и. д. от хатылаа = повторе, ние; ааспыты хатылааһын повторение пройденного; хатылааһын уруога урок повторения.

повторять; ааспыты хатылаа = повторить пройденное; эппити хатылаа = повторить сказанное; ср. төхтүрүй =.

1. хатылаа диэнтэн хай. аата. Дмитрий Дыдаев хоһооннорун судургу үтүктүүлэр, атын поэттар суруйбуттарын көннөрү хатылааһын курдук көрүөххэ сатаммат. Софр. Данилов
   Хаалбыт миэхэ курус дьол — Эн ааккын кистээн хатылааһын, Киэһээҥҥи хойуу хараҥаны Ааспыт сыдьаайынан тымтыктааһын. Н. Харлампьева
   Билиини, сатабылы уонна дьоҕуру оҕолор умнубаттарын наадатыгар хатылааһын ыытыллар. ННН СТМО
2. лит. Стилистическай ньыма: биир тылы, этиини, маарыннаһар синтаксическай киэби эбэтэр тыл ханнык эмэ дорҕооннорун хат-хат төхтүрүйэн, чиҥэтэн этии. ☉ Повтор как стилистический приём. Суорун Омоллоон …… кэпсээннэригэр диалогу, юморы, хатылааһыны, синонимнары дэгиттэр кыайа-хото туттуу холобурун көрөбүт. Д. Васильева
   Хатылааһын ньымата поэтическэй тылы күүһүрдэр, чиҥэтэр. ВГМ НСПТ

туохт.
1. Тугу эмэ хат эт, саҥар, хаттаан гын. ☉ Говорить, делать то же самое, повторять
Кууһума …… били хоһоону булан оҥостон олорон хаста да хатылаан аахта. С. Федотов
Соҕотоҕун сылдьан хаһан да, кими да ыҥырбатах олус минньигэс биир тылын үрүт-үөһэ хатылыыра: «Ийэ!». Н. Лугинов
Сэрээккэ оҥоруутугар киирэр эрчиллиилэри аһара кыһаллан, хос-хос хатылыыр. «ХС»
2. Эрдэ үөрэппиккин хат санаа, өйдөө. ☉ Возобновлять в памяти ранее выученное, усвоенное, повторять пройденное
Маҥнайгы кылааска барбыты Хатылыыллар — умнумаары. Р. Баҕатаайыскай
[Михаил Иванович уруокка] саҥа тиэмэни өйдөттөҕүнэ эбэтэр ааспыты хатылаатаҕына аны наһаа үлүһүйэн, бириэмэтэ бүтэн хаалар. Н. Лугинов
Биир уруок устата ааспыт уруокка барбыты хатылыахха, …… дьиэҕэ үлэни бэрэбиэркэлиэххэ, саҥа тиэмэни быһаарыахха, …… дьиэҕэ сорудах биэриэххэ, сыана туруоруохха наада. «ББ»
3. көсп. Тугу эмэ саҥаттан көрдөр, баар оҥор. ☉ Воспроизводить, воссоздавать, повторять что-л. Мин олорбут одун олохпун хатылыам этэ Оччугуйдук да халбаҥнаабакка. С. Данилов
Төрөппүккэр сыһыаныҥ хайдаҕын кэлин Төрөппүт ыччатыҥ хатылыа — билэҕин? Ахсаана Сонтуой
Кини сырыытын хатылаан көрдөрөр кинофильмы биир эмэ кинорежиссёр айара буоллар бэрт да буолуо этэ. ПНИ АДХ
ср. др.-тюрк. хатна ‘повторять’