бэрин I диэнтэн дьаһ
туһ. Кыһыл этэрээттэр Колчак былааһын аналлаах этэрээтин (спецотряд) бэриннэрбиттэрэ, олохтоох салайааччыларын түрмэҕэ үүрэн киллэрбиттэрэ. Амма Аччыгыйа
Билигин архыыптан көстүбүт матырыйаалтан көрдөххө, Алексей Елисеевич Өймөкөөҥҥө тахсан бандьыыттары бэриннэрэр туһунан боппуруоһу бэйэтэ туруорсан Саха Киин ситэриилээх Комитетыгар анаан сайабылыанньа киллэрбит эбит. Н. Заболоцкай
Оскуолаҕа ыытыллар пионердар общественнай-туһалаах үлэлэрин барытын үөрэх-иитии үлэтигэр бас бэриннэрэн үөрэҕи-үлэни кытта сибээстээн ыытарга туһаайыллыбыт уурааҕы бюро ылыммыта. ПНИ ОСОТ

I
туохт.
1. Ким эмэ бирикээһин, сорудаҕын мөккүөрэ суох толор; ким эмэ этиититтэн, тылыттан тахсыма, иннигин биэр, сөбүлэс. ☉ Повиниться; подчиняться, покоряться кому-л.
Онон, [Манчаарыны] туохха да бас бэриммэт, тугу да тулуппат, бары сокуону утарар дьиҥнээх ороспуойунан аахпыттар. МНН
Көлөөк, бэриммит дии диэмэҥ — Охпун ыһыкта иликпин. Кыыһаллар, уоста иликтэр Сааскы сарыаллар мин түөспэр. С. Данилов
Ийэ. Төрөппүт ийэ. Күн-күбэй ийэ. Ити тылы иэрийэиэрийэ Ытаан, бу сиргэ түспүппүт Ити тылга бэринэ, сүгүрүйэ, Ыллаан, күнү көрбүппүт. И. Федосеев
2. Бэйэни кыайтарбытынан ааҕан, утарылаһыыны тохтотон, өстөөх дьаһалыгар киир. ☉ Сдаться (в плен)
Фашист кыыл уорааннаах уораҕайа — Берлин куорат бэриннэ. Биһиги Кыһыл Аармыйабытыгар кини, сиргэ тиийэ сүгүрүйэн, сөһүргэстии түстэ. Амма Аччыгыйа
Онуоха Чүөчээски суос-соҕотохто тура эккирээбитэ: «Бэрин!» — диэбитинэн Түүлээх уллуҥаҕы кулгаах тааска пугааһынан ытан дөйүппүтэ. Суорун Омоллоон
«Бэринэбин, бэринэбин!» — диир саҥалар иһилиннилэр. С. Васильев
3. Туохха эмэ өйү-санааны, кыһамньыны, олоҕу анаа, уур. ☉ Предаваться (целиком отдаваться чему-л.)
Дьиҥнээхтик өйдүүн-санаалыын бэринэн туран наука интэриэһинэн олоруу, үлэ умсулҕаныгар ылларыы диэни киниттэн билбитэ. Н. Лугинов
Оо, Володя, Володюшка! Ким тэҥнээҕий киниэхэ? Мунчаарбат бэл хаайыыга! Кини курдук идиэйэҕэ, Сүҥкэн-сүдү сорукка Муҥура суох бэриниэххэ! П. Тобуруокап
Петр Гермогенович пианиноҕа олорон, куруутун буоларын курдук, «Ый сонататыттан» саҕалыыра. Кини улаханнык бэринэн туран оонньуура. Ю. Чернов (тылб.)
II
биэр диэнтэн бэй
туһ. [Уолаттар] хас биирдиилэрэ бэйэтигэр: «Оттон мин?», «Мин аналым туохханый?» — диэн баччааҥҥа диэри тоҕо эрэ тумнулла сылдьыбыт боппуруоһу бэриннэ. Н. Лугинов
Онно мин андаҕар бэриммитим Кырдьык кырыыһы ылыммакка, Эдэрим эрэлин сүтэрбиттик Эр санаалаахтык кырдьарга. С. Данилов
Көлөпүнэ мин буор буолан турбуппун көрөн иччилээх хатан үлүгэрдик күлэн алларастаата, өттүккэ бэриннэ, сис туттунна. Н. Заболоцкай

1) повиноваться, подчиняться; покоряться; биһиэхэ бас бэрин повинуйся нам; бас бэринэр орган подчинённый орган; 2) сдаваться в плен; билиэнпнгэ бэрин = сдаться в плен.