ж. дьалаата суох быһыы, дьалаата суох туттуу.

прил. дьалаата суох, сиэри таһынан көҥүл; развязное поведение дьалаата суох быһыы.

аат. Сылгы быттыгын тириитэ. ☉ Самая тонкая часть конской шкуры — наружная часть конской паховины
Ол анараа өттүн диэки: Аҕыстаах ат сылгы Харгымын тириитин Тэнитэ таппыт курдук Алаан-дьалаан Алаастар буолан бардылар. Д. Говоров
ср. халх. харгам ‘кожа на крупе (лошади)’

употр. в отриц. ф. развязный и бестолковый || развязно и бестолково; дьалаата суох быһыы развязные манеры; дьалаата суох саҥарар он говорит развязно и бестолково.

аат., булт. Куйуур ураҕаһа, эргитэр маһа. ☉ Рукоятка рыболовного сака
Сэбирдэх [киһи аата] …… маҥкытын төбөтүн ойбон хайыҥар тирээн баран, куоҕалдьытан, куйуурун бадараанын тэбии турда. Амма Аччыгыйа
[Оҕонньор] эмиэ аа-дьуо ойбонун сүүрдээтэ, куйуурун бэлэмнээтэ, түөрэйин ойбон дьабадьытыгар хам үктээтэ, маҥкытын күнү батыһыннара эргитэн куодьаҥныы-иэдьэҥнии турда. И. Никифоров. [Куйуурдуургар] М а ҥ к ы ҥ маһыгар бэргэнник Түөрэйгин түргэнник кэтэрдэҥҥин, Ти лэх х ин к ү ү с к э т и р эн эҥҥин, Дьэ эттиин-хаанныын иэнигийэн, Дьэ эргитэн-эллэһэн бараҕын. М. Т имофеев
♦ Куйуур маҥкытын курдук күөрэс гын — хантан эмэ эмискэ, биирдэ баар буола түс (күөрэс гын). ☉ Вдруг, внезапно, неожиданно возникнуть (предстать перед глазами)
Үрүҥнэр кыайан-хотон бүппүттэрин кэннэ, били этэргэ дылы, «тииҥи итигэстэһэр» сахха, кини [Аргыылап оҕонньор] куйуур маҥкытын курдук, э м и с к э күөрэс гына түһүөхтээҕэ. Софр. Данилов
Эмискэ таһыттан, куйуур маҥкытын курдук, биир киһи күөрэс гына түстэ. М. Доҕордуурап
«Бай, бу кыыс хантан куйуур маҥкытын курдук күөрэс гына түстэ?» — Дьалаан дьиктиргээтэ. И. Данилов
Куо йатыгар-маҥкытыгар оҕустарбат көр куойа. Куорат баһылыктара к у ойаларыгар-маҥкыларыгар оҕустардахтарына, Бороҕон кырдьаҕастара Болҕомтолоругар ыллахтарына, …… Суотту суола солонуоҕа. С. Васильев
[ Малаанньа райкомҥа үҥсүүтэ] …… айдаан бөҕөнү тар дыбыта. Арай кини кэргэнэ куойатыгар-маҥкытыгар оҕустарбат этэ. М. Попов
Сигаретаны уобан турар сыл гы баар буолуо диэн киһи куойатыгар-маҥкытыгар да оҕустарбат. «Кыым»

1. даҕ.
2. Кэччэгэй, киһиэхэ тугу эмэ биэриэн, бэрсиэн баҕарбат. ☉ Скупой, жадный
   Биһиги чугаспытыгар бэйэтэ бэрт туспа сигилилээх-майгылаах, олус диэн кэччэгэй, күтүр киһи олорбута. Н. Заболоцкай
   Көҥөс, күтүр киһи туһунан норуот номох кэпсээннэрэ, өһүн хоһоонноро өссө сытыылар. М. Чооруоһап
   Холкуос баайын харыстыы үөрэнниннэр диэн, соруйан «кытаанах», күтүр киһи буола сатыыр. «ХС»
3. Сүҥкэн, сүүнэ улахан. ☉ Огромный, громадный
   Хайа, оннук сүдү ойуун ыарахан соболоҥҥо, күтүр манньаҕа кэлэр киһи буолуо эбээт. Н. Неустроев
   [Ыччаттарым] Күлүм-чаҕыл уоттаах Күтүр куораттары тутан, Уйгу-быйаҥ уорҕалаах Унаар хочолору чэлгитэн, Саха сирин уорҕатын Саахымат ойуунан сабаҕыт! С. Васильев
4. Дьулаан, кутталлаах. ☉ Страшный, опасный, жестокий, грозный
   Көмүрүө хаар сүгэһэрдээх Күөх эбириэн оҕустаах Күтүр тымныы дьылым Көмөлүйэ бүрүүкээн кэллэ. Саха фольк. Дьэ, кырдьык быйыл бэйэтэ даҕаны дьаҥныындьаһахтыын күтүр дьыл ааста. А. Софронов
   Үөрүү, оҕо буолан, хостон Салааскатын состо, Күтүр тымныы муоһа, тостон, Уоллаах кыыс оонньоото. Дьуон Дьаҥылы
5. аат суолт.
6. көсп., үөхс. Абааһы, киһи дьулайар харамайа; көстүбэт күүс. ☉ Дьявол, чудовище, черт; злой дух
   Бу дойдуга түстэргин эрэ ити күтүр, …… ити манаан сытар, суос-соҕотохто кэлэн үс төгүл сөрүөстэ түһэн баран ап-чарай быатынан сөрүү тардан ылыа, …… үс хос баһынан биирдэ ытырыа. Саха фольк. Куоҕаһы, суору уонна туруйаны тутан баран куоттардахха, арыт киһи кутун-сүрүн илдьэ баран хаалар күтүрдэр диэн былыргылар этэллэр. Амма Аччыгыйа
   Аан ийэ дойду иччитэ Алахчын Мичил хотун, атын күтүрдэр киирдилэр диэн атыҥырыыр буолаайаҕын! Эрилик Эристиин
7. Киһиэхэ куһаҕаны оҥорор, куһаҕаннык дьайар майгылаах-сигилилээх киһи. ☉ Человек с дурным характером, злыдень
   Тыллыырап истибэтигэр эттэххэ, кини былыр-былыргыттан тыллабырдьытынан, сымыйа биитэр сымыйа-кырдьык иккэрдинэн дьыалаһытынан сураҕырбыт күтүр. Софр. Данилов
   Дьалаан тойонтон кыыс билигин да саллар. Уодаһыннаах, оҕуруктаах санаалаах күтүр. И. Данилов
   Аны билигин биэлэйдэр диэн ааттанааччы улуу күтүрдэр саанан үүрэллэрэ хаалбыт. «ХС»
   ♦ Күтүр өстөөх — баҕайы, акаары. ☉ Дурень, глупец
   Күтүр өстөөх, эмээхсиниҥ өлбүтүн кэннэ, дьиэҕин ким дьиэлиэй, ким сүөһүгүн, аскын дьаһайыай? Н. Неустроев
   Күтүр өстөөх, доҕорбун эрэниминэбин, кырдьык, биирдэ күнүүлээн көтүрү сытыйбытым баар этэ. Амма Аччыгыйа
   Күтүр өстөөх, дьөлө түһэн биэрэҕин! Хара сарсыардаттан кэтэс мэлигир, кэтэс мэлигир! Н. Лугинов
   ср. монг. хүдэр ‘сильный, здоровый’, хэдэр ‘непослушный, упрямый; со скверным характером’

I
1.
хатаа I диэнтэн бэй. туһ. Настя …… хоһугар киирэн хатанан кэбиһэр. Н. Якутскай
Күүлэ айаҕа хатаммыта өр буолла. Эрилик Эристиин
Ытырыык эрбэһин сотобор сөрөнөр, ыстааммар хатанар. Суол т. Күтүөт Ньукулай ол балык уҥуоҕар харбыта, бэлэһин төрдүгэр иһирдьэ хатанан арахсыбатах. ФДМ БМК
2. Туохха эмэ (хол., тыҥырахтаргынан, тиистэргинэн) сыста, хатааста түс (кыыл-сүөл, көтөр, үөн-көйүүр туһунан). ☉ Цепляться чем-л. (когтями, зубами, иглами) за что-л. (о животных, птицах, насекомых)
Тоҥсоҕой обургу тииттэн тииккэ суптурута көтөн тиийэн, хатана түһэр. «ХС»
Иннэ тириилээхтэр — муора түгэҕэр олохтоох харамайдар, бэрт кыратык сыҕарыйаллар биитэр наар хатанан олороллор. ББЕ З
Кутуйах оҕото кураанах хатырыкка хатаныаҕынан хатанан баран төрүт хамсаан да көрбөт. В. Бианки (тылб.)
Ыт, бастаан чугурус гынан иһэн, ырдьыгыныы түһээт, сытыы аһыыларынан бөрө уһун түүлээх кулгааҕар хатанна. Тэки Одулок (тылб.)
3. Кимиэхэ, туохха эмэ сыста, ыйааста түс. ☉ Прижаться, прильнуть к комучему-л.
Сардааҥка аҕатыгар сыста түспүтэ, оттон Ленкалаах Ньургун миэхэ хатаммыттара. Далан
Мариса …… Бурхалейга хатана түһэн …… сүүһүттэн сыллаан-уураан ылла. Эрилик Эристиин
Маня түннүккэ хатана түһэн, тоҥмут өстүөкүлэни тыынынан ириэрэ-ириэрэ, батыһа көрдө. А. Фёдоров
4. Туохха эмэ (хол., акка, сыарҕаҕа) эмискэ кэлэн олоро түс, оннугун булунан кэбис. ☉ На бегу, на ходу вскочить, запрыгнуть на кого-что-л. (напр., на коня, телегу)
Эр киһи обургу атын үрдүгэр хап гына хатана түстэ. Ньургун Боотур
Мэхээлэ өрө тэйэн кэлэн сыарҕатыгар хатана түһэр. Амма Аччыгыйа
Далла атын үрдүгэр тыҥырахтаах кыыл курдук хатана түстэ. М. Доҕордуурап
5. көсп. Тугу эмэ олус сэргээн, интэриэһиргээн, болҕомтоҕун кимиэхэ, туохха эмэ уур. ☉ Сосредоточить всё своё внимание на чём-л., прилипнуть к чему-л. (напр., к книге)
Сардаана дьиэни көрөрүн, астыырын быыһыгар элбэх тапталлаах арамааннарга дьөлө хатаммыта. Болот Боотур
Оҕолор хосторугар туохха да аралдьыйбакка тэлэбиисэргэ хатаммыттар этэ. Далан
Почтаны аҕаллаллар эрэ хаһыакка хатана түһэрим. П. Степанов
♦ Болҕомтото хатанар — кими, тугу эмэ өйдөөн-дьүүллээн көр. ☉ Замечать кого-что-л., обращать внимание на когочто-л.
Тас бэлиитикэ туһунан сабаҕалааһыннары тэҥинэн, ити кэмҥэ судаарыстыба салалтатын бары салааларыгар оҥоһуллан эрэр ис уларыйыыларга нуучча уопсастыбатын болҕомтото ордук сэргэхтик хатаммыта. Л. Толстой (тылб.). Куйахаҕа хата- нар — туох эмэ ынырык тыаһа-ууһа киһини дьулатар. ☉ соотв. ухо (уши), слух режет
Хайа эмэ дойдуттан Хатан тыас хабырыйар хаһыыта Куйахабар хатаннаҕын да, оҕолоор! Саха нар. ыр. II
Бааһырбыт аттар киһи куйахатыгар хатанар гына ынырыктык аймаммыттара. Д. Таас
Аллаах ат түргэн-түргэнник чыбырҕаччы үктүүр боккуоптаах атаҕын тыаһа киһи куйахатыгар хатанна. «ХС». Кулгааҕар хатанар — киһи кулгааҕар олус чуолкайдык иһиллэр (хол., ким эмэ саҥата, туох эмэ тыас). ☉ Засесть в ушах, будучи громким, звонким (о чьём-л. голосе, каком-л. звуке)
Бу оҕус өлбүтүн кэннэ хас да сылга кини айаатыыр сытыы чыҥкынас куолаһа Маайа кулгааҕар хатанан сылдьыбата. Эрилик Эристиин
Били сордоох …… уҥан охтуохча байааттаҥнаан эрдэҕинэ бандьыыт хамандыыра хаһыытыыр саҥата кулгааҕар хатанна. П. Филиппов. Мэ- йиитигэр хатанна — умнуллубат гына киһи өйүгэр сырыт. ☉ соотв. засесть в голове
Ньукуолускай дэриэбинэтигэр бууска, сөмөлүөт тыаһа мэйиибэр хатаммыта төрүт ааспат. Суорун Омоллоон
Ыт буоллаҕына, киһи мэйиитигэр хатаныах курдук сып-сытыытык часкыйа түһээт, баҕалыы, түөһүнэн сыылан хаалла. Эрилик Эристиин
Мотуор бирилиир, орулуур, улуйар тыаһа мэйиитигэр хатанан хаалбыкка дылы. Н. Лугинов. Өйгөр хатан — умнуллубат гына, кытаанахтык өйдөнөн хаал. ☉ соотв. врезаться в память
Доҕорум үөрбүт харахтара өйбөр умнуллубаттык хатаммыттара. Далан
Биир эмэ түүл киһи өйүгэр хатанар. БРИ ТТ
Биэс уонтан тахса сыллааҕыта көрбүт киһим уонна онно истибит кэпсэтии мин өйбөр хатанан хаалбыт. «Кыым». Санаа хатанар — туох эмэ санаа киһиэхэ эмискэ киирэр, тугу эмэ өйдүү түһэр. ☉ Мысль, догадка пришла на ум
Сэмэн өйүгэр «сыыһабын дуу?» диэн санаа хатана түстэ. Н. Якутскай
Оҕолорго: «Үлэ чэпчэки, оонньуу-көр кэриэтэ эбит ээ», — диэн санаа хатанар. Н. Габышев. Сүрэҕэр хатанна — өйүгэрсанаатыгар умнуллубаттык сылдьар. ☉ соотв. врезаться в сердце
Дьикти тыл сүрэхпэр хатаммыт. Эллэй
Хоргуппут, мунчаарбыт хараҕа Сүрэхпэр хатанан иҥмитэ. Күннүк Уурастыырап. Төбөтүгэр хатанна — умнуллубакка ким эмэ өйүгэр сырыт. ☉ соотв. застрять в голове. Кыракый Эллэйгэ ити кэпсэтии ис хоһооно дириҥник иҥэн-тоҥон өйдөммөтөр да, …… төбөтүгэр син хатанан хаалбыта. Н. Лугинов
«Ууга түстэҕэ, бу иэдээни!» — диэн ынырык санаа төбөтүгэр хатаммыта. И. Федосеев
Ханна эрэ сир анныгар киһи төбөтүгэр хатанар ыйылас тыас өрө быыгынаан эрэрэ баара. П. Филиппов. Тыл (тылөс) хатанар — ким, туох эмэ туһунан хоп-сип тарҕанар, кимиэхэ эмэ тыл-өс сыстар. ☉ Стать объектом слухов, сплетен, пересудов
Ханныгын да иһин бэйэ иннин көрүнэр, сэрэнэр сөп этэ. Дьон тыла-өһө хатаммыта сүрдээх. «ХС»
Эн, Кыһыл болуоссат, Киэҥ-куоҥ уоруккар Күүлэйдииллэр, Холкутук туттан Хоп-сип тыллара Хатана сатаан Халтарыйан түһэр Дьиҥнээх үлэһит дьонноро. Чэчир-76
Хараҕа хатанна — хараххын хатаа диэн курдук (көр хатаа I). Хараҕа хатаммытын барытын «миэнэ» диэһин — бииргэ кырдьыбыт кыдьыга. М. Ефимов
Кини эмискэ, хараҕа туохха эрэ хатанан, ааһа баран иһэн, чинэрис гынаат, тохтообута. В. Гаврильева
Киниэхэ хараҕым хатаммыта балачча буолла. И. Семёнов
◊ Уот хатанар — умайан барар. ☉ Загореться, вспыхнуть, заняться
Онуохаҕа [умаппытыгар] кураанах мутук бэйэлээх, уот хатанарын аҕай кытта үөрэ-көтө бачыгыраабытынан барда. Р. Кулаковскай
Эн сэтиэнэҕи өртөөһүнү ыыппыккын, ол уотуҥ тыа саҕатыгар эмэх маска, эбэтэр көппөххө хатанан, кыратык умайа-умайа, сыппыт, оттон хаһан күүстээх тыал түһэн, кинини күөртээбит да, кини өрө күөдьүйэн, тыаны сиэн барбыт. В. Протодьяконов. Хам хатанна — биир сиргэ хамсаабакка олор, тур, сыт. ☉ Засесть, запереться где-л. надолго
Уола билигин аҕай үөрэн-көтөн кэлбитэ дии, хоһугар киирэн хам хатанан хаалла, тоҕо тахсыбат? Тумарча
Оттон бу эн манна аҕаҥ дьиэтигэр тоҕо хам хатанан олордуҥ? Пьесалар-1956. Мин …… прицелгэ хам хатанан олоробун. «ХС»
II
даҕ.
1. Хатарыылаах, хабараан (тимир оҥоһуктары этэргэ). ☉ Обработанный посредством каления, закалённый (о металлических изделиях)
Кутаа уокка хатан ыстаал Хатарыллар эбээт! И. Гоголев
Кыра уус эрэйдээх тимири хатарыыны сааһыгар кыайбат: эбэтэр, ситэ хатарбакка, күөх уйан гыныахтаах, эбэтэр наһаа ыытан, тостор хатан оҥоруохтаах. Күннүк Уурастыырап
Лоҥкууда үрэх логлоруттаҕас дулҕаларын ыраастаан, тоҥ буортан хаптаҕай баһымньы, хатан биилээх сүгэ чыҥырҕаан тэйдэ. М. Доҕордуурап
Уһаарыллыбыт тимир хаачыстыбатынан үс көрүҥҥэ арахсара: хатан тимир, атыыр тимир уонна бырыы уйан тимир. ИЕВ СУу
△ Олус кытаанах, киил, бөҕө, чоруун. ☉ Твёрдый, крепкий, прочный
Хайдыбат хатан хардаҕас баар үһү (тааб.: силгэ). Оннооҕор өргөс кылааннаах хатан мутуктан сынтарыйар буолбаат, эһиги да хара дьай быһыыгыт-майгыгыт сэтэ туоллаҕа дии. Н. Якутскай
Халыҥ буруйу оҥорбуккар Хатан дэгиэ тыҥырахпынан Хайыта тыыта кэллим мин! П. Тобуруокап
Хас бары омук тылынан Хаҥкыначчы ыллыы сытар Хатан кыллаах гитара, Хайа, манна баар эбит. С. Васильев
2. Олус чуордук иһиллэр, лыҥкынас, чаҥкынас (хол., саҥа, күлүү); хабырыттар, хабараан (хол., тыас). ☉ Высокий, пронзительный (о голосе); резкий, громкий, оглушительный (напр., о звуке выстрела)
Дьөгүөрдээн көнө түстэ, хатан куоластанна. Амма Аччыгыйа
Айдар балтын хатан күлүүтүн истэн, эмиэ иһигэр кыыһыра санаата. Н. Лугинов
Хатан тыас хабылла түстэ: Хас да кус хаптаччы бэрдэрдэ. Р. Баҕатаайыскай
Эһэ хатан баҕайытык кыланна. Т. Сметанин
3. Олус күүстээх, хабараан (тымныыны этэргэ). ☉ Трескучий (о морозе)
Хатан дьыбар халбарыйар, Күүстээх дьыбар күлгэдийэр, Ахсым дьыбар ахсыыр, Бастыҥ дьыбар манньыйар. Саха фольк. Халлаан халлан хабырыттар, Хата саха үөрэр: Кини хатан дьыбарыттан Киһи чэбдигирэр. Дьуон Дьаҥылы
Аан балаһа туманынан тыынан, хабырыттар хатан тымныынан хам ылан чысхааннаах кыһын хотун торолуйда. М. Доҕордуурап
[Кыһын] Хаары хачырҕас оҥорор Хатан дьыбарданар. И. Эртюков
4. Киһи төбөтүгэр тахсар, уохтаах, аһыы (амтан, сыт). ☉ Крепкий, терпкий, острый (на вкус и запах). Хатан да табах эбит
□ Хатан арыгы кутулунна. С. Зверев
Сылгы суор холото тастаах эмис этин, субайын, хартатын, суон саалын, уохтаах хатан кымыһын санаатахпына, сыҥааҕым уута сүүрэр. В. Протодьяконов
[Сэппэрээк] Аһыы хатан сытынан Арай былыр эмээхситтэр Алаһа дьиэлэрин Алгыыр, ыһаарар эбиттэр. М. Тимофеев
Наһаа тото (ыга) аһааһын, хатан амтаннаах астарынан үлүһүйүү, аһыырга режими тутуспат буолуу ыарахан содуллаахтар. АВТ ГСЭ
5. кэпс. Тулуурдаах, күүстээх, кыахтаах. ☉ Крепкий, сильный физически
[Чоочо:] Хатан иҥиирдээхтэр, бүдүрүйбэт сүһүөхтээхтэр манна бааллар, дьэ онон бэртэр бэртэрин көрдөрөн биһигини саататтыннар. И. Гоголев
Оҕонньор хатан кырдьаҕас, бэйэтэ этэригэр диэри эҥини тулуйан, туораан баччаҕа кэллэҕэ, үтүөрүөҕэ. Н. Лугинов
Уҥуоҕунан кыратын көрүмэ, хатан бэйэлээх кыыс. «ХС»
Урут итинник бэртээхэй албастары үчүгэйдик баһылаабыттар, айылҕаттан күүстэрэ да суох буоллар, хатан хапсаҕайдьыттар ахсааннарыгар киирсэллэрэ. «Кыым»
Кэннэ урут холлор сылгы баар буолар. …… Оннук сылгы хатан буолар. АНП ССХТ
6. көсп. Тыйыс, кытаанах (хол. дьылҕа, майгы). ☉ Суровый, твёрдый, жёсткий (напр., о характере)
Харыс да сири хамсаабакка, Хааннаах хатан санаанан Аптамаат ардаҕын анныгар Сытта бойобуой хамаанда. Баал Хабырыыс
Хара буруй хаймыылаах Хатан дьылҕа ыйааҕа Маҥан акка баҕалаах Хаҥыл куккун хаайбатах. Сайа
Хатан хапсыылар саҕаланнылар. И. Данилов
Света — хатан майгылаах кыыс. Э. Соколов
◊ Хатан киһи кэпс. — эт-хаан өттүнэн кыахтаах, кыайыылаах, күүстээх киһи. ☉ Физически крепкий, закалённый, сильный человек
Оҕонньору кытта тугу эрэ кэпсэтэ түһээт, хатан киһи бэрдэ, Денис эриллэ түһэ-түһэ кыдамалаан киирэн барда. А. Сыромятникова
Гаврил Романович тас көстүүтүнэн улахан дьоннор ахсааннарыгар киирсибэт. Кини орто уҥуохтаах, дьарамай көрүҥнээх, бэрт хатан, доруобай киһи. ПАК БЫа. Хатан харах — олус кытаанахтык көрбүт харах. ☉ Суровый взгляд, злые глаза
Дьалаан тойон …… эһэ курдук хатан харахтаах, хабыр күүстээх, сыыдам сырыылаах киһи. И. Данилов
Уол түөһүн толору өтөппүтэ, хатан харахтара уоттаммыта. А. Олбинскай
Баҕарабын арыт хатан хараххынан Уордайа самнары көрүөххүн. «ХС». Хатан ыйаах — олус ыарахан анал, дьылҕа. ☉ Суровая, тяжкая участь, судьба
Эн баар эбиккин Мүлтүрүйбэт бүтүн оҥоруулаах, Халтарыйбат хатан ыйаахтаах киһи. Ньургун Боотур
Букатыннаах буҕа сор бу буулаата, Хаайтарыылаах хатан ыйаах бу хаайда. Өксөкүлээх Өлөксөй. Хатан эрэһэ (эҕэһэ) — көрдөххө хатыҥыр, көтөх курдук эрээри, бэйэтин кыанар, өлөн-охтон биэрбэт. ☉ Худой, но физически крепкий
Хата, хачаайытын аанньа хатан эрэһэ киһи быһыылаах. И. Данилов
[Даайыс] хатыҥыр, кыра да, хата, хатан эҕэһэ диэн кини. А. Сыромятникова
Олус хатыҥыр буолан балачча үрдүк уҥуохтаах курдук көстөр. …… Ол гынан баран бэйэтин олус кыана туттар хатан эрэһэ. «ХС»
монг., тюрк. хатан