частица формообразующая, образует притяж. ф. имён, выражающую 1) принадлежность предмета кому-чему-л.: аҕам киэнэ принадлежащий моему отцу; киһи киэнигэр баҕарыма не желай принадлежащего человеку (т. е. не желай чужого); аата аҕатын киэнин курдук эмиэ Егор его имя, как и отца, тоже Егор; бэйэм киэнэ моё; бэйэҥ киэнэ твоё; бэйэбит киэнэ наше; кини киэнэ его; кинилэр киэннэрэ их, йхнее; 2) то, что предмет, о к-ром идёт речь, относится к определённой категории лиц, предметов, явлений: сибэкки киэнэ нарына нежнейший из цветов; соно оҕо киэнин курдук пальто его напоминает детское; саата булт киэнэ его ружьё охотничье.

киэн тутун = гордиться кем-чем-л.; эйигинэн киэн туттабыт мы гордимся тобой.

эб.
1. Сирэй уонна бэйэни солбуйар ааттартан тардыылаах солбуйар ааты үөскэтэр. ☉ Образует притяжательные местоимения от личных и возвратных
Бэйэбит киэнин билбэт буолуом дуо! Амма Аччыгыйа
Мин эһиэнэбин, Бэйэҕит киэнэбин! П. Тобуруокап
Сылдьар да бириэмэлэрэ кинилэр киэнэ хааччахтаах буолара. В. Яковлев
2. Бас билиини көрдөрөр (сыстар аатынан бэриллибит предмеккэ атын предмет бас билиллэрин бэлиэтиир). ☉ Выражает значение принадлежности (указывает, что предмету, обозначенному именем, к к-рому она примыкает, принадлежит другой предмет)
Үсүһүнэн, райсоюз бэйэтэ Сэбиэскэй былаас киэнэ. Амма Аччыгыйа
Эн Аласов киэнэ үһүгүн дуо, — миэнэҕин! Софр. Данилов
Кини элбэх ахсааннаах дойдулар дааннайдарын туһаммыта, ордук Япония уонна Америка киэннэрин. В. Яковлев
Тыый, киһи саата эбээт, учуутал киэнэ. Н. Заболоцкай
3. Түмэр уонна тардыы суолтата дэгэттээх, этэр санааны күүһүрдүүнү көрдөрөр (тард. сыһыар.-х даҕ. быһаарар аакка сыстар). ☉ Выражает усилительное значение с оттенком собирательно-посессивного характера (употр. в изафетной конструкции, составленной из имени и прилагательного)
Хайа, буолумуна, айабыын, онно бааллар ласпардаһан, мөтөҥнөһөн субан кыыс киэнин ааттаахтара. «ХС»
Тыл киэнин саамай нарына олус минньигэс сыты мунньунар. У. Шекспир (тылб.)

киэн тутун — 1) Туохтан эмэ астын, дуоһуй; туох эмэ үчүгэйгинэн, киһи ордугургуоҕунан өҥүн. ☉ Гордиться кем-чем-л.; испытывать чувство удовлетворения от чего-л.
Саха сиригэр [алмаас] көстүбүтүнэн мин улаханнык киэн туттабын. Суорун Омоллоон
Өрүү мин киэн туттабын Саха тыллаах буолбуппунан. С. Данилов
Сэргэчээн Кулаковскайы эт бэйэтин көрбүтүнэн киэн тутта сананара. Болот Боотур; 2) кэпс. киэмсий, киэбир. ☉ Быть высокомерным
Тойон-хаан ньуурдааҕа, Улуутук туттара: албыны сатыыра, баайдааҕа — Онон киэн туттара. С. Данилов; Киэн туттунуу көр киэн туттуу
Мадьярдар — былыргы үрдүк култууралаах омук. Национальнай киэн туттунуулара олус күүскэ сайдыбыт. Багдарыын Сүлбэ
Хоту сир киэн туттунуута, Туҥуй атах, тугутчаан! Доҕордоһуу т. Улахан уонна Аччыгый Өлүөрэ диэн күөллэр — бу дьүкээгирдэр киэн туттунуулара. С. Курилов (тылб.); Киэн туттуу — туохтан эмэ астыныы, дуоһуйуу. ☉ Чувство удовлетворения чем-л., гордость за кого-что-л.
Уолаттарын ааттара бастыҥнар ахсааннарыгар киирдэҕинэ киэн туттуу истиҥ иэйиитэ кини дууһатыгар кутуллан киирэргэ дылы. «Кыым»
Бу үрдүк сыанабыл — кини тутааччыларын уонна олохтоохторун киэн туттуулара. «ХС»