Якутские буквы:

Якутский → Якутский

үлүмнээ

туохт. Элбэх, өлгөм буолан көһүн. ☉ Быть, казаться многочисленным, обильным
Саҕаҕы киэптээбит алааспар киирэммин Саймаарар салгынын мин сайа тыынабын Ыҥырыа лүҥкүнүүр саҥатын сэргиибин, Үлүмнүүр үөр лыаҕы үргүтэ сырсабын. М. Ефимов
Чыычаах ыллыыр, өтөн үөтэр, кэҕэ этэр... Халлаан күөх тииҥ уорҕатынан көөчүктүүр... Кылыгырыы-тылыгырыы сыркы тэбэр... Халдьыа ото, өрө үтэн, үлүмнүүр... В. Миронов
Ууну сэмсээн үөр балык Суһумнуурун көрүөхпүт, Үрүҥ көмүс хатырык Үлүмнүүрүн сөҕүөхпүт. Н. Курилов

Еще переводы:

үлүмнэһии

үлүмнэһии (Якутский → Якутский)

үлүмнэс диэнтэн хай
аата. Окко киирэр кэм тиийэн кэлбитэ: оонньуу-көр бүппүтэ, үлэ үлүмнэһиитэ саҕаламмыта. Далан
Өрүһүспүт курдук туорааҕы хомуйан үлүмнэһии бөҕө. В. Миронов
Сайын буоллар эрэ, окко үлүмнэһии түбүгэр түһэбит. «ХС»

аан-үүт

аан-үүт (Якутский → Якутский)

көр үүт-аан
Иччитэх уулусса үрдүнэн хаар ытыллара, дьиэлэр аҥхарыспыт ааннарын-үүттэрин уонна хаппыт эҥин эрбэһиннэри саба бүрүйэ, бүөлүү түһэрэ. Ч.Айтматов (тылб.). Аҕыс аҥаары ааһыыта — Аанүүт аһылынна — Үлэ күнэ саҕаланар, Үлүмнэһии бөҕө буолар. Күннүк Уурастыырап
Дьүүлүн-дьүһүнүн сүгүн да өйдөппөтө. Аанын-үүтүн аанньа да аспата, Киэлитин-ньэмиэтин Ситэ да биллэрбэтэ. С. Зверев

лүҥкүнээ

лүҥкүнээ (Якутский → Якутский)

тыаһы үт. туохт.
1. Биир кэм ньиргиччи «лүҥ» гынан тыаһаа. ☉ Издавать громкий, гулкий звук, громко гудеть (напр., о большом незвонком колоколе)
[Ойуун] дүҥүрүн тыаһа лүҥкүнээтэ. П. Ойуунускай
Халлааны ча ҕылҕан курбуулуур, Этиҥнэр лүҥкүнүү сүүрэллэр. Л. Попов
2. Бүтэй ньиргиэрдээх саҥата таһаар. ☉ Громко и гулко реветь, мычать (напр., о быке); громко жужжать (о пче ле)
Оҕус мөҥүрээн лүҥкүнээтэ.  Ыҥырыа лүҥк ү н ү ү р саҥатын сэргиибин, Үлүмнүүр үөр лыаҕы үргүтэ сырсабын. М. Ефимов
3. Ньиргиэрдээх бүтэҥи куоласкынан саҥар. ☉ Говорить громким, гулким голосом
Ньукууһа Сыҕаайап саҥата лүҥкүнүүр. Амма Аччыгыйа