1. другой, иной; чужой; атын дьон другие люди; олох атын хартыына совершенно иная картина; айаҕа атыны туойар , бэйэтэ туспаны оҥорор погов. поёт-то он одно, а делает другое; 2. послелог, упр. исх. п. кроме; киниттэн атын ким да суоҕа кроме него никого не было .

I несов. 1. кого-что охтор, сууллар; ураган валил деревья силлиэ тииттэри суул-лартаабыта; валить лес малы охтор; валить кого-л. с ног охтор, түҥнэри көт; 2. что (бросать, складывать в беспорядке) кыстаа, тубэ-һиэх хаалаа, бырах; 3. что на кого,разг. туһэр, балый; валить вину на кого-л. буруйу кимиэхэ эмэ түһэр; # валить всё в одну кучу барытын бииргэ кыстаа (тус-туспаны биир курду к көр, өйдөө).

1. даҕ.
2. Кимтэн, туохтан эрэ арахсыбыт, араарыллыбыт. ☉ Отдельный, самостоятельный. Туспа хос. Туспа хаһаайыстыба
   □ Аҕалара туспа ыал буоларыгар добуоччу соҕус ирээттээтэ. Н. Якутскай
3. көсп. Атын, туора. ☉ Иной, другой, чужой
   Маайа туспа нэһилиэккэ баран, эбэтигэр иитиллибитэ. Н. Неустроев
   Нэһилиэгиттэн туспа сиргэ үөрэнэр оҕолору ааҕан, түөрт тарбаҕын саратта. Амма Аччыгыйа
4. сыһ. суолт. Кимтэн, туохтан эмэ арахсан, ойуччу. ☉ Отдельно от когочего-л., в стороне
   [Маппыр] Силипиэни остуолугар туспа ас тардан аһатар. Л. Попов
   [Коля:] Аҕал, үүттэргин манна туспа уур. С. Ефремов
   Киэһэтигэр сайылыкка оҕолор туспа муһуннулар. Р. Баҕатаайыскай
5. аат суолт.
6. Туох эмэ ураты, атын. ☉ Различие, отличие
   Быстаҕы саҥардаҕым, Туспаны туойдаҕым. А. Софронов
   Айааҥҥа оонньооһун биллэр туспатынан оборон оонньуу буолар. ЧАИ СБМИ
7. түөлбэ. Ханнык эмэ тутуу (хол., дьиэ) эркинэ, истиэнэтэ. ☉ Стена какого-л. строения, сооружения
   [Моҥус] дьиэтин кэтэҕэрииҥҥи туспатын хайа көтөн тахсыбыт. ПЭК ОНЛЯ I
   Дьиэтин туспата баранна: суол аанынан хайа көтөн тахсыбыт. Саха фольк. Тордоҕум түөрт туспатынан чуолҕан оҥостубуппун хам тиктэ илигим. Н. Абыйчанин
8. түөлбэ. Өрүт. ☉ Сторона, бок чего-л.. Хайа туспаттан тыалырда?
   □ Халлаан илин туспата. ПЭК СЯЯ
   ♦ Кэпсэтии атын (туспа) буолуо көр кэпсэтии
   «Сарсын баар гымматаххына, кэпсэтии туспа буолуо», — диэн киһи суоһурҕанна. <Туспа> буруо таһаар көр буруо. Аҕыйах сылынан хата тэҥнээх кыыскын булунан, туспа буруо таһааран, ыал буолуоҥ, оҕо төрөтүөҥ. Амма Аччыгыйа
   Туспа дьиэ буол көр дьиэ I. Туспа дьиэ буолбутуттан ыла Хобороостуун үчүгэйдик, эйэлээхтик …… олорбуттар. А. Софронов
   Туспа тойуктаах көр тойуктаах. Ээ, дьэ эмиэ туспа тойуктаах киһигин. С. Никифоров
   ◊ Туспа тахсан өлбүт харыс т. — араҥ ыарыыттан өлбүт (киһи). ☉ Умерший от проказы
   Миитэрэй …… туспа тахсан өлбүт быстар дьадаҥы балыксыт киһи кыыһын Сүөкүлэни кэргэн ылбыта. Хомус. Туһа туспа — маныаха сыһыана, тэҥнэбилэ суох, олох атын. ☉ Не имеющий отношения к кому-чему-л., другой
   Оттон баайдар тустара туспа. Амма Аччыгыйа
   Эһиги кыргыттаргыт. Уолаттаргыт эбитэ буоллар, ол туһа туспа буолуо этэ. Н. Якутскай
   Баат биэрбэтэҕинэ, ат оҕуннаҕына, сүүрдээччитин бырахтаҕына, ол туһа туспа. И. Федосеев
   ср. тув. тус-тус ‘врозь’, бур. тус-тус ‘отдельный’

1. даҕ.
2. Кылгас кэмнээх, түргэнник ааһар, тохтуур. ☉ Временный, преходящий, проходящий быстро. Быстах ардах. Быстах тыал. Быстах кэм. Быстах тымныы. Быстах тутуу. Быстах былаас
   □ Бу быстах тутуу элбэҕин! Олбуордар, ыскылааттар, хоспохтор хойууларын! Н. Лугинов
   Быстах кэмҥэ олоруум, Москва киһитэ дэнэбин. Баксаалга күүтүө доҕоруом, Ахтан, амньыраан тиийиэҕим. Баал Хабырыыс
3. Аҕыйах ахсааннаах, кыра эбэтэр түбэспиччэ буолар, көстөр. ☉ Немногочисленный; случайный
   Боччумнаах булка сылдьан быстах куска-балыкка аралдьыйар сатаммат. Амма Аччыгыйа
   Наахаралар кыра быстах ийэ ууһугар улахан суостаах-суодаллаах, күүстээх-хааннаах дьон эбиттэр. Эрилик Эристиин
4. аат суолт.
5. Туох эмэ быһыллан, хайытыллан араарыллыбыт сороҕо. ☉ Отрезок, обломок, обрывок чего-л.
   Сатаан саҕаламмат, дьаарыстаммат саҥалар быстахтара иһиллэллэр: «Ооккоом»... «Бабушка»... «Мэнигилээмээр»... Амма Аччыгыйа
   Тутаҕы, быстаҕы тулуйан Тумнарга үөрэн эн, Үлэлээ өрүүтүн сэмэйдик, Үлэлээ үгүстүк; Үчүгэй, үйэлээх Үлэттэн төрүттээх. Күннүк Уурастыырап
6. Туох эмэ туһата, суолтата суоҕа. ☉ Незначительная, ничтожная, несущественная часть чего-л.
   Быстаҕы саҥардаҕым, Туспаны туойдаҕым, Буоһата суоҕу Ботугураатаҕым буоллун! А. Софронов
   ♦ Быстах былаҕай — оһол, оһолго өлүү, соһуччу, эмискэччи өлүү. ☉ Несчастный случай; неожиданная смерть
   Быһыйы кытта сырыһыннаран Быстах былаҕайга ыллараҕын; Абааһыны кытта адьырыһыннаран, Араас алдьархайы арыйаҕын. Өксөкүлээх Өлөксөй
   Кини быстах былаҕайга былдьамматаҕа, улуу дьыала иһин охсуһа сылдьан, үчүгэй үчүгэй курдук геройдуу өлбүтэ. Ф. Софронов
   Быстах былаҕайтан быыһаммыт, Дьаҥ-дьаһах таарыйбатах, Тумуу-сөтөл тумнубут. Тоҕус улуус уолугар Холооннооҕун булбатах, Сэттэ улуус киһитигэр Тэҥнээҕин билбэтэх. С. Зверев. Быстах былдьат — алҕаска өл; буолуо суох куһаҕан быһыыга алҕас түбэс. ☉ Умереть, погибнуть случайно; случайно и неожиданно попасть в беду
   Кини быстах былдьатыам диэн сүрэҕэр ыттарбыт быһыылааҕа. «ХС»
   Быстах симиэрт көр быстах былаҕай. Ол эрээри тоҕо маннык оҕо курдук быстах симиэрт айаҕар киирэн биэриэй? П. Ойуунускай
   Абыраамаптаах туох да силиһэ-мутуга суох быстах симиэртэр эбит. Л. Попов. Быстах ыйаахтан — кылгас үйэлэн, эрдэ өл. ☉ Умереть преждевременно, рано
   Тыл иҥнэҕинэ, Аат хонноҕуна, Сэттээх-сэлээннээх буолуо: Быстах ыйаахтаныа, Суомах оҥоһууланыа, Өтөр үйэлэниэ. Өксөкүлээх Өлөксөй
   ◊ Быстах былыт — кыра, кылгас кэмҥэ ардыыр былыт (хол., этиҥ былыта). ☉ Небольшая туча (напр., грозовая)
   Күн ойоҕолуу көрөн турдаҕына, быстах былыттан өҕүөмэр ардах түһэн ааһар эбээт. Амма Аччыгыйа
   Быстах былыт уһулу ойон тахсан, ханна түһүөн мунчаарбыт элиэлии, хочону эргийэ көттө. С. Федотов
   Кэлэн истэхпитинэ, быстах былыт ибиирэн, таҥаспытын илитэн, тоҥон бардыбыт. Н. Габышев

I
уой I диэнтэн дьаһ
туһ. Биир ынахпытын уотан, үс саар ыаҕаска көйүргэни мунньан, туос иһит тиктэн, омуһах хастан, туспа ыал буолбуппутугар үөрэн, мин эрим малааһын оҥорор. Н. Неустроев
Албын Бааһынай биир кур оҕустаах. Бу оҕуһун уотан баран, өлөрөр күнэ буолбут. Суорун Омоллоон
Андрейдыын күрүөҕэ хааллан турар Коля уотар ньирэйдэрин баран көрөбүт. Далан
II
аат.
1. Туох эмэ умайарыттан үөскүүр итии суостаах кыһыл төлөн. ☉ Огонь, пламя
Быргый кэргэниниин остуолларыгар киэһэ уот сырдыгар чэйдии олорбуттара. Күндэ
Ууга эн тимирбэккин, Уокка эн умайбаккын, Килбиэннээх кэрэ бэйэҕэр Кир, дьэбин сыстыбат! С. Зверев
Холбуйатыгар уот тиийэн хаппаҕын сиэн буруолата сытар. Т. Сметанин
2. Элэктэриичэстибэ биэрэр сырдыга. ☉ Свет от какого-л. источника питания (электрический)
Ууттан уоту уматар Улуу алып бу эбит! С. Зверев
Түүҥҥү Москва түннүктэриттэн тыһыынчанан хамсыыр уоттар тырымныы тыгаллар. Т. Сметанин
Уот барда: мотуор умуллар, уу хачайдаммат. Ходуһа х.
3. Туох эмэ тыгар сырдыга. ☉ Свет, сияние чего-л. (напр., луны, солнца)
Чолбон уота, суһуктуйан, Сугун күөхтүү халлаан сырдыыр. Эллэй
Ипатий Лука Ивановтуун мас хайытар эрбиилэрэ, үөһэ-аллара биэрэҥнээн, күн уотуттан күлүм аллайар. М. Доҕордуурап
Күн сарпа уотугар күөрэгэй Кыната саҕылла кылбардыыр. В. Миронов
4. Сэрии сэбинэн-сэбиргэлинэн ытыы, ытыалааһын. ☉ Стрельба из орудий, боевая стрельба, очередь (автоматная), огонь
Отут сэттис балыыр сыла... Оттон улуу сэрии уота... С. Данилов
Тохтоло суох өрө тибииртэ Аптамаат уотун. Баал Хабырыыс
Өрүһү харбаан эрэр дьону өстөөхтөр аптамаат, бүлүмүөт уотунан тибиирдибиттэр. С. Никифоров
5. көсп. Туох эмэ имэҥэ, үлүскэнэ. ☉ Внутреннее горение, страсть, огонь (напр., любви)
Киһитэ таптал уотугар охтон сарсыҥҥы күн хайдах туох буоларын кыһаммат. Амма Аччыгыйа
Оҥоойукпар кутан кулу Олох уотун толору. С. Данилов
Дьол бэйэтэ тоһуйан Дьон дьолломмот. Сымыйа. Эрдээх сүрэх уотунан Кинини киһи айар. С. Данилов
♦ Аал уоту отун көр отун
Ама да бачча Алдьархай ааҥнаан, Аймаммыт иһин, …… Алаһа дьиэни Айынар, туттар, Аал уоту оттор — Дьылҕалаах дьоннор буолуохпут этэ... Эллэй
Үс кыталык кыргыттар Үс хотойу таптыыллар, Үс дьиэ саҥа тутуллар, Үс аал уот оттуллар. П. Тобуруокап
Аан тууспан уот көр аан II. Дьоннор Амма хара сыырын үрдүгэр аан тууспан уоту оттоллор. Р. Кулаковскай
Ап-(уот) оҕурук көр оҕурук. Хаҥас илиитинэн Хара дьиэрэҥкэй Уот оҕурук батаһы Сулбу тардан ылла, Айыы киһитин Охсон имитэн Илдьэ барда. Ньургун Боотур
Икки уот икки ардыгар (кыбылын) көр икки II. Ол түүн Сиидэр адьас кыайан утуйбатаҕа, кини дьиҥ чахчы икки уот икки ардыгар кыбыллыбыта. Е. Неймохов
[Петров:] Итэҕэй, Киргиэлэй, дьиҥ сүрэхпин этэбин. Билигин мин икки уот икки ардыгар сылдьабын. С. Ефремов
<Икки> ытыһа уот тымтан (аһыйан) хаалла көр ытыс II. [Манчаары:] Батыйам эһиллэ түспүтэ, икки ытыһым эрэ уот аһыйан хаалбыта. ИОВ МБ. Кутаалаах уокка олорт — кими эмэ сүгүн олордор бокуой биэрбэккэ мөх-эт, саҥар-иҥэр. ☉ Сильно ругать, бранить кого-л.
Уол аһара мэниктээтэҕинэ эбэтэ кутаалаах уокка олордор идэлээх. Тэҥн. кутаа уотунан сабаа. Кутаа уотунан илгистэр (илгиһин) көр илгиһин. Эмээхсин икки модороон харытын ньыппарыммытынан, кутаа уотунан илгистибитинэн барда. Амма Аччыгыйа. Кутаа уотунан сабаа кэпс. — мөҕөн-этэн кут-сим, кыыһыран тохтоло суох эт-тыын. ☉ Разразиться гневной тирадой, речью
Кутаа уотунан сабаан түһэн, доҕор, тугун алдьархайай! Тэҥн. кутаалаах уокка олорт. Күлгүн булкуйуом, <көмөргүн ытырыам, уоккун умуруоруом> көр күл II. Уоккутун умуруоруом, күлгүтүн булкуйуом, үөлэскитин кырыардыам, дьиэҥ таһын кыраһардыам, ааккытын сүтэриэм, иччитэх ырыаны ыллатыам. ПЭК ОНЛЯ I. Уокка арыыны кут калька. — туох эмэ соччото суоҕу тэптэрэн, бэргэтэн биэр. ☉ соотв. подливать масла в огонь
Сылгы иитиитин туһунан кэпсэтии таҕыстар эрэ, Сэһэн Семён, уокка арыыны куппукка дылы, саҥата-иҥэтэ хойдон, күөдьүйэ түһэр үгэстээх. Л. Габышев
[Туллукчаана:] Бүгүҥҥү мунньах уокка арыы куппут кэриэтэ. Айдаан бөҕө тардылыннаҕа буолуо. В. Протодьяконов
Махно есаулу, куолутунан, олус кытаанахтык дьүүллээн, уокка арыыны кутан биэрбитэ. П. Бляхин (тылб.)
Уокка арыыны (саһаҕаны, саҕаһаны) быраҕан биэр — уокка саҕаһаны бырах диэн курдук (көр саҕаһа). Бу киһи уокка арыыны быраҕан биэрэн, айдааны тарта. Уокка ас (аста) биэр көр ас III. «Быыппастар быччыҥнаах, Быһый да атахтаах Уол кэллэ», — диэбиттэр, Уокка ас биэрбиттэр. А. Бэрияк. Уокка ас бэрис көр бэрис. Сирбин аһатабын, уокка ас бэрсэбин. Уокка биэр — уматан кэбис. ☉ Сжечь, спалить
[Баһыкка:] Бу суругу ааҕан бараҥҥын, хайыта тыытан, уокка биэр диэбиттэр. Күндэ
[Ааныка — оҕонньоругар:] Били хоруопкун харай! Харайыаҥ суоҕа да үлтү сынньан баран уокка биэриэм. С. Ефремов. Уокка киирэр — куттаммакка, дьулайбакка сэриилэһэ барар. ☉ соотв. идти в огонь
Охсуһуунан Оҥоһуллар Олохпутун Харыстыырга Уокка киириэм, Хааммын тоҕуом! Күннүк Уурастыырап
Буокай оҕонньор саҕынньаҕын кэппитинэн уокка киирэн барыах курдук саба түһэн олорор. А. Сыромятникова
Мин сэрии маҥнайгы күнүттэн уокка киирбитим. Н. Кондаков. Уокка бырахтахха кэҥсик тахсыбат, <окко суулаатахха оҕус сытырҕаабат> — олус быстыбыт, ким да аахайбат, ахсарбат буолбут (киһитэ). ☉ Оказавшийся в безвыходном, крайне тяжёлом положении, дошедший до ручки (человек)
Уокка бырахтахха кэҥсик тахсыбат дьонобут. Амма Аччыгыйа. Уокка оҕустарбыттыы — олус соһуйан, уолуйан. ☉ соотв. как будто током ударило
Дииктэр тиһэх тылларыттан Маарыйа, уокка оҕустарбыттыы өгдөс гынна уонна оҕонньорун сирэйин-хараҕын кэтэһэ-кэтэһэ улаханнык саарбаҕалаабыттыы ыйытта. «ХС»
Уокка саҕаһаны бырах көр саҕаһа. Хабырыыс мөккүстэҕинэ уокка саҕа7аны быраҕан биэрии7и. И. Гоголев. Уокка уган биэр кэпс. — кими эмэ сэрэхтээх, кутталлаах суолга киллэр, соччото суохха түбэһиннэр. ☉ соотв. подвести кого-л. под монастырь
Эрбантей сокуон тас өттүгэр турар дьыаланы оҥостон, бар дьонтон туораан, бэйэтин кэргэттэрин уокка уган биэрэн, атах-балай барбытын Бурхалей бастаан соһуйа, куруйа иһиттэ. Эрилик Эристиин
Сорудаҕы сатаан толорбокко, бэйэтэ билиэҥҥэ түбэспитин үрдүгэр, төһө доҕотторун уокка уган биэрбитэ биллибэтин туһунан санаан ордук харааһынна. «ХС»
Тэҥн. түһэн биэр. Уокка (чоххо) баттаабыт курдук буол көр баттаа. Маша кулгаахтыын кытаран, сирэйэ уокка баттаабыт курдук буолла, улам-улам бүк түһэн барда. М. Доҕордуурап
Сирэйэ, уокка баттаабыт курдук, кыпкыһыл буолла. «ХС»
Уорҕатыгар уоту ыстаннар көр уорҕа. Үөһэнэн сытыы кынаттар …… тыастара дурдаҕа кэтии, тоҥо сытар үгүс булчут уорҕатыгар уоту ыстаннарда. Н. Заболоцкай
Уоһа уокка тиийбит көр уос II. Оҕобут кыыһыран уоһа уокка тиийбит. Уот аан бастаан — хара ааныттан диэн курдук (көр ааныттан). Биһиги уот аан бастаан чугастааҕы күөллэри билбиппит. Далан
Манна таһыттан киирэр матырыйаал уот аан бастаан саамай кииннээн түмүллэр сирэ — сурук отдела — баар. «Кыым»
Уот ааныттан көр ааныттан. Уот ааныттан сөбүлээбэтэҕим — хотуҥҥун төбөҕөр ытыаран барбыккын... У. Нуолур
Дабыыт кинини [Ньукулааскыны] уот ааныттан ытыктыы көрбүтэ. И. Никифоров
Уот айах көр айах I. Хам буолбут, бэл, уот айах — Хабыгырас хахыйах. Софр. Данилов
[Суоппуйа — Митяҕа:] Ыы, күтүр... Будьур төбө, уот айах эйигиттэн итинтэн ордук тахсыа дуо. Н. Туобулаахап
Уот (уоттаах) араатар — уот айах диэн курдук (көр айах I). «Уоттаах араатар манна наадата суох!» — намыһах уҥуохтаах, бэрт сытыы дьүһүннээх эдэркээн киһи ойон турда. Амма Аччыгыйа
Ол киһиҥ бэлэһинэн бэрт. Уһун тылынан ууну таһыйар уот араатар. С. Никифоров. Уот ар- дах — сэриигэ хойуутук, күүстээхтик ытыалаһыы. ☉ соотв. свинцовый дождь
Уот ардах аннынан улуу Днепр уҥуоргу бүүрүгэр үктэнниҥ! Күннүк Уурастыырап
Сэрии этиҥин, уот ардаҕын аннынан мин Тыалы утары, тыалы утары барбытым... И. Артамонов
Кыр өстөөҕү Көрсүөхтэрэ сирилэс уот ардаҕынан. В. Миронов. Уота умулунна — иэримэ дьиэтэ эһиннэ. ☉ соотв. очаг (в доме) погас
Охсуһууга сылдьааччы Оҕолорбут, дьоннорбут Оттон барбыт уоттара Умуллубат буолуохтун, Орох тэппит суоллара Омооҕуран сүппэтин. Күннүк Уурастыырап
Миигин кэбилээбитиҥ курдук, иэримэ дьиэҥ дьиэрэгэдийдин, аал уотуҥ умулуннун. М. Доҕордуурап. Уота уоттуйбут — туспа дьиэлэммит-уоттаммыт. ☉ Обзаводиться своим домом (букв. огонь его разжёгся). Соҕотох уоллара уота уоттуйан, дьоно үөрүү бөҕө. Уот бэлэс — олус тыллаах, элбэх саҥалаах киһи. ☉ Бойкий на язык (букв. огненная глотка)
Лиза атар айахтааҕы атыппат, алдьархайдаах уот бэлэс курдуга. А. Сыромятникова
Урут сахалар курдук көрсүө, сэмэй дьоннор суох этилэр. Билигин үксүлэрэ уот бэлэс буоллулар, мунньаҕы көтүппэккэ араатардыыллар. И. Гоголев. Тэҥн. уот айах. Уот диэки көр — туохтан эмэ (хол., этэҥҥэ сылдьаргыттан, туох эмэ табыллыыттан) үөр-көт. ☉ Радоваться чему-л. (напр., своему благополучию — букв. смотреть на огонь)
Оччоҕо киэһэ, баҕар, Уоппут диэки көрүөхпүт: Байанайга махтана Көбдьүөрэ күөстэниэхпит. С. Данилов
Аҕата Быттыыр оҕонньор, быстар дьадаҥы киһи, уолаттара тураннар, киһи-хара, булчут буоланнар, саҥардыы уот диэки көрөн, ситэн-хотон байан эрдэҕинэ, бу былаас буолбут. Н. Босиков. Сүрэхтээх, эрчиллиилээх, өлүөр-чэгиэн буоллаххына, кыайыгас-хотугас эдэр киһи хайаан даҕаны уот диэки көрүөҥ — ол аата бултуйуоҥ. «Саха с.». Уот диэки көрдөр — кими эмэ туох эмэ улахан ыгылыйыы кэнниттэн уоскут, һуу гыннар. ☉ Дать свободно вздохнуть кому-л., успокоить кого-л.
Бэрэбиэркэлиир дьыктааҥҥа Михаил Пантелеймонович чыпчырынанчыпчырынан баран Сеняҕа ортону туруоран уот диэки көрдөрдө. Н. Босиков. Уот диэки көрөр киһибит (үлэһиппит) — киһи эрэнэр, эрэх-турах саныыр киһитэ. ☉ Тот, на кого можно положиться, чья-л. надежда, опора. Кырдьаҕастар уот диэки көрөр дьонноро — уолаттара. Уот иччитин курдук (иччитигэр дылы) өһүргэс — олус өһүргэс. ☉ Очень обидчивый (букв. обидчив, как дух домашнего очага)
— Өһүргэннэ дии, — эмээхсин күллэ. — Өһүргэһиҥ да баар ээ, уот иччитигэр дылы. «ХС». Уот курдук киһи — туохтан да иҥнэн турбат түргэн-тарҕан, сытыы киһи. ☉ соотв. огонь-человек. Умайыктанан түһэн, олох уот курдук киһи кэлэн барда. Уот <курдук> орто — олус куһаҕана да, бэрдэ да суох, лоп курдук орто. ☉ Вполне удовлетворительный, вполне приличный
[Түмэппий:] Чэ, кэбис, оччоҕо, үчүгэйэ да суох, куһаҕана да суох, уот курдук орто киһи буол! Күннүк Уурастыырап
Бу ыаллыы оройуоннарга биһиги курааннаата диэн оттообокко үрдүлэринэн ааһар сирдэрбитин, уот курдук орто үүнүүлээх диэннэр, бэрт ыраастык ньылбы охсон ылаллар. С. Никифоров
Хаһан да уруок үөрэтэрэ көстүбэт. Ол да буоллар үөрэҕэр уот курдук орто. «ХС»
Мэйик диэн ааттаахсуоллаах уот орто булчут киһи олорбут. «Чолбон». Уот кымньыы — уот курдук, уотунан салыыр күүстээх туох эмэ. ☉ Грозная сила, подобная горящему огню (букв. огненный прут)
Үүрэрэ саханы сут, тымныы, Кыйдыыра кыһалҕа, уот кымньыы. Эллэй
Уо, Тымныы Уот Кымньыы Тырымныыр. И. Чаҕылҕан. Уот салаабытын курдук — туох да хаалбатах, кубус-кураанах. ☉ соотв. камня на камне не оставить, сровнять с землёй (букв. как огонь опалил). Ньиэмэстэр сэриилээн ылбыт дэриэбинэлэрэ уот салаабытын курдук буолбут. НАГ ЯРФС. Тэҥн. уот сиэбитин, уу илпитин курдук. Уот сиирин курдук — олус түргэнник, тэтимнээхтик, күүскэ. ☉ Очень быстро, интенсивно (напр., работать — букв. как огонь пожирает). Үлэлэрин уот сиирин курдук бүтэрэн кэбистилэр. Уот сиэбитин, <уу илпитин> курдук — туга да суох хаалбыт. ☉ Остаться ни с чем, с голыми руками (букв. как будто уничтожено пожаром, снесено водою). Тэҥн. уот салаабытын курдук. Уот (уоту) сах — кими эмэ санаатын көтөҕөн, үчүгэй дьыалаҕа көҕүт. ☉ Заронить искру в ком-л.
Кэмигэр эдэр суруйааччыны өйүөххэ, айар үлэҕэ көҕүлүөххэ, уот саҕан биэриэххэ наада. «ХС»
Уоттуу салаа көр салаа I. Куоттаҕын аайы ол алларастыыр саҥа эккирэтэн, эбии ньиргийэн, тилэҕиттэн сатараан, уоттуу салаан сыыһа-халты харбаан истэ. Н. Заболоцкай. Уот (уоттаах) тыл — туохтан да иҥнэн-бохтон турбат сытыы тыл. ☉ соотв. острый на язык
[Баһыахтыыр Балбаара] уот тыллаах, куһаҕан харахтаах, наһаа күүстээх эмээхсин. Амма Аччыгыйа
Симон эмиэ уот тыллаах кыыска түбэспит сорум дии санаата, ханнык баҕарар кыыс тыла былааччыйатынааҕар уһун диэн доҕоро Ньургун эппитин өйдөөн кэллэ. Л. Попов
Анфиса бэйэлээх уот тыла кутаалана түспэт дуо... Н. Габышев. Уот тымта түһэр — 1) аһый гына түһэр. ☉ Почувствовать резкую боль, словно обожгло огнём
Омун Сүөдэр сыҥааҕа уот тымта түһэрин кытары, …… анараа киһи батыйа өнчөҕүнэн сототун синньигэһигэр дайбаабыта. МНН; 2) улаханнык кыыһыран турар. ☉ Рассердиться, вспылить, вспыхнуть
Бороскуобуйа уот тымта түһэр. Н. Якутскай. Уоту көрөн (уот диэки көрбөт буолан) олоробут — аспыт-үөлбүт олох бүттэ, уокка буһарар аспыт суох. ☉ У нас кончились продукты, варить нам стало нечего (букв. мы лишь смотрим на огонь, мы уже не смотрим на огонь). Былыр элбэх ыал уоту көрөн олорон хоргуйан өллөҕө. Уоту (уотта) ас — күүскэ ытыалаан бар. ☉ соотв. открыть огонь
«Өстөөхтөргө уоту аһыҥ!» — диэн хамаандалаабыта …… Романченко. С. Никифоров
Өстөөхтөр дэриэбинэ таһыгар алдьархайдаах уоту аһаллар. С. Федотов
Биһиги — бүлүмүөттэринэн уонна аптамааттарынан күүстээх уоту аспыппыт. ПДА СС. Уотунан оонньуур — сэрэхтээх, кутталлаах суолга киирэн биэриэх курдук сылдьар. ☉ соотв. играть с огнём
Күлүмэ, Серёжа, күлүмэ. Таптал диэн уот. Уотунан оонньоомо. Сотору баҕар бэйэҥ ыллараайаҕын. Н. Лугинов
Уотунан оонньообуттар уоттан охтуохтара. А. Абаҕыыныскай. Уотунан умайар кэпс. — сүр улаханнык, хаһыытыы былаастаан кими эмэ мөх, үөҕэн саҥар. ☉ Осыпать кого-л. руганью, ошеломлять, оглушать кого-л. бранью
Аҕалара тоҥхоҥноон эрдэҕинэ, тойон үөхсүбүт саҥата уотунан умайа түһэн баран, дэйбиирин угунан үлтү сынньан барбыта. Эрилик Эристиин
«Ынаҕы хостоһоҕун дуу, суох дуу?!» — диэн Луха саҥата уотунан умайда. Д. Таас. Уоту туппут курдук — олус ыксаан, тиэтэйэн өрө сүүрэ сылдьар, төттөрү-таары биэрэстэнэр. ☉ соотв. носиться как угорелый (букв. как будто огонь держит). Уоту туппут курдук элэстэнэр. НАГ ЯРФС. Уоту тутар курдук куттан (дьулай) кэпс. — олус күүскэ куттан, салын. ☉ соотв. бояться как огня. Уруулга олороруттан уоту тутар курдук куттанар
□ Хайа да бэйэлээх биригэдьиир кинини үлэҕэ соруйуон уоту тутар курдук дьулайар буолан барда. С. Федотов. Уот үрдүгэр олорор курдук — хайдах да буолара биллибэт, халбархай. ☉ соотв. как на угольях (углях)
Үлэтигэр балаһыанньата түөрэккэй. Билигин уот үрдүгэр олорор курдук сананар. «Кыым». Уот үрдүгэр үктэннэр кэпс. — олус ыксатан, тиэтэтэн, ыгылыт, ууга-уокка түһэр. ☉ Поторапливая кого-л., заставить его нервничать, суетиться (букв. заставить его ступать на огонь)
Бу сырыыга ыанньыксыттар, уруккуларын курдук, уот үрдүгэр үктэннэрэн көрсүбэтилэр, — саҥата суох бүтэйдии иһитинэн-хомуоһунан тамнааттана сырыттылар. С. Федотов
Уот халахайга түс көр түс I. Эн хат нухарыйан барыаҥ, оттон …… бөрүө муҥнаах сөҥөн эрэр өйгөр ханна эрэ ыраах тиэтэйэн уот халахайга түһүө, үрдүк алгебра иһирик ойуурун эҥин эргиирдэрин ылгыа. Н. Заболоцкай. Уот харах- ха — оруобуна, сөрү-сөпкө, лоп бааччы, бэргэнник. ☉ соотв. не в бровь, а (прямо) в глаз
Иэс төлөбүрдээх дииллэрэ уот харахха эбит. В. Титов
Күтүр өстөөх сүрдээхтик да уот харахха түһээбит эбит. Болот Боотур
Кырдьыгы уот харахха этии хос быһаарыыта да суох үчүгэйдик өйдөнөр. «ХС». Тэҥн. үүт харахха. Уот холорук — айдааннаах, алдьархайдаах быһыы-майгы, балаһыанньа. ☉ Чрезвычайно трудное положение, происшествие
Чуумпу өрүс кытылыгар бүгэн сыппыт Амма солобуодата уот холорук ортотугар түбэспитэ. Софр. Данилов
Оо, суостаах этэ, уот холорук! Р. Баҕатаайыскай. Уот ылар курдук (ыла кэлбит кэриэтэ) — олус түргэнник, ыксалынан. ☉ Очень быстро, в большой спешке (букв. словно за огнём сходить)
Арай күһүөрү кыһын биирдэ ол Күүстээх Көстүкүүннүүн уот ылар курдук, киирэн тахсыбыттара. С. Никифоров
Суох, уот ылар кэриэтэ киирэн тахсар салайааччылары пиэрмэ дьахталлара бүгүн аан маҥнай эрэ көрбүт буолбатахтар. Г. Нынныров
Дьиэтигэр уот ылар курдук киирэн тахсар кыһалҕа тирээтэҕэ. И. Сысолятин. Уот ыстанарын (ыстаммытын) курдук — олус түргэн, эмискэ буолар. ☉ Очень быстрый, внезапный (букв. подобно тому, как выскакивает уголёк [из натопленного камелька])
Кини …… турбут-олорбут, уот ыстанарын курдук хамсаныылаах омук киһитэ эбит. Болот Боотур
[Дьэбдьиэс эмээхсин] уот ыстанарын курдук олус омуннаах Уйбаан диэн уоллааҕа. С. Федотов. Уот этэр — эппитэ эрэллээх, саарбаҕаламмат, итэҕэллээх (былыргы саха уот хаһан да сымыйалаабат дии саныыр). ☉ Быть убеждённым в правоте сказанного, полностью верить сказанному (букв. [его слова верны так,] как огонь говорит [правду])
Чэ, ол кини эппитэ да, уот эппитэ да син биир. Н. Неустроев. Уу да ылбат, уот да сиэбэт — туохха да кыайтарбат, туохха да хотторбот. ☉ соотв. и в воде не тонет, и в огне не горит
[Дьаакып:] Күүс, дуол кинилэргэ буоллаҕа дии. Кинилэри уот да сиэбэт, уу да ылбат дьоно буоллулар. А. Софронов
Бу күтүрү абааһы аймахтара …… Уу да ылбат, Уот да сиэбэт Гына кубулҕаттаан Туох да охсуһуу сэбэ хоппот гына Абынан-сараһынынан оҥорбуттара үһү. Ньургун Боотур. Үрдүгэр уот отун кэпс. — кими эмэ кыйахана-кыйахана мөх-эт. ☉ соотв. мылить голову (букв. на нём огонь зажигать). Эн иннигиттэн үрдүбэр уот оттоллоро буолуо. Хараҕын уота умуллубут (хараҕа өспүт) көр харах. ☉ соотв. огонь в глазах потух
[Эһэттэн] харахпын араарбакка туран, табах уматынным. Табахтаан ортолоон эрдэхпинэ, хайдах эрэ кыылым хараҕын уота өстө. Н. Босиков
Хараҕыттан уот чаҕылла (чаҕылыйа) түстэ көр харах. Тойон ынырыктаах куолаһынан хаһыытыы түһэрин кытта, Бурхалей икки хараҕыттан уот чаҕылыйа түһэргэ дылы гынар. Эрилик Эристиин
Харахпыттан уот чаҕылыйда, Хааһым үрдэ дьаралыйда, Халты оҕуста бадаҕа... А. Бэрияк
◊ Аал уот көр аал III
Алаһа дьиэ тэбэр сүрэҕэ — Аал уот умайан тигиниир. Дьуон Дьаҥылы
Аал уоппут сылааһа сыдьаайар, Алаһа дьиэ дьолунан туолар. «ХС»
Балаһа уот көр балаһа. Бараҥҥын, баараҕай охсуһуу Балаһа уотугар киирбитиҥ, Баринов генерал сэриитин Бастыҥнаах саллаата буолбутуҥ. Күннүк Уурастыырап
Дьү- кээбил уота көр дьүкээбил. Дьүкээбил уота умайдаҕына тымныы ордук сытайар. Н. Якутскай
Уйаара-кэйээрэ суох хаар куйаарын сулустар, ый, арыт дьүкээбил уота үдүк-бадык сырдаталлар. КЗА АҮө
Кутаа уот көр кутаа I. Кутаа уот кытыытыгар олордоххо, уот өттүҥ итиинэн салаамахтыыр, улаҕа өттүҥ тымныынан хаарыйбахтыыр. Амма АччыгыйА. Бэркиһиибин кутаа уоттан Хайдах тыыннаах ордубуппун, Ууну-уоту ортотунан Сатыы хаампыт уһун суолбун. М. Хара
Сибиэ уот көр сибиэ II. Сибиэ уот — айыыларга, иччилэргэ ас кутарга анаан оттуллар уот. КГР СЛ-8
Туспан (кутаа) уот көр туспан. [Абааһы бухатыырын] туспан кутаа уоту оттон баран, дэлби уматан кэбистэ. Ньургун Боотур
Уокка ас (аста) биэр көр ас III. Аан дойдутун, баай хара тыатын, имииһит төрдүн барытын алҕаан, уотугар ас биэрдэ. М. Доҕордуурап
Уокка кэбиһэр кэһии көр кэһии I. Уокка оҕустар көр оҕустар. Урут элиэктириктэр бэйэлэрэ уокка оҕустаран өлөр түбэлтэлэрэ баара. «Кыым». Уот абытай көр абытай
2
Уот абытай олуона халаачык баар үһү (тааб.: ыстаҥалас). Этэрбэстэрин илдьи кэстэхтэринэ, сорохтор ийэлэрэ ол этэрбэстэрин быатынан иэннэрин таһыйаллара уот абытай да, ол уһаабакка умнуллааччы. «ХС»
Уот анньар мас — үөттүрэх диэн курдук. Чаабый Натааһа уот анньар маһын атырдьахтыы икки илиитигэр бобо туппутунан Маайа диэки утары даадаҕастанан истэ. Эрилик Эристиин. Уот ас — тугу эмэ умат. ☉ Поджигать что-л. Кинилэр саҥаттан саҥа [балбаах] чөмөхтөрү оҥоро-оҥоро уот астылар
И. Доҕордуурап. Абарбыт татаардар атыҥҥа санаммыттар: кинилэр, уотунан үүрэн таһаараары, таҥара дьиэтигэр уот аспыттар. Суорун Омоллоон. Уот аһыйа түс — уот салаабытын курдук эмискэ ыарый. ☉ Почувствовать острую боль, сильное жжение, словно огнём прижгло
Уол илиитэ уот аһыйа түспүтүттэн соһуйан, чөкчөҥөнү сыыһа ытан кэбиспит. Суорун Омоллоон
Артур Сардаананы уураары өссө биирдэ холонон эрдэҕинэ, иэдэстэрэ эмискэ уот аһыйа түспүттэрэ. В. Протодьяконов
«Сааппаккын...» — диэн иһэн сирэйэ соҕотохто уот аһыйа түспүтүн өйдөөн хаалбыт. П. Филиппов. Уот барар — туохтан эмэ сылтаан баһаар саҕаланар. ☉ Начать гореть, начинаться (о пожаре)
Хайыһан көрбүтэ — хаппыт мутукчатыгар уот баран, сиэн күлүбүрэтэн эрэр эбит. Амма Аччыгыйа
Ойуурга уот бардаҕына — Ханааба хаһан бүөлүүллэр. Эллэй
Дьогдьоот күһүн кэлбитэ. Уот барарыгар табыгастааҕа. А. Сергеев (тылб.)
Уот биһилэх көр биһилэх. Нөҥүө күнүгэр Дамбоны ылбыт фашистары уот биһилэх ортотугар хаайбыппыт, үлтү сыспыппыт, буору уоптарбыппыт. Д. Очинскай
1923 сыллаахха тохсунньуга бандьыыттар Дьааҥыны уот биһилэххэ олорпуттара. АНХ СС. Уот биэрбэт — кыайан умайбат; ботуруон буораҕа умайбакка, саа кыайан эстибэт, ыппат. ☉ Не гореть (о спичке); давать осечку (напр., об оружии)
Киһи ытар. Саата уот биэрбэт. Суорун Омоллоон
Уот биэрбэккэ уончата түһэртэрэн баран, доруоп дьэ эстэн «дар» гына тыаһыыр... И. Гоголев
Испиискэтэ сиигирэн хаалбыт, уот биэрбэт. Н. Туобулаахап
Уот иччитэ көр иччи. Уот иччитигэр дылы маппакка бараҥҥын (өс ном.). Уот иччилэрин курдук баттахтара арбаһан, холумтаҥҥа сэргэстэһэн тураахтыыллар. И. Гоголев
Уот кугас көр кугас. Бу киэһэ пиэрмэ ынахтарын кытта туора муостаах Дьэспэ диэн ааттаах …… уот кугас оҕус кэлсибит. Далан
Хараҕын кырыытынан көрбүтэ, уҥа өттүгэр биир уот кугас ынах кэйиэххэ айылаах субу күрдьүөтээн турар. А. Фёдоров
Уот Кудулу Байҕал көр байҕал. Киэҥ киспэлээх, Уһун уорҕалаах, Уоттаахкүөстээх Уот Кудулу Байҕал обургуга Умса хорус гына түстүм... С. Зверев. Уот куйаас — сайыҥҥы олус итии күн, өҥүрүк куйаас. ☉ Палящий зной
Туох барыта умайар уот куйаастан ууллан туймаарыйа нухарыйбыкка айылаах. Софр. Данилов
1963 сыллаах сайын, от хомуурун үгэнэ, уот куйаас. П. Егоров
Бэс ыйын бастакы күннэригэр, ардах түспэккэ, сир-дойду умайар уот куйааска куустаран турара. Дьону үөр. Уот кураан — олус уһун кэмҥэ ардах түспэккэ, от-мас, сир-дойду бүтүннүүтэ куурар-хатар, кэхтэр күнэ-дьыла. ☉ Сильная, продолжительная засуха
Уот кураан буолбута. Оту, маһы Күн кубарыччы салаабыта. Эллэй
Биһиги табабыт диэхтээн, биир уу сут, уот кураан кэлиэ да имири эстиэ. Н. Лугинов
Ол сайын …… уот кураан түһэн, аһыҥа өрө туран начаас икки ардыгар сир кубарыйа кууран хаалта. Н. Босиков
Уот курбуу тыл көр курбуу. Кремль кириэппэс кэтэҕиттэн, килбиэннээх трибуна үрдүттэн Ярославскай табаарыс тахсан, тааска чаҕыллар уот курбуу тыллары дьабдьыйда. Н. Габышев
Уот курбуу чаҕылҕан көр курбуу. Халлааҥҥа хара былыттар Халҕаһалыы аалса устубуттар. Онтон сата тыал сапсыйбыт, Уот курбуу чаҕылҕан дапсыйбыт. Болот Боотур
Уот кыһыл көр кыһыл. Уот кыһыл бөтүүктэрэ …… утуктаан куоҕайа олорор. Амма Аччыгыйа
Охсууга охтубут дьоруойдар хааннарыттан уот кыһыл сибэккилэр быктылар. Т. Сметанин. Уот Моҕой — остуоруйаҕа кэпсэнэр уотунан тыынар моҕой. ☉ Огнедышащий дракон
Бу чаҕылҕан чаҕыллар күлүмэ уот моҕой курдуктук курбуутаан муораҕа эриллэн түһэрэ. П. Ойуунускай
Онуоха айыы бухатыыра оһоллоох Уһун субуйа батаһын сулбу тардан Ылла, үс хос бастаах садаҕа уот Моҕойу суон моонньун быһа оҕуста. Ньургун Боотур
Уот сут көр сут. Дьахтар кыра оҕолуун огдообо хаалан, кэнники дьыл уот сут, той буолан, үлэнихамнаһы кыайан дьаһанымына бэркэ дьадайаллар. Саха фольк. Уот (төлөн) булкуур көр булкуур. Уһун субурҕан буруо тыыннаах, Уот булкуур сүрэхтээх Улуу-дьаалы борохуот аал Обургуга олордум. Өксөкүлээх Өлөксөй
Уот турар көр тур. Отчуттар алааска уот турбутун, кыайтарара биллибэтин истэннэр сүөм түспүттэр. «ХС»
Инникитин ойуур уота турбатын туһугар …… нэһилиэнньэ ортотугар өйдөтөр үлэни ыытыахтарын наада. «Кыым»
Уот тыла көр тыл I. Кутаа уота улахан баҕайы кып-кыһыл тылларынан хараҥаны салыыр. Л. Попов. Уоту аһат — уокка аста биэр (былыргы үгэһинэн, сахалар саҥа тиийбит сирдэригэр эбэтэр үчүгэй аһы аһыыр буоллахтарына, аһыахтарын иннинэ бастаан уот иччитин күндүлүүллэр). ☉ Угощать духа огня (по старинному якутскому обычаю, прибыв куда-л. или приготовив что-л. вкусное, принято первым угощать духа огня)
Сайылыктарыгар көһөн кэлээт, …… уоттарын аһаттылар, алгыс эттилэр. «Чолбон»
Уот уобуруччу көр уобуруччу. 1918 сыллааҕы сайын Сэбиэскэй өрөспүүбүлүкэ боруоннар уот уобуруччуларыгар ылларбыта. В. Ленин (тылб.). Уот (уоту) ыыт — тугу эмэ умат, баһаары оҥор. ☉ Поджигать что-л., устраивать пожар
Бурдукка сүөһүнү хаайан, уот ыытан, Бороҥ түүнү аннынан үөмпүтүн, Барытын илэччи билиннэ, Кутталыгар куолайа бүөлэннэ. С. Васильев
Кэнники Кэрэхтээх тумул сирэйиттэн утары уот ыытан тоҕус сорунан [уоту] тохтоттулар. М. Доҕордуурап
др.-тюрк., тюрк. от, ут

I
аат.
1. Тула өттө барыта уунан төгүрүтүллүбүт кураанах сир. ☉ Остров
Арыы кытыы өттүнээҕи хомотугар тахсан кэлэллэрин кытта, долгуна суох чуумпу уу устун тыы устан барда. Эрилик Эристиин
Өрүс эһиннэ. Муус халҕаһата арыыны соҕотохто саба халыйда. Т. Сметанин
Арыыга олус нүөл сиргэ, уу ылар сиригэр «Якутянка» сэлиэһинэйи ыспыттар. С. Ефремов
2. Тулалаан турары кытта биир кэлим көстүү кыайан буолбат, тугунан эрэ уратылаһар (хол., ортото охсуллубакка хаалбыт ходуһа, ортото хорутуллубакка хаалбыт бааһына). ☉ Участок, выделяющийся чем-л. среди остальной местности (напр., недоскошенный участок покосного угодия, недовспаханный участок пашни). Арыыгын охсон кэбис. Арыыгын хорутан кэбиһээр
□ Киһини курданарынан буолбут мята от ала-чуо арыы буолан үүнэн турар. Ч. Айтматов (тылб.)
◊ Арыы баһа — өрүс арыытын үөһээ өттө, саҕаланыыта. ☉ Начало речного острова. Мотуордаах оҥочо арыы баһын эргийэ барда. Арыы бэс — хонуу ортотугар эбэтэр ойдом турар бэс ойуур. ☉ Растущий посреди поляны или отдельно стоящий сосновый лесок
Түүн утуйдаҕына хойуу арыы бэһи булан, хаары хаһан, тула өттүн тула булгунньах курдук өрө кутан утуйар буолбут. П. Ойуунускай
Суол уһугар кыра арыы бэс көстөрө. М. Доҕордуурап. Арыы кумах — өрүскэ, үрэххэ тумул арыы буолан үтэн киирбит кумах сир. ☉ Песчаный полуостров на реке, речке
Дьону кыһытан талахха Үөр мороду моргуйар, Эбэтэр арыы кумахха Хаас саҥата лыгыйар. С. Данилов. Арыы кутуруга — өрүс арыытын аллараа өттө, бүтүүтэ. ☉ Конец, окончание речного острова
Онтон арыы кутуругун эргийэн, өрүтэ түллэҥнии сытар үөскэ киирэн кэллилэр. Эрилик Эристиин. Арыы ойуур — хонууга ойдом үүнэн турар ойуур. ☉ Отдельно растущий лесок посреди поляны
Сылбыакайы хамандыыр оҥоробун, сүүрбэ киһини ол арыы ойуурга сытыарабын. С. Ефремов
Сүөдэрдээх Маайа арыы ойуур аттыгар кэлэн тохтоотулар. Н. Якутскай
Ааҕааччы, Чөркөөх дэриэбинэтигэр кэлэн туран көрөн эрэриҥ буоллар, арыы ойуур саҕатынааҕы эргэ сайыымка дьиэни көрөн, хараххын хатаан ааһыаҥ этэ. Бэс Дьарааһын. Арыы талах — хонууга, ууга ойдом үүммүт бөлкөй талах. ☉ Небольшой отдельно растущий тальниковый лесок на поляне, воде
Онон-манан арыы талахтар хоннохторугар кэбиһиилээх оттор көстөллөр. Амма Аччыгыйа
Ааттаах алаас ньууругар, Арыы талаҕын анныгар Арҕаа таалар түбэтигэр Уһун уһуойах туругунан Уйгу-силик тоҕооспут эбит. С. Зверев
Ортоку арыы талаҕы үрдүнэн тыылаах дьон тыйааран сылдьаллара көстөр. Эрилик Эристиин. Арыы тиит — хонууга ойдом үүнэн турар тиит ойуур. ☉ Растущий островком лиственничный лесок на поляне
Суола диэн үрэх оччоҕо, барыта тэҥ мэндээркэй хонуу эбитэ үһү, арыы талах, арыы тииттэр суохтара үһү. Саха сэһ. I
Арыы тиитим курдук дуу Араалланан сылдьаммыт, Аныгылыы олоҕу Арыйыаҕыҥ атастар! Саха нар. ыр. III
Онуоха көрдөҕүнэ — арыы тиит туспан кутаа уоту оттон кэбиспит, ыйдаҥатааҕы тиит күлүгүн курдук киһи олорор эбит. Ньургун Боотур. Арыы тумул — уһулуччу ойдом киирэн турар туох эмэ тумула. ☉ Резко выступающий мыс чего-л.
Арыы тумул күөнүгэр, «Атах көлүйэ» үрдүгэр Барыҥый түүнү сырдатар Барабыык үлэтэ тутуллан — Тиҥилэх кытта доргуйбут. С. Васильев
Биһиги тиийдибит арыы тумулга, Мотуор тохтоло суох күрбүйэр сиригэр. Л. Попов. Арыы тыа — туспа, ойдом турар халыҥ ойуур. ☉ Отдельно растущий густой лес
Арыы тыа иһигэр кыһыл саһыл сытар үһү (тааб.: тыл). Арыы тыа кэннигэр кини [массыына] үлэлээн кирбийэр хотоойулаах хорсун тыаһа иһиллэр. Амма Аччыгыйа
Уолаттар маайканан эрэ сылдьан, арыы тыаны кэрдэн кибиргэттилэр. А. Федоров. Сыһыы ортотунааҕы арыы тыа аттыгар роза сибэккилэр үүнэн тэтэрбиттэр. И. Данилов. Арыы хатыҥ — ойдом үүнэн турар хатыҥ ойуур. ☉ Островком растущий березовый лесок
Илин-кэлин кэбиһэрдээх, Бэдэр саҕынньахтаах, Буобура бууктаах сонноох дьахталлар Үҥкүүлээн иһэллэрин курдук, Арыы хатыҥ чараҥнардаах эбит. Саха фольк. Сирилэс сиккиэрдээх арыы хатыҥ таһыгар тойотторго туус маҥан балаакка туруорбуттар. Күннүк Уурастыырап
Билигин бу курдук түннүгүнэн, арыы хатыҥ айгырастаах симэҕэ тэлибириирин эһиги бэйэҕит көрөҕүт. М. Доҕордуурап. Арыы хахыйах — ойдом үүнэн турар бөлкөй хахыйах. ☉ Небольшой отдельно стоящий лесок из молодых берез
Арыы хахыйах курдук, Араллааннаан олороҥҥут, — Этигэн илбис тыллаах Эйэҕэстэй идэбин, — Эгэлгэлээх хоһооммун Истэ сэҥээриҥ эрэ. Нор. ырыаһ. [Уйбаан Дууһа] атын ындыытын түһэрэн, баайан, сыгынньахтаан баран, арыы хахыйах күлүгэр мустан олорор дьоҥҥо кэллэ. Эрилик Эристиин. Арыы чаллах эргэр. — ойдомнук үүммүт хойуу. ☉ Растущий островком густой лесок
Аҕыс арыы чаллах тыа саҕа Араҕас чэчир анньыллыбыт, Чөҥөрө чүөмпэ саҕа Дириҥ далай түһүлгэ турбут [үтүө дойдута эбит]. П. Ойуунускай
Айгыр силик лабаалаах, Арыы чаллах хатыҥнаах Аччыгыйдыыр эрдэхтэн Арыаллаһан үөскээбит, Атас, дьүөгэ аҕастар! Нор. ырыаһ. Арыы чараҥ — хонууга ойдом турар хатыҥ ойуур. ☉ Особняком растущий березняк на поляне
Толоон ортотугар, арыы чараҥҥа, күөрэгэй чыычаах ыллаан, кэрэнаҕыл куолаһа салгыҥҥа кутуллар, тохтор. Амма Аччыгыйа
Эмиэ арыы чараҥар Ылластылар чыычаахтар. Эмиэ хатыҥ анныгар Биэ эмиийэ уһуктар. С. Данилов. Кумах арыы — тула өттө барыта уунан төгүрүтүллүбүт кумах сир. ☉ Песчаный остров
Бүөккэ тыытыгар олорон дьара уулаах кумах арыы диэки анньынар. Н. Якутскай. Күөл арыыта — күөл ортотугар баар арыы. ☉ Остров на середине озера
Сотору төннүөхпүт дии санаан, илиммин күөл арыытыгар куур-да ыйаан таҕыстым. Амма Аччыгыйа. Мас арыы — ойдом турар ойуур. ☉ Отдельно стоящий лесок
Тумул диэбитэ — уҥуоргу кытыылыы турар мас арыы эбит. Амма Аччыгыйа. Өрүс арыыта — өрүс сүнньүгэр сытар арыы сир. ☉ Остров, находящийся в русле реки
Өрүс арыытыгар баар ууга хас да кус түһэн аһыы сылдьар. Т. Сметанин
Өрүс арыытын кутуругунан тыы иһэрэ көстүбүтэ. Н. Якутскай
Кыһынын өрүс арыыларыгар олорор пиэрмэлэр үлэһиттэрэ олохторун-дьаһахтарын көннөрбөтөҕүттэн, тупсарбатаҕыттан хомойор. Н. Габышев. Таас арыы — аҥаардас таастан турар, таас хайалаах арыы. ☉ Каменный остров
Күөл ортотугар уһулу ойон тахсыбыт таас арыы баар. И. Федосеев
Анныттан аһаммын, өрүтэ силэйэн, Оргуйар таас арыы үөлэспин оҥостон Үрүҥ күн анныгар буруобун унаарпыт Уот төлөн булкаанай мин бэйэм буолабын! П. Тобуруокап. Талах арыы — талаҕынан саба үүммүт арыы сир. ☉ Тальниковый остров
Ыраах-ырааҕынан өрүтэ үтэн тахсыбыт, талах арыылары аахсыбатахха, киһи хараҕа алаарыйан, өйө туймааран барыахха айылаах барыта биир кэм тунаа маҥан, хаар куйаар дойду. Амма Аччыгыйа. Тиит арыы — тиит мас үүнэр эбэтэр ити сиргэ ураты көстүү буолар аҕыйах тииттээх өрүс арыыта. ☉ Речной остров, состоящий из одной лиственницы или на котором растет небольшое количество редких деревьев. Ыраахтан тиит арыы харааран көһүннэ. Тумул арыы — ууга (өрүскэ, күөлгэ) иһирдьэ быһа анньан киирбит кураанах сир. ☉ Полуостров
Хотугу Муустаах муора кытыла. Кини илин Чукотскай тумул арыы быстар тумсуттан арҕаа Мурманскай куорат анараа өттүгэр тиийэн бүтэр. Н. Якутскай
Эмиэ тумул арыыларга, Сыттаах оттоох сыһыыларга Сэргэстэһэ сиэттиһиэхпит! Дьуон Дьаҥылы. Үрэх арыыта — үрэх хочотугар баар арыы сир. ☉ Остров в долине реки
Ким билэр ол биһиэхэ үрэх арыытыгар биэриэхтэрэ суоҕа эбээт. Күндэ. Харыйа арыы — барыта харыйа мас үүнэр эбэтэр ити сиргэ ураты көстүү буолар аҕыйах харыйалаах өрүс арыыта. ☉ Речной остров, состоящий из сплошной ели или на котором растет небольшое количество редких елей
Харыйа арыы кэтэҕэр Ала бургунаспытын хомуйан Күн курдук Күөгэйэ-көрүлүү оонньуурбут баара, Көмүс доҕорум, күндү үөлээннээҕим. С. Зверев. Хатыҥ арыы — барыта хатыҥ мас үүнэр эбэтэр ити сиргэ ураты көстүү буолар аҕыйах хатыҥнаах өрүс арыыта. ☉ Речной остров, состоящий из сплошной березы или на котором растет весьма небольшое количество берез
Ол курдук аҕыйах сыллааҕыта, кинини Чаҕаан кинээс тутан, Хатыҥ арыыга баар богадельняҕа ыытаары гыммытын иһин, бэркэ хоргутар буолара. Эрилик Эристиин
Хатыҥ арыы тумсугар биир киһи күөх окко умса түһэн сытар эбит. А. Сыромятникова
ср. тюрк. арыг ‘остров’
II
аат.
1. Сүөгэйи ытыйан уонна иирдэн оҥорор үрүҥ ас. ☉ Сливочное масло
Арыы үрдүгэр уу дагдайбат, кырдьык үрдүгэр сымыйа ыттыбат (өс хоһ.). Ийэкээм, кыыһырыма. Арыы көһүннэҕинэ, төлүөм буоллаҕа дии. Н. Неустроев
«Ити арыыга таба да муоҕун булкуйан сиэхпит», — диир Иван Васильевич. Амма Аччыгыйа
Киирэн, баахыла, арыы, үрүмэ, саахар аҕалбытын былаакка суулаан, баайан баран, хап-сабар тахсан барда. Суорун Омоллоон
2. эргэр. Былыр туттуллар арыы кээмэйэ: биир киилэ кэриҥэ. ☉ Старинная мера веса масла, равная примерно одному килограмму
Ол кини кэриэһинэн сылдьыбыта мээнэ хаалбат этэ, — ыйаахтаах курдук, буруолаахтан биирдии арыы хомуллар күһүн аайы. А. Софронов
Дьиҥ чопчу өйдөөмүнэ турабын. Биир арыы кэриҥин биэртим буолуо. Н. Неустроев
Билигин иккилии сэбирдэх табах биирдии арыы буолан турар. М. Доҕордуурап
♦ Арыы саһыл хааннаах — тэтэркэй имнээх, сырдык, ыраас сэбэрэлээх. ☉ Светлолицый, с ярким румянцем во всю щеку
[Манчаары] уһун соҕус сомоҕо эттээх сирэйдээх, арыы саһыл хааннаах, «эрэһэлээбит үүн тиэрбэһин курдук» хап-харанан эриличчи көрбүт харахтаах, уҥуоҕунан орто улахан киһи. МНН
Кини ийэтигэр Ылдьаанаҕа маарынныыр, арыы саһыл ыраас хааннаах, кэҥэс соҕус чэмэлкэй харахтаах, нарын бэйэлээх кыыс. Н. Якутскай
Лоокуут этиргэн бэйэлээх, мэлтэгэр сирэйдээх, кэтит сүүстээх, арыы саһыл хааннаах, кытыгырас уол этэ. Дьүөгэ Ааныстыырап. Арыы-сыа иҥмит киһитэ — уойбут-топпут, эмис киһи. ☉ Жирный, упитанный человек (букв. маслом-жиром пропитанный человек)
«Сарсын муостабытын тэлгэтэн бүтэрээ инибит», — кырдьа барбыт, арыы-сыа иҥмит, суон, дөрөл киһи аргыый хардарда. Софр. Данилов. Арыы-сыа курдук тут — олус харыстаан, наһаа күндүтүк тут. ☉ Держать что-л. очень осторожно, бережно (букв. держать как масло-жир)
Оҕолоро барахсаттар сүүрбүт-көппүт алаастарын тураҥ буоруттан ийэ, арыысыа курдук тутан, ыаҕайатыгар кутта. «ХС». Арыы-сыа таммалыыр — 1) олус уойбут, эмис. ☉ Очень жирный, упитанный (букв. масло-жир с него капает)
Ыһаарыламмыт быарынан, искэҕинэн, арыыта-сыата таммалыы сылдьар эмис дьуухаланан күндүлээтэ. С. Курилов (тылб.); 2) поэт. уйгу-быйаҥ тосхойор. ☉ Дающий изобилие, достаток. Ол көрөн турдахпына — Анды куһум Аҥаарыйа көтөн сиппэт, Арыысыа таҥнары таммалыы турар Алаастардаах эбит. Саха фольк.
ср. тюрк. сары йаҕ, сарйу, саруу ‘желтый жир’
◊ Арыы саһыл поэт. — саһархайдыҥы кытархай. ☉ Желтовато-красный
Атахпытын дьүөрэлээн, Арыы саһыл кырдалтан, Аалай хампа кырсыттан Айаар-чаҕаар ырыаны, Айан, дайан биэриэҕиҥ! Күннүк Уурастыырап
Кыһыл саһыл уорҕата Толбоннурар таҥаһыгар, Бүтүннүүтэ кып-кыһыл, Үрдүк иҥэарыы саһыл. Р. Баҕатаайыскай. Арыы собуота — арыыны оҥорор собуот. ☉ Маслозавод. Массыына арыы собуотугар туораата. Арыы уута — сүөгэйи иирдэн арыы оҥоһуллуутугар ыгыллан тахсыбыт үүттүҥү уу. ☉ Пахта (букв. вода масла). Тымныы арыы уутун иһэммин абыранным. Балык арыыта — балык сыатыттан оҥоһуллубут, эмп буолар хараҥа араҕастыҥы өҥнөөх убаҕас арыы. ☉ Рыбий жир. Балык арыыта оҕоҕо олус туһалаах. Буспут арыы көр дьэҥкир арыы. Буут арыы — уон алта киилэ кэриҥэ арыы. ☉ Старинная мера веса (в берестяное лукошко вмещалось примерно шестнадцать килограммов масла)
Буут арыыга аҕыстыы сүүһү биэрэн баран, эһиилгитигэр уон алталыы сүүһүнэн ыларгар санааҥ туолумуна, ити мин «дьоллоох» иитимньибин туттаран ылан эбин, бай, тот! А. Софронов
Хаппыраал буола сылдьан, миэхэ икки буут арыыны түһэрбиттэрин ыларыгар ыган-түрдэрэн тахсыбыта. Амма Аччыгыйа
Күн тойонуом, бу миэнэ эрим балтараа буут арыытын кытта ынахтаах аккын хаартылаан кэбистэ. Күндэ. Дьэҥкир арыы — ынах ууллубут арыыта. ☉ Топленое коровье масло
Хара күүһүнэн сыҥалаан туран, дьонугар буспут сылгы сыатын сиэтэр, ууллубут дьэҥкир арыыны иһэрдэр. Күннүк Уурастыырап
Кылы, сиэли, мээккэ бурдугу, дьэҥкир арыыны кэнникинэн төрүт да аҕалбаттар. Болот Боотур
Дьэҥкир арыы хобордоох-хо долгуһуйда. С. Васильев. Мас (сиэмэ) арыыта — үүнээйиттэн ылыллар убаҕас арыы. ☉ Растительное масло
Мин нуормалаах килиэппин мас арыытыгар умньаан аһыы олордум. Н. Габышев
Өскөтө быһах эбэтэр биилкэ балык сыттаах буоллахтарына, тымныы ууга мыылалаан сууйуҥ, онтон мас арыытынан оҕунуохтааҥ уонна үчүгэйдик сотуҥ. «Кыым». От арыыта эргэр. — ынах арыыта. ☉ Коровье масло. Тэҥн. сиикэй арыы. Сиикэй арыы көр арыы II
1.
Ону баран өҥөйөн көрбүтүм — сиикэй арыыга үрүмэни дэлби симпит эбит. Н. Неустроев. Утар. дьэҥкир арыы, буспут арыы. Сүөгэй арыы — сибиэһэй сүөгэйтэн оҥоһуллубут арыы. ☉ Сливочное масло, изготовленное из свежих сливок. Сыа арыыта — сүөһү ис сыатын уулларан оҥоһуллубут арыы. ☉ Жировое масло
Аттар таныыларыттан бурҕаҥнаан тахсыбыт туман, тымныыттан сыа арыытын сылаас хобордооххо соппут курдук «сыр-сыр» гынан иһиллэр. Эрилик Эристиин
«Бу баар», — Миитээски ороҥҥо кытаран сытар холу, дьэҥкир арыыны уонна сыа арыытын ыйда. Болот Боотур. Уҥуох арыыта эргэр. — сүөһү уҥуоҕун оргутан, уулларан оҥоһуллубут арыы. ☉ Сало, топленное из костей животного
Кини сирэйэ уҥуох арыытынан уҥунуохтаабыттыы ньалҕарыйда, куолутунан мичээрдээбитэ буолла. М. Доҕордуурап. Уоһах арыы — саҥардыы төрөөбүт ынах арыыта. ☉ Масло, изготовленное из молока недавно отелившейся коровы
Ой силик курдуулаах, Отут томторҕолоох, Уоһах арыы умунуохтаах Уйгу чороон иһитин Тула чохчолоон кэбиспиттэр. С. Зверев
Оокколоруом, уоһах арыытынан оҥоһуллубут саламааты сиэхпит. М. Доҕордуурап. Хайах арыыта эргэр. — хайаҕы (көбүөрү) оҥорорго туттуллар арыы. ☉ Сливочное масло, употребляемое для получения хайаха — якутского молочного продукта. Ол көрөн турдахпына — Аҕыс үөстэнэн араалланан, айманан, аатыран-айгыстан, Хайах арыыта буолан Асхарыйан айаан барар эбиттэр [үрэхтэр]. Саха фольк. Хаһаас арыы — кэлин сииргэ, туттарга ууруллубут арыы. ☉ Масло, откладываемое про запас, запасенное масло
— Оттон хаһаас арыыҥ ханна баартай? — Биэбэккээм, хаһаас арыыны ким бугуллаан көрбүтэ баарай? М. Доҕордуурап
Кэбиһиилээх оттордуун, Кэнчээрилээх толоонунуун, Уруу-хаһаас арыытыныын, эһиил эмиэ эргиллиэҕэ Илгэ күһүн, айма-нымаҥ! Күндэ. Ынах арыыта — ынах үүтүттэн оҥоһуллар арыы. ☉ Масло, изготавливаемое из коровьего молока, сливочное масло
Аҕам ынах арыыта Амтанньыйан астыйдын, Туҥуй ынах суората Тумаланан тубустун. Күннүк Уурастыырап
Араҕас ньургуһун атыыта Арҕаа фроҥҥа эһиги Ынаххыт арыытын миэхэ Ахтан атаарар буолаарыҥ! П. Тулааһынап
III
аат. Күүскэ кытардыллыбыт тимир сойдоҕуна үөскүүр, хоҥнумтуо, күөх өҥнөөх чараас тас араҥа. ☉ Пленка на металле, образующаяся после того, как его сильно накалили на огне.
ср. тюрк. йарык ‘трещина’