Якутские буквы:

Якутский → Якутский

чугучу

аат., үөхс. Дьиикэй, дьиккэр. ☉ Подлец, негодяй
Туох маннык иирэр бэдик кэлбит бэйэтэй?!! Туох маннык тосту-туора чугучу түспүт бэйэтэй?!! П. Ойуунускай
[Үөксүкү:] Тохтоо, чугучу! Тылгын быстарыам! Суорун Омоллоон
[Алып-Чарай — Курулай Кустукка:] Чугучуну бу сырыыга тумсун тууһун чулбутуллуо, туос араҥаҕын хастатыллыа! Д. Апросимов

Еще переводы:

оҥоччу

оҥоччу (Якутский → Якутский)

оҥоччу көр — тонолуппакка, чыпчылыйбакка көр (дириҥник олорор хараҕы этэргэ). ☉ Смотреть круглыми, глубоко сидящими глазами
Уу чугучу! Көрбүтүн да оҥоччу! Таҥныбытын богдоччу! Туттубутун догдоччу! С. Руфов
Умайан бүппүт Оһох тобоҕунуу, Отуу оннунуу Оҥоччу көрбүт. Н. Босиков

дьуккуччу

дьуккуччу (Якутский → Якутский)

көр дьукку
3
Чугучугу-чугучу, Чуллурҕаама дьуккуччу! Нойоон, Чурум-Чурумчуку, Чулуу тааскын торгуйдаһыах. Эллэй
Кылыбырас дьэҥкир үрүйэ уутунан мыылалаан дьуккуччу анньан кэбиспит курдук, эчи ырааһын, сибиэһэйин. Софр. Данилов
Ол бэйэлэрэ бу, билигин саас кэлэн турдаҕына, астара баранан, адьас дьуккуччу быстардылар. Г. Колесов

бүтүн

бүтүн (Якутский → Якутский)

  1. даҕ.
  2. Туга да көҕүрээбэтэх, ситэри кээмэйдээх, барыта баар. ☉ Целый, весь. Бүтүн оройуон. Бүтүн үйэ. Бүтүн өрөспүүбүлүкэ. Бүтүн ый. Бүтүн аҕа ууһа
    □ Кыһыллар үрдүлэригэр бүтүн стрелковай батальон уонна эписиэрискэй рота түүннэри-күнүстэри сэллээбэт саа-бүлүмүөт буулдьатын ардаҕын түһэрэллэр. Амма Аччыгыйа
    Саха сирин алмааһа бүтүн Сэбиэскэй Сойуус уонна бары социалистическай дойдулар наадыйыыларын толорор. И. Данилов
    Үйэлэргэ иччитэх турбут түҥ тыа ортотугар бүтүн куорат тутуллара сүрдээх суол дии! Н. Лугинов
  3. Тыытыллыбатах, алдьамматах, бэйэтэ бэйэтинэн сылдьар. ☉ Целый, неповрежденный
    Оо, абакка! Бүтүн атахтаах-илиилээх буолан баран, үөннэри [фашистары] үчүгэй аҕайдык ныһыйан биэрбит киһи. С. Никифоров
    Алта-сэттэ хос үрүттээх биир бүтүн соҕус хаалбыт землянкаҕа киирдим. Т. Сметанин
    Суордар сиэним оҕо туһахтарын тыыппаттар, тумна көтөллөр. Кини эрэ бүтүн куобахтары аҕалар. И. Федосеев
  4. аат суолт. Туох эмэ тыытыллыбатаҕа, алдьамматаҕа, бүтүн хаалбыта. ☉ Неповрежденность, цельность чего-л.
    Алдьархай аҕыйаҕына, Эрэй элбии илигинэ, Эт-тирии бүтүн эрдэҕинэ — Эйэнэн кэпсэтиэххэ. П. Ойуунускай
    [Манчаары — Бакыыһаҕа:] Иэниҥ тириитэ бүтүн эрдэҕинэ, этиҥ-хааныҥ эймэнэ илигинэ, эрэх-хоһу элбии илигинэ, үбүнэн-аһынан өйүөлээ. Эрилик Эристиин
    Тоҕо кэллиҥ, чолоҕоор?! Дууһаҥ бүтүн эрдэҕинэ, Дойдулуу тур, чугу-чугучу, Чурум-Чурум-Чурумчуку! Эллэй
    тюрк. бүтүн, бүтин, бөтөн, пүтүн
    ◊ Бүтүн миэстэтэ суох көр бүттэтэ суох