аат дьөһ.
1. Хайааһын оҥоһуллар, тарҕанар кыраныыссатын, миэстэтин ыйарга туттуллар, үксүгэр быһаарар сыһыан дэгэттэнэр. ☉ Употребляется при указании на предмет, в пределах, до пределов которого распространяется, совершается действие, часто служит для выражения определительных отношений (по, до)
Бу уол сүүс иһинэн ахсааны үчүгэйдик билэр. Чугас эргин, биэс-алта көс иһинэн ыал даҕаны, оҕо даҕаны суоҕа. Дьүөгэ Ааныстыырап
Биһиги биригээдэ иһинэн тахсар хаһыат аата эмиэ «Чаҕылҕан». «ХС»
Вузтар истэринэн бэлэмнэнэр отделениелар тэриллиилэрин курдук дьоһуннаах дьаһалы биһиги норуоппут улахан астыныынан көрүстэ. Л. Брежнев (тылб.)
2. Хайааһын хайдах-туох оҥоһулларын миэстэ сыһыана дэгэттээх көрдөрөр. ☉ Выражает отношения образа и способа действия (по)
Бастыҥ чороону ылан, бэйэтин иҥнэри тутан илиитин иһинэн үс төгүл уокка кымыһы кутан биэрдэ. Саха фольк. Бу оҕонньор мин санаам иһинэн саҥарда. И. Никифоров
3. Хайааһын оҥоһуллар кэмин, болдьоҕун ыйарга туттуллар. ☉ Употребляется при указании времени, срока совершения действия (в, через, в течение, на протяжении)
Ымынаҕа биир нэдиэлэ иһинэн хатырык курдук хастанан түһэн хаалыаҕа. Амма Аччыгыйа
Аны биэс хонук иһинэн Баабылыкы дэриэбинэтигэр баар буолуҥ. И. Никифоров
Дуоһунастаах дьоннор гражданнар этиилэрин уонна сайабылыанньаларын олохтоммут болдьох иһинэн көрөр, олорго эппиэти биэрэр уонна наадалаах дьаһаллары ылар эбээһинэстээхтэр. ССРС К
4. Сокуону, ыйааҕы, уурааҕы, инструкцияны бэлиэтиир ааттары кытта сөп түбэһии, бас бэринии, салайтарыы сыһыанын көрдөрөр. ☉ Выражает отношение соответствия, употребляясь с наименованиями каких-л. официальных документов (закон, указ, постановление ит.п
- согласно). Бары тэрилтэлэр Конституция иһинэн үлэлииллэр. Бырабыыталыстыба бэйэтин боломуочуйатын иһинэн дьаһаллары ырытан оҥорор уонна олоххо киллэрэр. Устаап иһинэн сүөһүнү тутуллуохтаах. Барыта сиэр иһинэн. Н. Габышев
△ Ардыгар ааттары туохтуу падежка салайар. ☉ Иногда управляет винительным падежом имен
Былаан кыаҕы иһинэн буолуохтаах. «ХС»