аат. Сордооччу, кыыллыы өлөрөөччү. ☉ Жестокий мучитель, убийца
Дьону-сэргэни сэймэктээччилэр — ити баай омуктар, сидьиҥ фашистар. Л. Габышев

сыһ. Сиэхсит курдук, сиэхсит курдук быһыыланан. ☉ Как убийца (вести себя)
Кэпсээҥҥэ …… бандьыыттар сиэхситтии сэбэрэлэрин саралыы тардар. Н. Түгүнүүрэп
Киһи сиэрин-майгытын сүтэрэн дьиҥнээх сиэхситтии кэбилэммитэ. КДМ ОККО

аат., үөхс. Өлөрүөхсүт. ☉ Убийца, душегуб
[Дуугулааһап:] Бэрт үгүс көмүсчүт дууһатыгар турбут сиэхсит дииллэрэ. Н. Якутскай
Бу сиэхситтэр миигин сиэбиккит иһин, эһиги даҕаны түбэһиэххит! Эрилик Эристиин
«Аа, абам, сиэхситтэр, оттон, дьэ, бэйи…», — итиэннэ, быһахтаах илиитин даллатан, бэйэтэ нөрүччү туттан, уолга утары хаамта. Уустаах Избеков

аат.
1. Киһини өлөрбүт киһи. ☉ Убийца. Хачыгыр өлүүтүн көрдөрөн баран, Эрилик Эристиин аны аҕыйах тылынан өлөрүөхсүттэр сидьиҥ кэмэлдьилэрин саралыы тардар. Н. Тобуруокап
Өлөрүөхсүт бииһэ умса түстүн ииҥҥэ. А. Абаҕыыныскай
Кутталлаах өлөрүөхсүтү милииссийэ үлэһиттэрэ ытан, бааһырдан туппуттар. «Саха с.». Өлөрүөхсүттэр кыраныысса таһыгар куоппуттара. «ХС»
2. эргэр. Суут уурааҕынан өлөрүүгэ ууруллубут киһини баһын былаахыга сүгэнэн быһа охсон өлөрөр киһи. ☉ Палач
Таҥнарыахсыт уонна өлөрүөхсүт Каратаев. Н. Габышев
Өлөрүөхсүт сүгэтэ [киһи] төбөтүн үрдүнэн күөрэйбит. «ХС»

аат., кэпс.
1. Өлөр өлүү. ☉ Смерть, гибель
Сыакаар, туох аанньа симиэрдинэн өлбүт буолаҥҥын үчүгэй сиргэ көмүллүөҕүҥ баарай. Күндэ
Сүр ыар батталга муҥнанаҥҥын, Бастыҥ симиэркэ эн өллүҥ! Эллэй
Ол курдук Мишка [эһэ оҕото] соҕотох биир күн муҥ кырата буоллаҕына икки төгүл өлөр симиэртэн куотта. «ХС»
2. Өлүүнэн-өһүүнэн суоһуур куттал; суостаах өстөөх. ☉ Опасность, грозящая смертью; грозный, опасный враг
«Охсуһумаҥ, бэриниҥ!» — диэн Уун-утары хаамта Биэс уон сиэлэр тимир симиэрт, Биэс уон тимир тааҥка. Баал Хабырыыс
Сылгыга саамай симиэрт — бу бөрө баар. «Кыым»
«Баабыр симиэрдэ» диэн хос ааты кимнээҕэр да ордук элбэх баабыры өлөрбүтүн иһин ылбыт. В. Арсеньев (тылб.)
3. үөхс. Киһи тыыныгар турааччы хара дьай, өлөрүөхсүт. ☉ Смертоносная чёрная сила, убийца, душегуб
[Кулуутап:] Сиэри турар симиэрт, күлүмнэҕин, мин саҕаны сиэбитиҥ буолуо, сиэн кэбис, муҥнаама. Амма Аччыгыйа
[Дьэбдьиэ:] Дьэ, хайыыр эбиккин, симиэрт! Дьэ, туран мас була тахсаҕын дуу, суох дуу? Суорун Омоллоон. Ийэ сир туһа диэн Идэмэрдээх симиэртэри кытта Илбистээх охсуһууга киирсэрим. Доҕордоһуу т.
♦ Быстах симиэрт — быстах былаҕай диэн курдук (көр быстах)
Ол эрээри тоҕо мэник оҕо курдук быстах симиэрт айаҕар киирэн биэриэй? П. Ойуунускай
[Киирик:] Оттон мин буоллаҕына, кырдьык, эһиги сидьиҥ илиигититтэн быстах симиэркэ былдьанаары турабын. С. Ефремов
Баарсуох эрэлбитин, икки улахан оҕобутун, быстах симиэрт, «ыспааҥка», былдьаан барда. КН ТДь