туохт., кэпс. Бэрэдэбиэһинэн үлэлээ. ☉ Работать продавцом
Кырыһаан саҥа бэрэдэбиэстээн эрэрэ. Д. Таас

туохт. Сытыырхай, эр санааҕын ылын. ☉ Осмелеть, расхрабриться
[Бэрэдэбиэс кыыс] Кыраадыстаах соҕус Кылааннырбыт уолан Кыһытыһар да саҥатыгар, Оҥосто-оҥосто Оонньоһор да тылыгар Отуорун уларыппат. Р. Баҕатаайыскай

итэҕэй диэнтэн холб. туһ. Бэйэ-бэйэбитин [бэрэдэбиэстэр] итэҕэйсэр этибит. М. Попов
- Күнүүлэһии таптал күүстээҕин көрдөрөр дуо? - Суох, эргэ олох хаалынньаҥа, бэйэ-бэйэни итэҕэйсибэттэн тахсар! - диэн быһаччы хардарабын. И. Федосеев

даҕ. Этиһэр үгэстээх, майгылаах. ☉ Склонный к ссорам, сварливый, бранчливый
Этиһиик буолбуккун дуу? Н. Якутскай
Дьиппиэр, этиһиик бэрэдэбиэс дьахталлар ортолоругар Ньургуйаана ала чахчы уратыланан көһүннэ. У. Ойуур
Көмүлүөк оһох, Этиһиик ойох, Арбаҕар баттах, Аһаҕас айах Кыраттан сылтаан Айдаан-куйдаан. Сибэккилэр

туохт.
1. Үбү сиэ, арастыраатата оҥор. ☉ Израсходовать незаконно, с корыстной целью доверенные кем-л. средства
Үбү итэҕэстээбит.  Итэҕэстээбит уонна түбэспит бэрэдэбиэстэр дьыалаларын тутуһуллуохха айылаах дакаастабыл баар буоллаҕына бэрэбиэркэлиир тоҕо сатаммат буолуой?! М. Попов
2. кэпс. Итэҕэс оҕону төрөт (кыыл туһунан). ☉ Рожать детеныша-недоноска (о животном)
Кылааннаах түүлээх кыыллар итэҕэстиир биричиинэлэрэ арааһынай буолуон сөп. ТИиС

туохт. Чэпчэкитик, түргэнник хамсан-имсэн; элэгэлдьий. ☉ Двигаться, перемещаться легко и быстро; проноситься, мелькать
[Кыыс] Тура-олоро туллуктанна, Киирэ-тахса кирибинньиктэннэ. Өксөкүлээх Өлөксөй
[Айыына] тура-олоро доҕуһуйбут, киирэ-тахса кирибинньиктэммит. Далан
[Бэрэдэбиэс кыыс] Кэрэ уоһун сэгэтэн, Килбигийэ мичээрдээбитинэн, Кэлэн-баран кирибинньиктэммит. Р. Баҕатаайыскай
русск. гривенник — уподобление мелькающих девичьих щек новому серебряному гривеннику

аат. Докумуонтан быһа тардан ылыллар сорҕото, ону сэргэ тугу эмэ ылары эбэтэр ханна эмэ киирэри көҥүллүүр сурук. ☉ Талон. Билиэт толуона
□ [Бэрэдэбиэс:] Толуоҥҥун аҕал
Харчыгын төлөөбүтүҥ ини? Суорун Омоллоон
Биһиги толуоммутугар туох этин биэрэллэрин сатаан быһаарбат дьоммут. Н. Лугинов
Кыра харчы, аһылык толуона биэрдилэр. КНЗ ОО

сыһ.
1. Нарыннык, ис киирбэхтик. ☉ Изящно, ловко, со вкусом
Тупсаҕайдык хомуллубут Дайыылап ороно иччитэх турара. Амма Аччыгыйа
Туус маҥан халааты Тупсаҕайдык кэтэн баран Туран-олорон туллуктаммыт [Бэрэдэбиэс кыыс]. Р. Баҕатаайыскай
2. Табыгастаахтык, уурбут-туппут курдук, үчүгэйдик. ☉ Удобно, умело, ловко
[Мотуордаах оҥочо] уруула, бары салайар тэрилэ барыта иннигэр, массыыналыы наһаа тупсаҕайдык оҥоһуллубут. Н. Лугинов
Эбэҥки дьахталлара таба тыһын, тириитин тупсаҕайдык имитэллэр. Я. Семёнов

туохт. Хараҥаччы курдук түргэнник, чэпчэкитик туттан-хаптан сырыт. ☉ Двигаться очень быстро, проворно, легко, подобно ласточке
Бэрэдэбиэс кыыс хара долгун суһуоҕун Хайа өрүнэн баран Хааман-сиимэн хараҥаччыламмыт. Р. Баҕатаайыскай
Иитийэх кыыс им-дьим сылдьан Им тэтэрэ кыыһыаҕыттан Им саһара сүтүөр диэри Хара дьиэҕэ хараҥаччыланар, Ходуһаҕа хоролдьуйар. «Чолбон»

I
аат., эргэр. Маҕаһыын. ☉ Магазин, лавка
Аныгы киһи лааппы таҥаһыттан ураты таҥаһы таҥныбат. Н. Якутскай
[ Хоодуотап:] Биһиги лааппыбыт бэрэдэбиэһэ Барахсаанап хаһан даҕаны үчүгэй табаары аҕалбат. С. Ефремов
II
аат. Халыҥ маһынан, былаахынан оҥоһуллубут хас да киһи кэккэлэһэ олорор уһун олох маһа. ☉ Длинная скамья из толстой плахи, лавка
Кылаас дьиэттэн тахсан, балаҕан ойоҕоһугар лааппыга олорон, кыраабыл тиистиир. А. Софронов
Остуол икки өттүгэр киһи олороругар аналлаах модороон лааппылар. Далан