Якутские буквы:

Якутский → Якутский

истиэп

аат. Маһа суох киэҥ нэлэмэн хонуу куйаар. ☉ Степь
Бу уһуга суох унаар-мэнээр истиэптэр Уйус тыалларын уйусхана Айан иҥсэлээх имэҥин иҥэрдэ Мин дьэллик сүрэхпэр. С. Данилов
Истиэп киэҥ хонуулара уу курдук долгуннурарга дылы гыналлар. Эрилик Эристиин
Төрөөбүт Сахатын сиринэн эрэ муҥурдаммакка, Украина киэҥ нэлэмэн истиэптэрин кэрэ көстүүлэригэр тиийэ дириҥ иэйиилээхтик хоһуйбута. ФЕВ УТУ

Еще переводы:

кураайытыҥы

кураайытыҥы (Якутский → Якутский)

даҕ. Кураайы соҕус. ☉ Полузасушливый
Бөрө туундараҕа, ойуурдаах истиэпкэ, ону тэҥэ истиэптэргэ уонна кураайытыҥы куйаардарга дойдуланар. ББЕ З
Евразия үгүс өттө — кураайытыҥы куйаардаах, өрүһэ суох кэриэтэ киэҥ сир. КВА МГ

түһүмэхтэн

түһүмэхтэн (Якутский → Якутский)

түһүмэхтээ диэнтэн бэй
туһ. [Монгуоллар] ырыалара истиэп киэҥин курдук ыраахха диэри эймэнийэ, сүһүөх-сүһүөх түһүмэхтэнэн бара турар. И. Федосеев

бархаан

бархаан (Якутский → Якутский)

аат., кин. Истиэп, кумах куйаар сирдэргэ өрөһөлөммүт кумах томтор. ☉ Бархан
Итинтэн [кумахтан] ат боккуобар маарынныыр кумах томтордор – бархааннар үөскүүллэр. КВА МГ

дьаарбайталаа

дьаарбайталаа (Якутский → Якутский)

дьаарбай диэнтэн төхт
көрүҥ. [Эпписиэр (дьаарбайталаан баран):] Эһигиттэн этэрээт арахпыта дуо? Күндэ
Ханнык эмэ сөрүүн салгын өр буола-буола истиэп үрдүгэр дьаарбайталыыр. Эрилик Эристиин
Ырыаларым көтүҥ, көтүҥ Ыраахыраах сулустарга, Дьоһун дьолу көтөллөнүҥ, Дьаарбайталааҥ муораларга. Кыраһа к.

килиимэт

килиимэт (Якутский → Якутский)

аат.
1. Биир сиргэ сылтан сыл аайы хатыланар күн-дьыл майгыта, итиитин-тымныытын, ардаҕын, тыалын өттүнэн туруга. ☉ Климат
[Илин Сибииргэ] килиимэтэ Арҕаа Сибиирдээҕэр өссө ордук уорааннаах. БИД
Истиэп килиимэтэ өссө ордук кураанах. САИ ССРС ФГ

кураайы

кураайы (Якутский → Якутский)

даҕ. Сиигэ суох, куура хаппыт. ☉ Засушливый
Кураайы кырдал. — Ити уу тиийбэтэх, угуттаабатах-утахтаабатах кураайы хордоҕосторо кугдарыһан тураллар. Амма Аччыгыйа
Үс сүүс биэс уон килэмиэтир сири сатыы, монгуол кураайы истиэптэринэн айаннаабыттара. И. Федосеев

таҥхас

таҥхас (Якутский → Якутский)

таҥхай диэнтэн холб. туһ. Сороҕор саас истиэп суолун эҥээригэр …… саҥа үүнэн эрэр мастар таҥнары таҥхаһан туралларын көрүөххэ эмиэ сөп. «ХС»
[Экскаватордар] күн уотугар сыламныы турар адаар муостаах оҕус курдук, таҥхаһан тураллар. «ХС»

чускуутас

чускуутас (Якутский → Якутский)

чускуутаа диэнтэн холб. туһ. Тумулугар тиийбэтэх туруйалар Турууктуу чускуутаһарга дылылар, Кытыытын булбатах кыталыктар Кырыйа көтө кыланаллар. И. Эртюков
Үрдүбүнэн чускуутаһан Аар сэлэ туруйалар Алҕаан-силээн аастылар. Д. Дыдаев
Истиэпкэ дьабарааскылар …… иһиирэн чускуутаспыттара. М. Горькай (тылб.)

быһытын

быһытын (Якутский → Якутский)

туохт. Быһыта бар, үрэлин. ☉ Разделяться, разрываться на части
Былыттар быһыттан, үрэллэн, тарҕанан, Быданан-убанан хаалтара. Күннүк Уурастыырап
Тыалар быһыттан, киэҥ истиэптэр Көстөн, сырдаан иһэллэр, Токур үрэхтэр-өрүстэр Хоту, арҕаа түһэллэр. Дьуон Дьаҥылы
Саҥа хаар, ыраас хаар Саас ууллуо, быһыттыа, Дойдубут күөх унаар Сабыылаах аһыллыа. П. Тобуруокап

бэтэрээтэх

бэтэрээтэх (Якутский → Якутский)

сыһ. Туох эмэ бэтэрээ өттүгэр, туохха эмэ ыкса чугас. ☉ Близко, поблизости, недалеко от чего-л.
Бэтэрээтэх, хонуу диэкинэн, кутуйахсыт сапсынан күллүкүчүйэр. Софр. Данилов
Сыана кэтэҕэр мичуринскай сад. Бэтэрээтэх ыраас хонуу. И. Гоголев
Бэтэрээтэх — кытара күрэҥсийбит эрбэһин оттоох истиэп. Ч. Айтматов (тылб.)