больница || больничный; балыыһа палатата больничная палата.

1. аат. Ыалдьыбыт киһини эмтиир тэрилтэ. ☉ Больница
   Холкуостара сопхуос буолбутун кэнниттэн биир кулуубу, куораттыы тииптээх балыыһаны, биир маҕаһыыны, гарааһы уонна да элбэҕи тутуталаан туһаҕа киллэрэргэ ылыммыттара. Р. Кулаковскай
   Таисия Захаровна балыыһаттан уон, сүүрбэ көстөөх сирдэргэ, түҥкэтэх түөлбэлэргэ ыалдьааччыларга ыҥырыкка барааччы. Л. Попов
   Түксү! Мин олус өр сыттым бу манна – Үтүөрдэр дьаныардаах балыыһа дьиэтигэр. С. Данилов
2. даҕ. суолт. Балыыһатааҕы, балыыһа киэнэ буолар. ☉ Больничный; пребывающий в больнице
   Биһиги, балыыһа балаататыгар сытааччылар, бу киэһэ кылаабынай докторбытын М.Д. Михельманы хайҕаан сэһэргэстибит. Амма Аччыгыйа
   Киниэхэ [Даайаҕа] оҕонньоро ньургуһун тута-тута көрсүһэ кэлбит буолуох этэ. Ону кини балыыһа тумбочкатыгар туруорбут буолуох этэ. В. Гаврильева
   ◊ Балыыһа киһитэ кэпс. – ыарыһах буолан, балыыһаттан арахпакка эмтэнээччи. ☉ Человек, который по состоянию здоровья не может обходиться без стационарного лечения. Ээ, ол, Бүөтүккэ балыыһа киһитэ буолбута хас да сыл буолла