поэт, сумерки; тьма; түүҥҥү барык түһүүтэ наступление вечерних сумерек.

1. аат.
2. Туох да көстүбэт хараҥата. ☉ Непроглядная тьма
   Дьадаҥы саха эрэйдээх мас балаҕана барыкка баттатан …… өрүтэ тыыммахтаан тыын киллэриннэҕинэ, бугул саҕа кутаа уот өрүтэ саҕыллан тахсан, дьиэ үрдүн хаарын сырдаппахтаан ылар. П. Ойуунускай
   Түүҥҥү барык кыракый хуторы саба бүрүйдэ. Н. Якутскай
   Түүҥҥү барык түһүүтэ, Түмсэн, тойук туойабыт. Күннүк Уурастыырап
3. Ким, туох эмэ чуолкайа суох барыла, омооно, күлүгэ. ☉ Нечеткий силуэт, смутное очертание кого-чего-л.
   Василий кырабаат кытыытыгар олорор эр киһи барыгын көрбүтэ. Г. Николаева (тылб.)
   Палуба үрдүгэр үс хара дьон барыктара …… үөһэттэн таҥнары өҥөйөн турбуттара. М. Горькай (тылб.)
4. даҕ. суолт. Хараҥа, борук-сорук. ☉ Охваченный сумраком, сумрачный, полумрачный
   Барык хараҥаҕа кини ханнык эрэ сыыры өрө дабайан иһэн өйдөөбүтэ, аарыма кырдьаҕас тииттэрдээх халдьаайы эбит. Амма Аччыгыйа
   Куораты аҕыйах сулустаах ытарҕа ыйдаах барык халлаан саппыт. Н. Габышев
   Уйгуурбат уу чуумпу хоонньугар Дьокуускай утуктуу бигэнэр, Барык түүн суорҕаннаан үллүйэр. Күннүк Уурастыырап
   ◊ Им (түлэй, хара) барык – туох да көстүбэт хараҥата. ☉ Глубокая, непроглядная тьма
   Түүҥҥү күһүҥҥү түлүккэ Кыым да кылайбат, им барык. Эллэй
   Түүҥҥү түннүк нөҥүө, ол Түлэй барык хараҥа, түөспэр түһэн дьоллообут Эн суһуоххун санатар. Д. Апросимов
   Хара барык түүнтэн босхоломмут Халлаан курустаал урса дьиримниир. А. Абаҕыыныскай

көр борук-сорук
Туундараҕа былыт халыйан, барык-сарык буолла. Н. Габышев
Уйбаан ыраатан хаалан, барык-сарыкка тиэтэйэсаарайа, балааккатын диэки дьулуруйан испитэ. И. Федосеев
Киэһэ барык-сарык буолуута эмиэ хонук сири булунар кыһалҕа тирээтэ. Кэпсээннэр