прил. филологическай, филология; филологический факультет филологическай факультет.

1. көр луохтуур. Нэһилиэк иһинээҕи медпууҥҥа дуоктар дьону көрөр буолбут. Амма Аччыгыйа
   Билигин да чэгиэммин, оттон эһиги дуоктары ыҥыраҕыт! И. Данилов
2. Үрдүкү учуонай истиэпэн (үксүгэр тард. ф-гар тут-лар). ☉ Высшая ученая степень, а также лицо, которому присуждена такая степень, доктор (в основном употр. в притяж. ф.)
   Филологическай наука дуоктара. Дуоктар истиэпэнин диссертация көмүскээн ылаллар. Далан
   Арай туран кини - учуонай, үөрэх дуоктара эбит! М. Доҕордуурап
   Виктория Григорьевна Ионова Москваҕа олорор, медицинскэй наука дуоктара. А-ИМН ОЫЭБЫ

аат.
1. Наука дуоктара биитэр кандидат истиэпэннээх үлэһит. ☉ Специалист в какой-л. области науки, учёный
Эбээннэртэн аан бастакы учуонай, филологическай наука кандидата Василий Дмитриевич Лебедев Муома оройуонугар төрөөбүтэ. КАВ ХНК
Германия учуонай дьахтара Улла Йохансен ньиэмэс тылынан «Сахалар орнаменнара» диэн кинигэни суруйбута. Б. Павлов
[Соня:] Кыракый норуоттан, биһигиттэн, учуонайдарбыт, дьиҥинэн, аҕыйахтар даҕаны эбээт. «ХС»
2. кэпс. Элбэҕи аахпыт, улахан билиилээх киһи. ☉ Начитанный, много знающий в какой-л. области науки, знаток, эрудит
Костя «учуонай» диэн хос ааттан бэрики өһүргэммэт этэ. Далан
Бэйэтин үлэтин биэс тарбах курдук эҥкилэ суох билэр, били, этэргэ дылы, сылгы иитиитин «учуонайа». АПН ӨСС
Оччо үлүгэрдик билэр киһи көстүбүтүттэн саллан, били «учуонайдар» тута ах бараллар. КК

туохт.
1. Тугу эмэ (сүөһү, булт иһин-үөһүн) тус-туспа араартаан ыраастаа, сууй. ☉ Чистить (внутренности убитого скота, добытого животного), разбирая по частям, потрошить
Силтэһин Күөнчэттэн туораан, оҕус иһин ырыппыт сирдэрин диэки тумна хаамта. Күннүк Уурастыырап
Били тыһаҕаһы бүгүн өлөрүөххэ. …… Эн сүлэн, иһин-үөһүн ырыта тураар. «ХС»
Истэн синньигэс оһоҕоһу арааран ылан, туспа ырыталлар. АНП ССХТ
Урут эмис куобах иһин кырдьаҕастар бырахпаттара. Ырытан, ыраастаан ас гынан астыыллара. ПАЕ КБАТ
2. Тугу эмэ (хол., кумааҕылары, докумуоннары) биир-биир ылан, көрөн бэрий, сыымайдаа. ☉ Разбирать, пересматривать, перебирать что-л. (напр., бумаги, документы)
Эрэһиэтинньикэп …… үс киһи бэркэ кичэйэн эркиннэри тоҥсуйалларын, кини кумааҕыларын ырыталларын көрө олордо. Е. Неймохов
Лена соҕотоҕун эргэ кумааҕылары ырыта олорбута. Г. Николаева (тылб.)
3. хаарты. Оонньуох иннинэ (хаартыны) холуодаҕа сытар бэрээдэктэрин уларытан, үчүгэйдик булкуй. ☉ Мешать, перемешивать (карты в колоде) перед новой игрой, тасовать
[Куочай] саппыйаттан хас эмэ хос тэрэпиискэ, кумааҕы суулаах хаартыны таһааран бараһыайдыыр, ырытар. Суорун Омоллоон
Саһааннаах, хаартыларын ылан ырытан көрө-көрө, …… хаартыларын сэбэргэнэтин кыараҕаһыгар кыбытан кэбистэ. Эрилик Эристиин
Ипатий хаартытын ырытан тыытырҕатта. М. Доҕордуурап
4. көсп. Тугу эмэ үчүгэйдик, дириҥник, сиһилии, саас-сааһынан үөрэт, ырыҥалаа. ☉ Тщательно, глубоко разбирать, рассматривать, анализировать что-л. Муударай муҥутаан, Ырытан, сылыктаан, Сүүс араас идэттэн Тыраахтар үлэтин талла. С. Данилов
Кырдьар сааскар олоххун эргиллэн, ырытан, сыымайдаан көрөҕүн. В. Титов
Лүөччүктэр сарсыҥҥы бойобуой көтүү хайдах буолуохтааҕын сиһилии ырытан барбыттара. И. Федосеев
△ Тугу эмэ наука ирдэбилинэн үөрэт, чинчий. ☉ Производить научный анализ, анализировать, исследовать что-л. Бу бырайыаккын ырыта барбаппын
Бытархайдары аахсыбатахха, барыта ситэ. Н. Лугинов
О.Н. Бётлингк үлэтин биллиилээх тюркологтар элбэхтик ырытан суруйан тураллар. СПА СТИ
Алампа поэтическай айымньыларын тылын-өһүн анаан филологическай наука дуоктара академик П.А. Слепцов сиһилии ырыппыта. «Чолбон»
5. көсп., кэпс. Ким, туох эмэ туһунан кэпсэт. ☉ Обсуждать, разбирать когочто-л.
Өр гымматылар, оҕонньордоох уол иирсээннэрин төрдүн-төбөтүн була оҕустулар, дьүүлүн-дьаабытын ырыппытынан бардылар. Амма Аччыгыйа
Кыыс туһунан саҥардахха — Кытар гынар үгэстээҕэ. Дьахталлары ырыттахха — Дьалты хаамар идэлээҕэ. Күннүк Уурастыырап
ср. др.-тюрк., кирг. арыт ‘разыскивать, обследовать’