев
Бу тоҕо кинилэр [баай омуктар], бөрө суобаһа суобастанан, эһэ сигилитэ сигилилэнэн, туох да буруйа суох дьоннору, норуоттары кырган, кэйгэллээн бараллара буолуой. Суорун Омоллоон
2. кэпс. Тугу эмэ оҥорорго туох эмэ санааны ылынан хайдах эмэ быһыылан; уларыйан хайдах эмэ быһыылан. ☉ Поступать каким-л. образом; становиться каким-л. в результате изменений
Олоҕу олохтуурга, үлэни үрдэтэргэ кэмчилэнэр-харыстанар, мунньар-элбэтэр сигилини сигилилэниэх тустаахпыт. П. Ойуунускай
Исписэлиистэр бу [туннель] устун сылдьан өрүс түгэҕэ хайдах сигилилэнэн иһэрин чинчийиэхтэрэ. Суорун Омоллоон

аат.
1. Күөгү быатыгар баайыллар уонна онно мэҥиэ иҥиннэриллэр синньигэс тордуохтуҥу тимир. ☉ Крючок для удочки
Ол иһин бу мин улахан күрүчүөктэри ыллым. Чэ, хата, ыстаныах. Киэһэ үрэх төрдүгэр кулуһун оттон тигинэтиэхпит. И. Семенов. Кальмардары илимнээн уонна күөгүлээн туталлар, күөгүгэ мэҥиэ быһыытынан элбэх күрүчүөктээх аналлаах блесналары тутталлар. ББЕ З
2. Аан хатыыра. ☉ Дверной крючок
Чочумча буолан баран күрүчүөк төлөрүйэн халыр гынна. Софр. Данилов
Арааһа атаҕын тыаһын истибит — күүлэ ааныгар тиийбитигэр, Сардаана утары тахсан күрүчүөгү аһа охсон биэрдэ. Болот Боотур
Дьиэлээх тойон бэрт чэпчэкитик ойон туран, ким тоҥсуйарын ыйыта да барбакка, аан күрүчүөктэрин төлүтэ аста. Н. Павлов
3. Тугу эмэ ыйыырга аналлаах тордуохтуҥу төбөлөөх көхө тимир. ☉ Железный крюк, стержень с загнутым концом, используемый как вешалка
Эти улахан куһуоктарынан бэйэ-бэйэлэригэр сыстыспат гына үөһэттэн күрүчүөктэргэ ыйыталыахха сөп. ДьСИи
Куриль хайдах эрэ күрүчүөгүнэн агдатыттан хатаан, аргыга ыйаппыт курдук буолла. С. Курилов (тылб.)
Туннель аанын үрдүгэр дьэбидийэн хаалбыт күрүчүөккэ банаар ыйанан турара. Н. Островскай (тылб.)
4. Тимэх оннугар туттуллар, биэтилэҕэ иилиллэр тордуохтуу төбөлөөх кыра тимир оҥоһук. ☉ Крючок-застежка
[Сэмэн] сонун күрүчүөктэрин төлөрүтэлээтэ, нэлэккэйдэннэ уонна сынньана турда. Н. Якутскай
«Даа, быһаарыллан бүттэҕэ», — диэтэ Таня курус соҕустук уонна синиэлин үөһээ күрүчүөгүн төлөрүттэ. К. Симонов (тылб.)
5. Синньигэс тордуохтуҥу көхөлөөх (таҥаһы өрөргө аналлаах) тимир. ☉ Крючок для вязания. Таҥас баайар күрүчүөккүн уларыс