Якутские буквы:

Якутский → Русский

хантаччы

нареч. подняв голову; атын хантаччы тарта он круто осадил своего коня.

Якутский → Якутский

хантаччы

сыһ.
1. Төбөҕүн хантатан; хантайар курдук, өрө, үөһэ диэки. ☉ Приподняв голову, запрокинув голову назад
Көрбүтэ, оҕонньоро баһын хантаччы быраҕан баран, иттэнэ түһэн сытара. Суорун Омоллоон
Маҥан аттаах киһи атын тэһииниттэн хантаччы тарда-тарда тохтотто. Е. Неймохов
Максим төбөтүн хантаччы быраҕан күлэн сатарытта. Н. Лугинов
Кирилэ атын илдьэн күрүөҕэ хантаччы баайан кэбистэ. Н. Заболоцкай
2. Өрө тахса сылдьар гына (үктээ — атах таҥаһын кэтэргэ). ☉ Носком кверху (об обуви)
Оҕонньор хантаччы үктэммит хаатыҥканы сулбу тардан ылан атаҕар анньынна. Амма Аччыгыйа
Хайыттыбыт остоох, хантаччы үктэммит ынах этэрбэһин хаҥас атаҕыттан туура тэбэн, сототун көрө түһээт, кур көтөҕө үрдүгэр нукус гына бүк түстэ. Эрилик Эристиин
Миэнэ хантаччы барбыт, оһо ньаппаллыбыт ынах этэрбэс. С. Маисов

Еще переводы:

дьантай

дьантай (Якутский → Якутский)

көр дьалтай
Тетерин дьэбидис гына түстэ. Сынтаҕар муннун хантаччы анньан, таныылара дьантайда. «ХС»

мөлөөрүй

мөлөөрүй (Якутский → Якутский)

дьүһ. туохт. Уһун томтоҕор сирэйгин хантаччы туттан бытааннык хамсат. ☉ Медленно поворачивать удлинённое выпуклое лицо.

өккөҕөлдьүй

өккөҕөлдьүй (Якутский → Якутский)

дьүһ. туохт. Хантаччы тутун. ☉ Держать голову высоко, задрать голову вверх
Иннигэр киирэн сүүрэн-көтөн өккөҕөлдьүйэн истэ. ПЭК СЯЯ

айаататалаа

айаататалаа (Якутский → Якутский)

айаатаа диэнтэн төхт
көрүҥ. Эр соҕотох адаар муостаах баһын хантаччы быраҕар уонна быһыта баттаан, иһин түгэҕиттэн уйуһуйан, айаататалаан ылар. В. Бианки (тылб.)

додоччу

додоччу (Якутский → Якутский)

сыһ. Соноон, төгүрүйэн көстөр буола, гына. ☉ Выделяясь маленькой, толстой фигурой
Хабырыччы байбыт, Хантаччы уойбут, додоччу курдаммыт, Чолоччу туттубут, Мойуос кинээс диэн Сураҕыран-садьыгыран Олорбут эбит. С. Зверев
Мэхээччэни эрҕэ-урҕа таҥаһынан, син додоччу таҥыннардылар. «Чолбон»

кылдьыччы

кылдьыччы (Якутский → Якутский)

сыһ. Кыҥнары (киһи, сүөһү төбөтүн, моонньун туһунан). ☉ Склонив набок (голову)
Баһын кылдьыччы туттубут умсары соҕус. ПЭК СЯЯ
Кыра дьарамай таабылсык төбөтүн хантаччы туттан, моонньун хаҥас диэки кылдьыччы түһэрэн баран, түргэн баҕайытык саҥаран, бытыга салыбырыыра. М. Горькай (тылб.)

ньамаҕыллай

ньамаҕыллай (Якутский → Якутский)

хаан ньамаҕыллай аартык фольк. — хараҥа, элбэх оһоллоох-моһоллоох аартык. ☉ Мрачный, насыщенный непреодолимыми препятствиями и трудностями, тернистый путь
Суор хара атыыр оҕус Хаалдьыктаах баһын Хайа баттаан баран Хантаччы бырахпыт курдук, Хаан ньамаҕыллай аартык Хараара суодуйбут. П. Ядрихинскай

тараҕар

тараҕар (Якутский → Якутский)

даҕ. Тараадыччы баран адаарыйан көстөр. ☉ Торчащий в разные стороны, растопыренный
Табакам барахсан Тараҕар муоскунан Хахсааты утарсан Хантаччы туттунан, Чугулаан ис эрэ. Болот Боотур
Тараҕар муостаах хара саадьаҕай оҕуһу мииммит Лаһыай Дьаакып лаппырдатан иһэр. В. Протодьяконов

хантарҕалаа

хантарҕалаа (Якутский → Якутский)

туохт. Ат үүнүн тиэрбэһиттэн хоҥсуоччуга эбэтэр дуҕаҕа диэри быата тарт (ат баһын хантаччы тартарар гына). ☉ Подвязывать уздцы к дуге или к седельному крючку
Аркаас аты ойоҕоһугар сыста түһээт, тэһиинин хантарҕалыы тардан, ыҥыырга лап гына олоро түстэ. Н. Борисов

малаҕар

малаҕар (Якутский → Якутский)

даҕ. Кэтит, этиргэн сирэйдээх (үксүгэр көнөтүк эбэтэр хантаччы туттубут киһи сирэйин этэргэ). ☉ Широкий, плоский, открытый (о лице)
Малаҕар сир эй дэ эх киһи.  Бачыгыратар Баһылай туохтан эрэ кыыһырбыт быһыылаах, өргөс курдук турулуччу көрүтэлээн, алтан тэриэлкэ курдук малаҕар сирэйэ дьэбидийэн, уҥа ороҥҥо туоллан олорор. Эрилик Эристиин
[Сортуохап кулуба] сайыҥҥы самыыры-тыалы «биттэнэр», кырдьаҕас ынах олоотуурун курдук, малаҕар сирэйин хантаччы туттан, сытырҕалаата. А. Сыромятникова
Анастаас …… иҥиир дэрэ күүрэ сылдьар сонос моойдоох, үрдүк бүлтэгэр сүүстээх, кэтит малаҕар сирэйдээх. Н. Абыйчанин
ср. кирг. балыгыр ‘полнолицый, одутловатый’, бур. малагир ‘лысый; крупный (о лице)’, монг. малигар ‘широколицый’