Якутские буквы:

Якутский → Якутский

бөдөҥөө

туохт.
1. Улаатан, үүнэн бөдөҥ, торолхой буол; улаат. ☉ Становиться крупным в результате роста, развития (в основном о предметах, составляющих какое-л. множество, напр., о плодах растений). Хортуоппуй бөдөҥөөбүт. Бу күөл балыга хаһан да бөдөҥөөбөт
□ Оҥорон таһаарыы кээмэйэ бөдөҥөөн иһиитэ …… тус-туспа звенолар үлэлэрин сибээстииргэ салалта форматын тупсаран иһэри модьуйар. ЭБТ
2. Кыраттан кубулуйан бөдөҥ буол (туох эмэ, кырата ааһан, бөдөҥө кэллэҕинэ). ☉ Становиться крупнее (о появлении более крупных предметов, напр. о плодах растений, после мелких)
Хайаны үөһэ дабайан таҕыстахха, маһа сэллиир, оттон аллара, ордук икки хайа тэллэхтэрин ыпсыһыылара чугаһаатаҕын аайы, элбээн, бөдөҥөөн иһэр. П. Аввакумов

Еще переводы:

бөдөҥөт

бөдөҥөт (Якутский → Якутский)

бөдөҥөө диэнтэн дьаһ. туһ. Бугулларгын бөдөҥөт. Харчыгын бөдөҥөт
□ Араас массыынаны атыыласта, Сүөһүтүн бөдөҥөттө, Муоһа суохтары булла, Үүттээх өттүн үксэттэ. А. Софронов

бөдөҥсүй

бөдөҥсүй (Якутский → Якутский)

туохт.
1. Холбоһон, түмсэн улаат. ☉ Крупнеть, становиться крупным в результате объединения, соединения
Урут кыра холкуос эрдэхпитинэ сир солоон оройуоҥҥа бастаан турабыт. Оттон билигин бөдөҥсүйдүбүт. М. Доҕордуурап
Билигин урукку кыракыра холкуостар холбоһон бөдөҥсүйэн эрэллэр. «Ленин с.». Үгүс бөһүөлэктэр билигин бөдөҥсүйдүлэр. «ХС»
2
көр бөдөҥөө. Сир үрдээтэҕин аайы харыйата улам бөдөҥсүйэн тахса турда. Амма Аччыгыйа
Чүөчээски толооҥҥо киирэ охсоору кэнникинэн эмиэ түргэтээн барар. Суох, тыата бүппэт, хата, эбии хойдон, бөдөҥсүйэн иһэр. Суорун Омоллоон

торолуй

торолуй (Якутский → Якутский)

туохт.
1. Үүнэн улаат, бөдөҥөө (хол., от-мас, үүнээйи туһунан). ☉ Созревать, поспевать, наливаться (напр., о растительности)
Дьоруо ат Тобугунан охсуллар Нуолур солко от Торолуйа үүннэ. Өксөкүлээх Өлөксөй
Манна сылгы, ынах халыҥ үөрэ көҥүл мэччийэр, толору астаах куолас торолуйа буһар. Күндэ
△ Күүһүр (тымныы туһунан). ☉ Крепчать (о морозе)
Торолуйбут дохсун тымныы Тохсунньуттан тосто былаан, …… Тураҕас сылгы барахсан Толбон күммүт сылааһыгар Туора туран сыламнаата. Күннүк Уурастыырап
2. Ситэн-хотон уой-тот. ☉ Добреть, полнеть
Торҕоннообут бэйэм дьэ торолуйуоҕум. ПЭК ОНЛЯ III
ср. монг. торних ‘расти, мужать; становиться на ноги, поправляться’

лиһигирээ

лиһигирээ (Якутский → Якутский)

I
тыаһы үт. туохт. Улаханнык ньиргийэн субуллук тыаһаа. ☉ Грохотать, громыхать
Т и ҥ э һ э ы н а х с аҕа Дэриэспэ таастар Лиһигирии көттүлэр. П. Ойуунускай
Ол кэмҥэ эмискэч чи, Улуйбахтыы түһэ-түһэ, Лиһигирээн нь и р ги ч чи, Ти ми р п у о йа с б у и һ э р. Л. Попов
Тааҥкалар бу лиһигирээн тиийэн кэллилэр. С. Васильев
Этиҥ этэн лиһигирээтэ, чаҕылҕан уота таҥнары дапсылынна. Айталын
△ Улаханнык тыаһаа (киһи-сүөһү хаамар тыаһын этэргэ), атахтаргын улаханнык тыаһат. ☉ Сильно топать ногами при ходьбе, беге
Маппыр саппыкылаах атаҕынан лиһигирээн таҕыста. Л. Попов
Хотон иһигэр сүөһү киирэр тыаһа лиһигириир, кыыс саҥата сайдыыр. Эрилик Эристиин
Ааныка бу истэҕинэ кэннигэр эмискэ ат туйаҕын тыаһа лиһигирии түстэ. Р. Кулаковскай
II
дьүһ. туохт., кэпс. Улаат, бөдөҥөө. ☉ Стать крупным, большим. Мастар улаатан лиһигирээбиттэр.  [Кыыс] Кынаҕар быһыыланна, Кэ дэгэр систэннэ, Мэтэгэр бэйэлэннэ, Эт тутан лиһигирээтэ. Өксөкүлээх Өлөк сөй