аат. Отторго эбэтэр тиэйэргэ сөптөөх гына быһыллыбыт төгүрүк мас. ☉ Обрубок бревна, чурбан
Сытар дүлүҥ анныгар уу киирбэт (өс хоһ.). Оонньуур сир ортотугар тиит төрдүгэр дүлүҥ сытар. А. Софронов
Эһиил оттор маспытын күргүөмүнэн кэрдэн, дүлүҥ оҥорон бэлэмниэҕиҥ. М. Доҕордуурап
Дүлүҥү аҥаардас [ытаһата суох] сүгэнэн хайдах да кыайан хайытыаҥ суоҕа. «ХС»
◊ Дүлүҥ олох мас эргэр. - олорорго табыгастаах, төгүрүк кэтит сирэйдээх дүлүҥ. ☉ У якутов: обрубок широкого бревна, который служит в качестве стула, столярного стола
Тыһаҕас тириитин дүлүҥ олох маска сүллүгэстээн лигийэ олордо. Амма Аччыгыйа
Ампаар ааныгар уһанар дүлүҥ олох мас, ол аттыгар дэгэпчилэммит араас чороон, кытах, удьаа хамыйах. Суорун Омоллоон
Бүөтүр айа кэнтигин ылан уот иннинээҕи дүлүҥ олох маска олорон кэрдиистээн барда. Эрилик Эристиин. Дүлүҥ (хаһыы) тыы (оҥочо) эргэр. - суон дүлүҥү хаһан оҥоһуллубут тыы, оҥочо. ☉ Чёлн
Дүлүҥ тыыга олорон Соболоон аһыыр этэ. М. Тимофеев-Терешкин
Дүлүҥ оҥочотун адьас ыксатыгар долгуҥҥа дьааһык биэтэҥнии уста сылдьар эбит. ПНО. Сул дүлүҥ - хатырыга суох, сулламмыт дүлүҥ. ☉ Чурбан, очищенный от коры
Арыҥах маһы атыллаабатах, Сул дүлүҥү туораабатах кыыс үһү. Өксөкүлээх Өлөксөй
Сул дүлүҥ кырбас, чараас чыыппаан кэчигир, куобах тирии мөлбөс, эриэн ситии чиккэс. И. Гоголев
бур. нулэ