Якутские буквы:

Якутский → Якутский

ымынаҕыр

туохт.
1. Кыһыылаах ымынаҕынан ыарый. ☉ Болеть чесоткой
Ымынаҕырбыт таба түүтэ үксэ түһэр, бааһыттан олус эмсэҕэлэнэр буолан, сотору бириэмэнэн ырар. МСИ ТЫ
Ынах ымынаҕырар кэмигэр түүтүн төрдө тааҕытыйар, тириитэ кытаран итийэн тахсар. МСИ ХСИи
Сүөһү ымынаҕыран ыалдьар сибикитэ түүтүгэр ымынах клеһэ киирбитин кэннэ икки нэдиэлэ буолан баран биллэр. СИиТ
2. Кыһыйар быдьыгынас кыһыл ымынаҕынан бүрүлүн. ☉ Покрываться мелкой зудящей сыпью
Сымыыт үрүҥүн сиэтэҕинэ сорох оҕо ымынаҕырар. Оччоҕо сымыыты сиэтэри ууратыллар. Дьиэ к. Кыһыл оҕо тириитэ олус чараас, намчы буолар
Бэрт кыраттан сылтаан бааһырыан, быһыта сиэһиэн, ымынаҕырыан эҥин сөп. Дьиэ к.
3. т.-х. Буор сыстыбытын курдук бөлтөгөр хара эбирдэринэн бүрүлүн (хортуоппуй ыарыытыгар). ☉ Покрываться тёмными пятнами в виде бородавок (напр. о клубнях картофеля)
[Хортуоппуй] хаҕа ымынаҕырар уонна баалаттаҕына лабах курдук бааһырар. ФНС ОАҮүС

Еще переводы:

ымынахтан

ымынахтан (Якутский → Якутский)

ымынаҕыр диэн курдук. Оҕо тириитэ ымынахтаммыт

ымынаҕырыы

ымынаҕырыы (Якутский → Якутский)

ымынаҕыр диэнтэн хай
аата. Таба ымынаҕырыыта тириитэ бааһырыытынан, түүтэ түһүүтүнэн, маҥнай хабах курдук ымынах тахсыытынан, онтон хаҕырыытынан көрөн быһаарыллар. ТСА ТС

крапивница

крапивница (Русский → Якутский)

ж. 1. (болезнь) ымынаҕырыы; 2. (бабочка) крапивница (үрүмэччи бииһэ).

сиэс

сиэс (Якутский → Якутский)

сиэ диэнтэн холб. туһ. [Дьаакып:] Аныгы үйэ бэйэ-бэйэни тутуһан сиэһэр үйэ кэлэн турар. А. Софронов
Эбээ, дьоммут балык аҕаллылар, үтэһэҕэ да үөллүбүт, солуурга да буһардыбыт, тахсан сиэһэ оҕус. Амма Аччыгыйа
Тиһилик тимир бурут быа Саҕаһа уотунан Сырдырҕаччы сиэспитинэн …… Сибиниэс курдук Сирдьигинээн хаалла. П. Ядрихинскай
Ити Манчаары түөкүн уорбут этиттэн сиэһэриҥ буолуо. МНН
◊ Быһыта (быһа) сиэс — 1) саас күн уотуттан туох эмэ түспүт, тохтубут сиринэн тобулу сиэнэн ууллан бар, уулун (хаары этэргэ). ☉ Таять в том месте, где сверху что-л. попало (о снеге)
Суол кытыытыгар тохтубут от сыыһыттан хаар быһыта сиэһэр буолан эрэр. Н. Якутскай
Суол кытыыта, күрдьүк хаара быһыта сиэһэн, бастакы улахан бэлиэтээһин буолла. П. Филиппов
Кулуба бааһынатыгар таһыллыбыт балбаахтар хаардара быһыта сиэспиттэр. И. Никифоров; 2) быһыта-хайыта бар, сиикэй этинэн көр (киһи тириитин этэргэ). ☉ Трескаться, образуя живую рану (о коже человека)
Айаҕын иһигэр тииһэ бараммыт, икки хараҕа ньылбараҥнаан быһыта сиэһэн сиикэй этинэн көрбүт …… оҕонньор кэллэ. Эрилик Эристиин
[Кыһыл оҕо тириитэ] бэрт кыраттан сылтаан бааһырыан, быһыта сиэһиэн, ымынаҕырыан эҥин сөп. Дьиэ к.