Якутские буквы:

Якутский → Якутский

ыгдат

дьүһ. туохт. Санныларгын өрө көтөҕөн төбөҕүн ньыкыччы тутун (хол., кимиэхэ эмэ суоһурҕанан). ☉ Приподнимать плечи, одновременно втягивая шею (напр., принимая грозный вид)
Мордосов төбөтүн лыкытан саннын ыгдатан, кумуччу туттан, бастаан иһэр ачыкылаах уолу күүскэ үтүрүйдэ. Далан
Били маарыын ааспыт уолум саннын ыгдатан, төбөтүн лыхаччы туттубут. Р. Кулаковскай
Ыраахтааҕы ыыппыт киһитэ, Эппилиэттээх икки саннын Суоһурҕана ыгдатан, Үөҕэнмөҕөн да көрбүт. Н. Некрасов (тылб.)

Еще переводы:

богдой

богдой (Якутский → Якутский)

дьүһ. туохт. Санныгын ыгдатан кэтирээн көһүн. ☉ Казаться широким, имея приподнятые плечи
Кырдьаҕас санна богдойон олороро, илиилэрэ титирэстииллэрэ. В. Гаврильева
Улахан баҕайы хагдаҥ эһэ харааран богдойон турар эбит ээ! Н. Габышев
Биир богдойбут сонноох киһи саатын тута сылдьар. Л. Попов

намылыс

намылыс (Якутский → Якутский)

намылый диэнтэн холб. туһ. Горькай сарыннарын ыгдатан, …… олорунан кэбиһэн баран төбөлөрө уһуннук намылыспыт чаалай бытыгын таҥнары имэриммэхтээтэ
А мма Ач чыгыйа. Айдар үрэх икки өттүгэр намылыһа үүммүт хатыҥнары одуулуу истэ. Н. Лугинов
[ Айыына уолунаан] Сиргэ дылы намылыспыт нуоҕай солко лабаалардаах чэгиэн чараҥ саҕатыгар куус туһан баран таалан туран сипсиспиппит. Далан

үтүрүй

үтүрүй (Якутский → Якутский)

туохт.
1. Кими, тугу эмэ хантан эмэ үтэйэн кэбис; анньыалаан таһаар. ☉ Выталкивать, вытеснять когочто-л.; толчком выпихивать кого-что-л.
Мордосов төбөтүн лыкытан, саннын ыгдатан, боксуордардыы туттан, бастаан иһэн ачыкылаах уолу күүскэ үтүрүйдэ. Далан
Уол куттанан кэннинэн чинэрийэн эрдэҕинэ, Томсон саҕатыттан харбаан ылаат, сөмөлүөттэн таһырдьа үтүрүйэн кэбиһэр. Н. Якутскай
Кэҕэ улаатан, арыый күүһүрэ түстэр эрэ, чыычаах муҥнаах кыракый оҕолорун уйаларыттан таһырдьа үтүрүйэр. И. Федосеев
Бөдөҥ муустар кыра муустары үтүрүйбүтүнэн бардылар. П. Филиппов
2. көсп. Кими эмэ атаҕастаа, баттаа. ☉ Притеснять, обижать, ущемлять кого-л.
Бэһиэлэйэп аймах Сиидэркэ уола Сэмэннээҕи абааһы көрөллөр, үтүрүйэллэр. Амма Аччыгыйа
Эн миигин сэнээбитиҥ, Киэбирбитиҥ, киэптээбитиҥ, Эн, кыраттан туһанан Миигин үтүрүйбүтүҥ, үөхпүтүҥ. В. Гольдеров
ср. туркм. сүдүрлемек ‘толкать, подталкивать’