Якутские буквы:

Якутский → Якутский

чычыгыраа

туохт. «Тыс-тас» диэн иһиллэр тыаһы күүскэ соҕус таһаар (хол., умайа турар уоту этэргэ). ☉ Издавать, производить громкий, энергичный треск (напр., о горящем огне)
[Уокка] ыйыырын аҕай кытта, тордуйата чычыгырыы түстэ. Суорун Омоллоон
Кутаа уот Кураанах сыгынахтары сиэн …… Күлэрдии чычыгыраата. С. Васильев
Көмүлүөк, туох эрэ тыынар-тыыннаах курдук, күлүмүрдээмэхтээн, чычыгыраан, хамсаамахтаан ылар. Б. Лунин (тылб.)

Еще переводы:

мунньарыта-ханньарыта

мунньарыта-ханньарыта (Якутский → Якутский)

сыһ. Сөрүөстүгэстик, түүрэ тардыбыт курдук (туох эмэ ньуурун этэргэ). ☉ Криво, косыми складками (быть стянутым — о поверхности чего-л.)
Тирии мунньарыта-ханньарыта хаппыт.  [Тордуйа] чычыгырыы түстэ, онтон ытаары гыммыт курдук, тас субата мунньарыта-ханньарыта тыыта, харааран барда. Суорун Омоллоон

ойуу-бичик

ойуу-бичик (Якутский → Якутский)

  1. аат. Уруһуйдаммыт оһуор, уруһуй. ☉ Узор, рисунок. Этэрбэскэ ойуу-бичик астылар
    □ Ураҕас төбөтүгэр ойуу-бичик баар үһү (тааб.: куйуур)
    Бу хаарыан ыраас кумааҕыны дэлби ойуу-бичик оҥорон тоҕо марайдаатыҥ? Болот Боотур
    Кыраһаҕа туох да быһаарыыта суох ойуулары-бичиктэри оҥортоото. И. Никифоров
  2. даҕ. суолт. Эгэлгэ, дьэрэкээн уруһуйдаах, дьүһүннээх. ☉ Узорчатый, узорный, разноцветный
    Аҕыс салаа ачалаах Аҥаат хочо долгуйар, Ойуу-бичик оһуордаах Ойуур тыам унаарар. С. Зверев
    Үөрүү-көтүү эргийэр күнүгэр Үөр чыычаах хас лабааҥ ахсын ыллыыр, Оччоҕо өссө көҕөрө тыллар Ойуу-бичик сэбирдэҕиҥ тыаһыыр. И. Егоров
    Ойуубичик бэйэлээх талах чыычааҕа, бүтүн бэйэтэ көстүбэккэ эрэ, хантан эрэ күөх быыһыттан чычыгырыыра. «ХС»
сапсын

сапсын (Якутский → Якутский)

туохт.
1.
сапсый 1, 2 диэнтэн бэй. туһ. Кыргыттар [сөрүүкэтинэн] салгын курдук чараас былааттарынан сапсыналлар. П. Аввакумов
Остуол уһугар олорор старшинабыт эмискэ икки илиитин таҥнары сапсыммытынан өрө чинэрийдэ. С. Никифоров
2. Кынаттаргынан дайбан, охсуолан (көтөр туһунан). ☉ Делать взмахи, хлопать, махать крыльями
Халлаан кырсынан Хара суор, …… Хааҕыргыы-хааҕыргыы халаахтаан иһэн, Хааннааҕы харахтаан, Өлүгү көрөн, Таҥнары сапсынан Даллас гына олордо. А. Софронов
Кутуйахсыт элиэ кэлэн, Лоҥкууда ыарҕаларын быыһыгар сабыта түһэн, салгыҥҥа сарайа-сарайа сапсынна. М. Доҕордуурап
3. көсп. Илиилэргин тугу эрэ сапсыйар курдук хамсат, оннук хамсатан тугу эмэ гын. ☉ Махать, водить руками (напр., выражая радость, крестясь при молитве)
[Оҕом] мин таһыттан киирбиппэр үөрэн, …… илиилэрин сыыһынан сапсына-сапсына, даллараҥныы-даллараҥныы күлэн чычыгыраабыта минньигэһэ сүрдээх. А. Софронов
Петя, Маша диэки көрөн кэбиһэ-кэбиһэ, таҥараҕа үҥэн сапсынар. М. Доҕордуурап
4. көсп. Көтөр кынаттарынан сапсынарын санатардыы хамсаа. ☉ Подниматься и опускаться, напоминая взмах крыльев птиц
Кыыс сымнаҕас харахтарын улам аллара көрөн истэ, быыстала суох симириктээн уһун кыламаннара сапсыннылар. Амма Аччыгыйа
Манна миигин Айаҥҥа атаара Аалай былаатынан Сарыал сапсынар. М. Ефимов
Борохуот хаһыыта Хайаҕа дуорайда, Эрдиитэкыната Элэҥнии сапсынна. П. Тулааһынап