приданое; энньэ таҥас одежда в приданое.
Якутский → Русский
энньэ
Якутский → Якутский
энньэ
аат., эргэр. Кыыс оҕо кэргэҥҥэ тахсарыгар төрөппүттэрэ биэрэн ыытар баайдара (сүөһү, үп, таҥас-сап уо. д. а.). ☉ Приданое девушки-невесты, когда она выходит замуж
Кыыс …… энньэтэ тоҕус мөгүрүк сүөһү буолар. Саха фольк. Быйыл саас Миитэрэй ол кыыһы «кэпсэппит». Кини халыым төлүүр баайа суох, онон энньэ да эрэйэр кыаҕа суох. Амма Аччыгыйа
Ол сир, кыыс энньэтэ буолан, кэнники Арчах нэһилиэгэр быһа анньыллан барбыт. Болот Боотур
Тукаам, Маасаа, чэ кэл, тахсыах, бүгүн энньэҕэр сэттэ сүөһүнү үүрдэрэбин. М. Доҕордуурап
◊ Энньэ кулут эргэр. — эргэ сүктэр кыыска дьоно биэрэн ыытар кулуттара. ☉ Раб или рабыня, полагавшиеся в приданое невесте, в обязанности которых обычно входило сопровождать свою госпожу, отворять ей дверь, подавать умываться
«Хойут утуйар, Эрдэ турар, илин-кэлин түсүһэр, Илии-атах буолсар. Энньэ кулут уолга Наадыйарыҥ буолаарай?» — Мин оннугунан барсыам этэ. Күннүк Уурастыырап
[Сыҕай] Мотуруона диэн Доодороп кулуба энньэ кулутун булан ойох ылбыта. Эрилик Эристиин
[Анньыһар Боотур:] Акаарыа, Нүһэр Дархан курдук киһиэхэ энньэ кулут кыыс буолан бараргыттан Киэн туттуох тустааххын! И. Гоголев
ср. алт. индье, хак. инчи, монг. инж ‘приданое’
энньэ-сэтии
энньэ диэн курдук
«Үргэл Тойон кыыһа, Үргүүк удаҕан, эйигин ыла кэллим! Симэххинтаҥаскын, энньэҕин-сэтиигин оҥостон олор!» — диэн талах кымньыы төбөтүнэн таптаан ааспыт. ПЭК ОНЛЯ II
Ыалга кыыс оҕо төрөөн, ийэ ууһун тэнитэр ытык аналын толорор буолла диэтэхтэринэ, оҕо биэс-алта сааһыттан кэргэн тахсарыгар кэтэр таҥаһын, киэргэлин, энньэтин-сэтиитин тэрийбитинэн бараллара. НБФМУу СОБ. Биир эмэ сэниэ ыал кыыһын ылан, энньэ-сэтии үүрэн аҕалыахпыт. «ХС»
Еще переводы: