сыаптаа диэнтэн бэй., атын
туһ. Илиитэ-атаҕа сыаптанан хаайыыга үүрүллэн иһэрэ. Амма Аччыгыйа
Эн ииппит элбэх ыччаттарыҥ Хаардаах Бүлүү тыатыгар Хам сыаптаммыт киһи дьыалатын Хагдарыйбат тыыннаатылар. Эллэй. Чуорунай муораттан Муустаахха тиийэ Дьонноруот сыаптанан сытара… «ХС»

даҕ.
1. Көмүһүнэн баай, көмүс хостонор сирдээх. ☉ Золотоносный
Көмүстээх үрүйэ. Көмүстээх кумах. — Көстө сытар көмүстээх үтүө сир. Т. Сметанин
△ Үрүҥ көмүс эбэтэр кыһыл көмүс баайдаах (киһи). ☉ Имеющий золото, серебро (о человеке)
[Казаков:] Эдэрбин диэн сананар да буоллаххына, оччо кыһыл көмүстээх киһи тугу гыммат буолуой?! С. Ефремов
2. Үрүҥ көмүс, эбэтэр кыһыл көмүс дуйдаах. ☉ Посеребренный или позолоченный
Көмүстээх ытарҕа. — Чопчулаах чороонноох, Хайырҕастаах хамнатардаах. Көмүстээх көҥкөлөйдөөх, Симэхтээх симиирдээх. Өксөкүлээх Өлөксөй
Уҥа истиэнэҕэ көмүстээх араамаҕа Николай мэтириэтэ ыйанан турар. М. Доҕордуурап
3. көсп. Көмүс курдук буолан көстөр, чаҕылыйар. ☉ Имеющий серебристый или золотистый цвет
Чуорунай муора, Көмүстээх төбөлөөх күлүмнүүр Кавкаһы Түөһүттэн тэбинэн төттөрү тэйэҕин. Күннүк Уурастыырап
Көмүстээх сүүрүккэр сааскы күн чаҕыла Күөх халлаан түөһүттэн күлүмнүү тоҕуннун. П. Тулааһынап
4. көсп. Күндү, кэрэ. ☉ Милый, дорогой, близкий сердцу
Оҕо саас көмүстээх күннэрин умнуллан хаалбатах ахтыыта. Күннүк Уурастыырап
Үрдүк халлаан үрүмэ долгунун иһигэр күөрэгэй биир кэм түһүмэх-түһүмэх көмүстээх дорҕооннору кутар. М. Доҕордуурап