аат., полит.
1. Салайар үрдүкү уорганнар анаммыт кэмҥэ талыллар эбэтэр парламент көмөтүнэн түмүллэр судаарыстыбаннай салайыы көрүҥэ, маннык салайыыны тутуһар дойду. ☉ Форма государственного правления, при которой высшие органы власти избираются общенациональными представительными учреждениями (парламентами), а также сама страна с такой формой правления, республика. Уйбаан 60-с сылларга Кууба өрөспүүбүлүкэтигэр байыаннай исписэлиис быһыытынан сулууспалаабыта
□ Бары тыл эппит дьон тылларын номоҕо диэн буолбута — демократическай өрөспүүбүлүкэ оҥоһуллуох тустаах диэн. П. Ойуунускай
Рим судаарыстыбата уруккутун курдук өрөспүүбүлүкэ диэн ааттанара. КФП БАаДИ
Венеция уонна Генуя бэйэлэрин бэйэлэрэ бас билинэр өрөспүүбүлүкэ куораттар этилэр. АЕВ ОҮИ
2. Арассыыйа судаарыстыбатын иһинэн тэриллибит национальнай тэриллиилэр. ☉ Республики в составе Российской Федерации. Саха өрөспүүбүлүкэтэ. Тыва өрөспүүбүлүкэтэ
□ Эдэр суруйааччы биһиги өрөспүүбүлүкэбит хотугу норуоттарын туһунан, туундара үрдүнэн дьоллоох олох күнэ сандаарбытын туһунан суруйар. Софр. Данилов
Онтон ыла уһун кэм Устар бааллыы ааста, Сахам өрөспүүбүлүкэтэ Үүнэн, сайдан турда. Эллэй
1942 сылтан ыла Кэмпэндээйитээҕи туус собуота өрөспүүбүлүкэ үрдүнэн улахан суолталанна. М. Доҕордуурап
Түүр тыллаах өрөспүүбүлүкэлэргэ билигин барыларыгар диалектологическай тылдьыттар тахсыталаатылар. АПС СЛ
Якутский → Якутский
өрөспүүбүлүкэ
Еще переводы: