совм. от оонньоо= 1) играть вместе с кем-л.; ити оҕолордуун оонньос поиграй с этими детьми; 2) заигрывать (с женщиной, мужчиной).

туохт. Кими эмэ ымсыырда көһүн, тугунан эмэ ымсыырт. ☉ Завлекать, соблазнять кого-что-л.; заигрывать, кокетничать с кем-чем-л.
Ларьяна …… кини иннигэр көөчүктэнэр. Р. Баҕатаайыскай
Бурдук, будьуруйа буһан, кыһыл көмүс кырымахтаах күн анныгар көөчүктэннэ. М. Доҕордуурап
Кыыл таба чынарыйан, көөчүктэнэн куотарга дылы. А. Сыромятникова

1. оонньоо диэнтэн холб. туһ. Баран ити оҕолордуун оонньос
2. Кими эмэ кытта (эр киһи дьахтардыын, дьахтар эр киһилиин) эйэргэһэ сатаан, үчүгэмсийэ сатаан кэпсэт. ☉ Заигрывать (с женщиной, мужчиной)
   Оҕонньор киһи сордоох Оһоҕоһо тотто, Оронуттан оронно, Оонньуулаах уостанна, Уолан санаата уһугунна, Ойоҕун кытта оонньосто. Өксөкүлээх Өлөксөй
   Икки дьахтар дьиэҕэ киирбиттэрин кэннэ, Манчаары били Өрүүнэ диэн дьахтардыын, уруккуттан билсэр быһыынан оонньоспут. МНН

туохт.
1. Мэниктээн, оонньоон кими эмэ соруйан соһутар, куттуур, кыыһырдар эбэтэр хаадьылыыр курдук тугу эмэ гын, оҥор. ☉ Подшучивать, устраивать забавы, проделки, проказничать
Онуоха Ньыкыы оройго охсон эрдэҕинэ, ньыкыс гынан аһаран биэрдэ, сааны улаҕа диэки элиттэ уонна убайын дьиибэлээн уоһун ханньаҥнатта. Болот Боотур
Сыллай дьиибэлиириттэн куттанан киэһэ хойукка диэри утуйбаттар. Амма Аччыгыйа
[Сахаар] дьиибэлээн, биллэрбэккэ, араадьыйа штепселин туура тардан кэбиһэр. Суорун Омоллоон
2. кэпс. Дьахтарга иҥээҥнээ, дьахтары кытта оонньос (иннин ыла сатаан). ☉ Заигрывать с женщиной, домогаться ее
Дьикти сэмэй Кууһума, Дьиибэлээмэ, кууһума. Күннүк Уурастыырап
«Миигин начаалынньыгым киэһэ үлэ кэнниттэн хаалларан дьиибэлээри гынна», - диэн оройкуомҥа үҥсүбүтэ. М. Попов
3. эргэр. Былыргы итэҕэлинэн киһиэхэ туох эмэ моһуогу, мэһэйи оҥор (абааһы туһунан этэргэ). ☉ Препятствовать, мешать каким-л. действиям человека (о злом духе, абаасы)
Баҕар, ол куһаҕан тыын дьиибэлээбитэ буолуо, баҕар, тойон таҥара бэйэтэ соруйан накаастаабыта буолуо. М. Доҕордуурап
[Лэкиэс:] Дьэ, муода. Ити аата туох эрэ дьиибэлээтэҕэ, абааһы буолуо. С. Ефремов
[Чучунаалар] киһини эккирэтэн моһуоктуур, дьиибэлиир идэлээхтэрэ үһү. Н. Заболоцкай

1. эрий I диэнтэн холб. туһ. Күөл мэндээркэй иэнигэр эрэһэ талааннара бэйэ-бэйэлэригэр эрийсэн, өрүтэ түллэҥнэстилэр. И. Сосин
   Манна чысхаан тыаллар илэ эрийсэллэр. М. Тимофеев
   Трунов саахта хонтуоратыгар төлөпүөнүнэн кими эрэ кытта эрийсэ олордо. «ХС»
2. көр эрис
3. Икки оҕонньор саастарын тухары олох кыһарҕаныныын бэркэ эрийсэн, чугас доҕордуу буолтара. Н. Лугинов
   Уопсайга Уоланнаах Быкаанап куолуларынан саахыматтаан эрийсэ олороллоро. Далан
   Халла Элэмэһин [ат] биһигиннээҕэр эн ордук билэн эрдэҕиҥ, эрийсээ инибит. И. Федотов. Борис, Маайысчаан биир саамай эппиэттээх сиргэ ананна, сүрдээх кыыс, дьэ эрийсиэҕэ. «ХС»
4. кэпс. Быыһа суох түбүгүр, кими, тугу эмэ кытта өрө мөҕүс (хол., кимниин эмэ бодьуустас). ☉ Быть постоянно занятым чем-л., хлопотать, вертеться, возиться с кем-чем-л.
   Мин даҕаны күнү быһа оҕолору кытта эрийсэн, сылайан кэлэбин. Далан
   Үлэтэ саныыр курдук чэпчэкитэ суох, күннүктээн кыра дьону кытта ылахтаһар, эрийсэр манан аххан буолбат эбит. Р. Кулаковскай
   Бадарааннаах суолга матасыыкылы кытта күнү быһа эрийсэр сыанан аҕаабат. П. Егоров
5. көсп., кэпс. Кими эмэ кытта (эр киһи дьахтардыын, дьахтар эр киһилиин) эйэргэһэ сатаа, иҥээҥнэс, оонньос. ☉ Стараться сблизиться с кем-л., добиваться взаимности (в чувствах), заигрывать (с женщиной, мужчиной)
   Дусялаах …… күлсүү-салсыы мааны, олох саҥа эрийсэ сылдьар уоллаах кыыс курдуктар. Н. Босиков
   Биир сааһырбыт киһи эрийсэр, дьахтар духуутун куттакутта кэлэ турар. У. Нуолур
   Сонялыын элбэх уол эрийсэ сатыыллара, ол быыһыгар аҕа саастаах дьон да харахтарын хатыыллара. Күрүлгэн
   ♦ Иэмэх <талах> курдук эрийсэллэр (иэхсэллэр) көр иэмэх
   Боксуордар тэбис тэҥҥэ иэмэх курдук эрийсэллэр. Н. Лугинов
   Роман Дмитриев Иран бөҕөһүн кытта …… иэмэх талах курдук тэҥҥэ эрийсэллэр. Е. Неймохов
   Иэмэх талахтыы <мастыы> эрийсэллэр — иэмэх <талах> курдук эрийсэллэр (иэхсэллэр) диэн курдук (көр иэмэх). Кинилэр аан дойду ааттаахтарын хабыр хапсыһыыларын, иэмэх мастыы эрийсэллэрин бэркэ сыныйан көрбүттэрэ. И. Федосеев
   Бу сырыыга кыра ыйааһыҥҥа сүрүннээн эмиэ кэриэйдэрбитин кытта иэмэх мастыы эрийистибит. «Чолбон»
   Иэн иҥиирин курдук эрийсэр көр иҥиир. Эйигин кытта иэн иҥиирин курдук эрийсэр, мас хайдыбытын курдук туруулаһар оҕо көстүбүт. Н. Неустроев
   Күрэхтэһээччилэр тэҥ соҕус күүстээхтэр эбит, икки өттүттэн иэн иҥиирин курдук эрийсэллэр. «Сахаада»