сыһ. Түүтэх курдук, түүтэх гына. ☉ Снопом, пучком
Аргыһым куруҥҥа үүммүт кучуну үргээн, түүтэхтии кэлгийээт, бэрэмэдэйигэр тэскэччи уган кэбистэ. ФВС К
Укуруоп ыһыыта киэҥ буоллаҕына, от охсор массыынанан оҕустаран баран кыракыра гына түүтэхтии баайыллар. КММ ОК
Быһыллыбыт сэлиэһинэйи тута түүтэхтии баайыахха уонна түүтэхтэри кириэстии биитэр соһулуоннуу ууруохха наада. ХКА

аат.
1. Тимир тиэрбэстэр бэйэ бэйэлэригэр кэтэрдиллибит оҥоһуктара, сыап. ☉ Цепь (ряд металлических звеньев, продетых одно в другое)
Дьаакыры көтөҕөн, бөҕө тимир иилэҕэһи хабырыннардылар. Амма Аччыгыйа
Тимир иилэҕэһи батаһынан быһа дайбаан, Туйаарыманы босхолоон …… ааны былдьаһаллар. Суорун Омоллоон
Ааныс хоонньуттан намчы иилэҕэһи ороон таһаарда. А. Сыромятникова
Тимир синньигэс иилэҕэскэ тиһиллибит элбэх күлүүс тыллара хаҥас сиэбин тэскэччи тэппиттэр. «ХС»
2. иис. Иискэ туттуллар сыап курдук ойуу. ☉ Узор наподобие цепи
Урут этэрбэс, билигин унтуу билэтин оҥорууга үксүн тыҥырах, сарбынньах ойуулары киллэрэллэр. Ону таһынан айа ырбата, таҥалай, иилэҕэс, илим хараҕа диэн ойуулары туттуохха сөптөөх. АЕЕ ӨҮОБ
♦ Иилэҕэс түһүс кэпс. - арахсыбакка батыһа сырыт, тугу гынарын үтүктэн ис. ☉ Неотступно следовать за кем-л.; повторять за кем-л. все движения, действия
Иннигэр-кэннигэр иилэҕэс түсүһэн, кыргыттар сытыы лыҥкынас куоластара сыыйыллар. Тулхадыйбат д.
◊ Иилэҕэс быа - сыап, сыап быа. ☉ Цепочка
Үрүҥ көмүс чаһыылаах, үрүҥ көмүс иилэҕэс быатын күөх сатыын булууһатын икки сиэбигэр туора ыйаабыт. П. Ойуунускай
Сыыр анныгар тимир иилэҕэс быалаах обургу саппыйаан суумка бөскөйөн сытар. Д. Таас
Хатата эмиэ көмүс ойуулаах хаатыттан иилэҕэс быаҕа ыйанан сылдьара. С. Сарыг-оол (тылб.)