сыһ. Кулуба курдук, кулубаҕа маарынныырдык. ☉ Подобно улусному голове
Былыргы кулубалыы Суп-суон истээх сылабаар Улахамсыйбыттыы суодуйар Ыараханнык аҕылыы. И. Гоголев

туохт., эргэр. Нэһилиэк кинээһэ буол. ☉ Быть, служить наслежным старостой
У лууһугар кулубалаабатах, Нэһилиэгэр кинээстээбэтэх. Өксөкүлээх Өлөксөй
[Уйбаан Сыҕаайап] нэһилиэккэ кинээстээбит. Амма Аччыгыйа
Аҕата кинээстии сылдьыбыта. Е. Неймохов

куоҕай диэнтэн б
тэҥ. көстүү. Кур хомус куугунуу куоҕаҥнаан Арҕааттан сата тыал күөттээтэ. Эрилик Эристиин
Дьуолка да мас буолан дьоҥҥо суол ыйан биэрбэт, Хоппуруоһап Хабырыыс кытта Кулубалаан куоҕаҥнаабыта. С. Васильев

уорбалаа диэнтэн хай
аата. Саамай куһаҕан быһыы — буруйа суох киһини уорбалааһын, мэлдьи итэҕэйбэт буолуу. Н. Лугинов
Бухатыыр кулубалыы мөккүөрү саҕалаабыт диэн — ити олус харса суох уорбалааһын этэ. С. Курилов (тылб.)

1. даҕ.
2. Сытыы биилээх төбөлөөх. ☉ С острым концом, остроконечный
   Кыргыс дьоно ааҕа ох саалаахтар, курдарыгар икки өттүнэн уһуктаах, биилээх ортотунан уктаах кылгас батастаахтар. Саха фольк. Хаим атыыһыт уһуктаах быһаҕынан буочука түгэҕиттэн эти иилэн таһаара сатыыр. Н. Якутскай
   Уһуктаах кырыылаах тимир улам-улам аллара түһэн, дьөлө сиэбит. Суорун Омоллоон
   △ Уһуктанан көстөр (хол., сирэйи этэргэ). ☉ Заострённый (напр., о лице)
   Кыһалҕа санаарҕаабыт, сылайбыт дьүһүннээх, сирэйэ кубарыйбыт, уһуктаах уоһа хатырбыт. И. Гоголев
   Биирдэрэ Мотуоҕа холоотоххо, чобугураабыт элбэх саҥалаах, сытыы-хотуу, уһуктаах сирэйдээх, кытыгырас бэйэлээх. И. Никифоров. Уһуктаах төбөлөөх, тура сылдьар түргэн хамсаныылаах кулгаах үчүгэй сайдыылаах, бэрт сэргэх сылгы бэлиэтэ буолар. Сылгыһыт с.
3. көсп. Киһини кыһытар, хаарыйар (хол., тыл-өс). ☉ Колкий, острый, едкий (напр., о словах)
   Киһини сирэй-харах анньар уһуктаах тыллары истэ олорон, ким да кинини сымыйарҕаабатаҕа. Н. Якутскай
   Халахай Аана диэн уһуктаах тыллаах эмээхсиҥҥэ эйигин дьукаах анаабыттар. М. Доҕордуурап
   [Павлов:] Ханнык эмэ мунньахха биир эмэ уһуктаах тыллаах киһи үрдүбэр үҥкүүлүө турдаҕа. С. Никифоров
4. көсп., кэпс. Сытыы-хотуу, чобуо (киһи). ☉ Резкий, крутой (о человеке)
   Уһуктаах Сэмэн Улууска кулубалыан Уон ый инниттэн Остуруок дьиэни Туттарбыта үһү. С. Васильев
   Бырааттары кытта булкуһа охсубут, албыннаабыт Хоодуот Арамаан — сытыы, уһуктаах киһи. Н. Борисов
   Дьэ, уһуктаах хотун диэтэҕиҥ, уоһун олоруутун көрүө этигит. Э. Соколов
5. аат суолт.
6. Уһуктаах төбөлөөх туох эмэ. ☉ Что-л. остроконечное
   Эмээхсинигэр хараҕынан имнэнэн, уһуктааҕы, биилээҕи дьалты уурарга сүбэлиир. И. Бочкарёв
   Биилээҕи, уһуктааҕы барытын кыыннарыттан, хааларыттан хостотолоон, сыгынньах уурталаабыттара. П. Ламутскай (тылб.)
7. көсп. Чулууттан чулуу киһи, эр бэрдэ. ☉ Кто-л. лучший, избранный
   Тохтубат хааннаах, Тоһуттубат уҥуохтаах, Өспөт тыыннаах, Өлбөт үөстээх Урааҥхай уһуктааҕа. П. Ойуунускай
   Уйгуга тиксэн өрөгөйдүүр да күннэрбэр, Уһуктаах түбэһэн охтор да түгэннэрбэр Өлбөөдүйүөхтээҕэр, кини үрдүк чаҕаан мөссүөнэ Өрүү дьэҥкэрэ, охсуһууга ыҥыра туруоҕа. С. Данилов
   [Маһарах:] Бу уһуктаахтан ортохпуна, түрбүөннээхтэн төлөрүйдэхпинэ кэнэҕэс үтүөтүн-өҥөтүн боруостуом. Эрилик Эристиин
   ♦ <Киһи киэнэ> үс уһуктааҕа, <түөрт (аҕыс) кырыылааҕа> көр аҕыс I
   Чаппа уола Мэхээлэ кэпсээҥҥэ, кэрэхсэбилгэ сылдьыбыт, киһи киэнэ үс уһуктааҕа, аҕыс кырыылааҕа. Амма Аччыгыйа
   Манна дьон үс уһуктаахтара, аҕыс кырыылаахтара мусталлар. Н. Босиков
   Быһатын эттэххэ, үс уһуктаах, түөрт кырыылаах киһи буоллаҕа. М. Доҕордуурап. <Түрбүөннээххэ түбэс>, уһуктаахха уолдьас фольк. — аймалҕаннаах, мүччүргэннээх түгэҥҥэ түбэһэ түс. ☉ соотв. попал как кур в ощип
   Түрбүөннээххэ дьэ түбэстим, уһуктаахха дьэ уолдьастым! Уол оҕо уйана-хатана биллэрэ дьэ буолла. Саха фольк. Дьэ, көмүс түөстээх күөрэгэйим, алтан түөстээх далбарайым, түрбүөннээххэ түбэстим, уһуктаахха уолдьастым! Ньургун Боотур. Уол оҕо уһуктааҕа — сытыы-хотуу эр бэрдэ. ☉ Молодец, удалец, орёл
   Икки уол оҕо уһуктаахтара көрсөн баран, сүгүн буолуохпут дуо?! И. Гоголев
   Бэйэтин кэмигэр тыллаах-өстөөх бэрдэ, эдэригэр, бука, быһымах санаалаах уол оҕо уһуктааҕа буолуо. К. Уткин
   Оччолорго кыыс кылааннаҕа, Кырасыабай бэрдэ эн этиҥ. Мин да уол оҕо уһуктааҕа Буоллаҕым эбээт дэнэрим. «ХС». Уһуктааҕынан көр — сөбүлээбэтэх курдук, кырыылаах хараххынан, тобулу көр. ☉ Посмотреть неприязненно, пронзить взглядом
   Максим икки уоттаах хараҕынан сүүһүн аннынан уһуктааҕынан көрүтэлээн кэбистэ. П. Филиппов. Уһуктаах тыллаах (уостаах) калька. — олус кыһыылаахабалаах, чобуо тыллаах-өстөөх. ☉ соотв. острый на язык
   Уһуктаах тыллаах Утары саҥарбатах Килбиэннээх сирэйбин Киртитэ оонньоотулар. П. Ойуунускай
   Оччо үлүгэр ас тахсыбытыгар уһуктаах уостаах обургулар хам буолуохтара баара дуо?! Софр. Данилов
   Чэ, ханныгын да иһин, Очуураба обургу уһуктаах уостаах, уһун тыллаах бытааһах. С. Никифоров
   ◊ Уһуктаах сүөм — сахаҕа уста кээмэйэ: сөмүйэлээх эрбэҕи төһө кыалларынан атыччы туттубут кэннэ, эрбэх төбөтүттэн сөмүйэ төбөтүгэр диэри (15-16 сэнтимиэтир кэриҥэ). ☉ Якутская мера длины: расстояние, равное длине вытянутых указательного и большого пальцев руки (приблизительно 15-16 см). Сахалар уһуктаах сүөм диэн кээмэйи умна быһыытыйбыттар да, билигин син туттар буолан эрэллэр

I
аат.
1. Киһи-сүөһү, харамай уҥуохтарын имигэс силбэһиилэрэ. ☉ Подвижное соединение концов костей у человека, животных, сустав
Кини аҥаар атаҕын сүһүөхтэрэ дьарҕаран мастыйбыттар, тайаҕынан арыычча хаамар. Амма Аччыгыйа
Оҕонньор тыыга олороругар эбэтэр тыыттан тахсарыгар сүһүөхтэрэ салҕалыыра. И. Федосеев
Ат сүһүөҕэ улам-улам итийэн, устунан уйуһуйан барда. Кэпсээннэр
2. Киһи-сүөһү атаҕар уйуга, охтугана суоҕа. ☉ Устойчивость, крепость суставов ног (о человеке, животных). Сүһүөҕэ хамсаан оҕутта. Хапсаҕайга күүстэн ураты сүһүөх үчүгэйэ билэр
□ Эн баар эбиккин …… Бүтүн оҥоруулаах, Бүдүрүйбэт сүһүөхтээх, Одунтан ыйаахтаах. П. Ойуунускай
Бардам туттуу, барылы кэскил, Баай Барыылаах тойон эһэм! Бүдүрүйбэт сүһүөхтээххин мөлтөтөн кулу! П. Аввакумов
Мас Мэхээлэ Бөҕө Ньукулааскыны күүһүнэн адьас хото туппут, онуоха киһитэ киһиттэн таһынан сүһүөхтээх буолан охтубатах. Кэпсээннэр
3. Туох эмэ угун маарыннаһар кэрдиистэрин холбоһор сирдэрэ (хол., отмас). ☉ Место соединения отрезков в составе чего-л. целого, колено (растения)
Улахан өрүстэр эҥээрдэригэр, таас үрэхтэргэ, …… үрүйэлэргэ сиибиктэ диэн боруу курдук сүһүөхтэрдээх кыһынын хагдарыйбат от үүнэр. Далан
Умнаска сэбирдэх олорор сирин сүһүөх икки ардын сүнньүөх диэн ааттыыллар. КВА Б
4. көсп. Туох эмэ оҥоһук (тэрил, тутуу) салгыы холбонор кэрчигэ. ☉ Составная часть чего-л., какого-л. целого, звено, отрезок (напр., предмета, строения). Тимир сыап сүһүөҕэ. Соппулуот сүһүөхтэрэ
□ Сиэҥкэ, кирилиэс биир сүһүөҕүн нэһиилэ дабайан, сирин аҥаардаста эрэ. У. Нуолур
Кинигэ сэттэ сүһүөххэ араарыллыбыт. «Кыым»
5. көсп. Биир систиэмэ иһинэн үлэлиир, кэрдиис-кэрдиис үрдээн иһэр судаарыстыбаннай уорганнартан биирдэстэрэ. ☉ Ступень в системе, структуре иерархически подчинённых друг другу государственных органов
Бииргэ үлэлиир орто сүһүөх салайааччыларын кытта тапсыбат, быһата, уопсай тылы булбат киһи, бу! Н. Лугинов
Үс сыл устатыгар ДОСААФ маҥнайгы сүһүөх тэрилтэлэригэр уопсайа сүүрбэ тыһыынча киһи киирдэ. «Кыым»
6. көсп. Солбук-солбук салҕанар көстүү, кэм туспа кэрдииһэ, түһүмэлэ. ☉ Определённый промежуток времени, период, этап, срок. Сайдыы саҥа сүһүөх кэмэ
□ Дьөгүөрсэ Тырынкаайап үс сүһүөх устата кулубалаабыта да, маннык дьон утарсарын кини көрө да, билсэ да илигэ. Н. Якутскай
Токур Уйбаан хас да сүһүөх быыбарга кулубалаабыта. М. Доҕордуурап
Бу да быыбарга Ньукулай Уйбаанабыс — ыраахтааҕыттан үс мэтээллээх, көмүс куортуктаах киһи — үһүс сүһүөххэ кулубанан талыллыахтааҕа. «ХС»
7. көсп. Араа-бараа саастаах дьон биир кэмҥэ олоруулара, көлүөнэ. ☉ Одновременно живущие люди близкого возраста, поколение
Бу эмээхсин сүүһүттэн тахсыбыт. Оскуолаҕа үөрэнэ сылдьар төрдүс сүһүөх ыччатын көрөр. П. Аввакумов
Ол сүһүөх дьонун олох оннук улаханнык атаҕастаабатаҕа диэхпин баҕарабын. С. Никифоров
Манна ыччаты үөрэтии, үлэҕэ иитии, …… үүнэр сүһүөх уонна аҕа көлүөнэлэр сибээстэрин боппуруостара көтөҕүллэр. «Кыым»
8. тыл үөр. Тыл кэрчиктэнэр өлүүскэтэ. ☉ Слог
Тылы сүһүөхтэргэ араарыы аһаҕас, бүтэй дорҕооннор өйдөбүллэрин үчүгэйдик ылыммыттарын кэннэ саҕаланар. КИИ ОЧСҮөГ
Хоһуласпыт бүтэй дорҕооннору таба суруйарга тылы сүһүөхтэргэ сөпкө араарыахха наада. ПНЕ СТ
Дьэһиэйгэ уонна Аллайыахаҕа охсуу инники сүһүөхтэргэ көһүүтүн эбэҥки (эбээн) тылын сабыдыалынан быһаарыллар. ВМС СДО
♦ Киһи сүһүөҕэ хардары барар — кыаҕы таһынан, олус ыарахан (хол., үлэ). ☉ Чрезмерно тяжёлый, запредельно сложный, трудный (напр., о работе). Киһи сүһүөҕэ хардары барар таһаҕаһа
□ «Маһын үлэтэ диэн ырыа буоллаҕа дии, — диэтэ Лука
— Буорун үлэтэ, киһи сүһүөҕэ хардары барар, ыар үлэ буолуо». М. Доҕордуурап. Сүһүөҕүн булунар — тэмтэрийэн баран, нэһиилэ тирэҕин булунар. ☉ Споткнувшись, едва находить точку опоры (букв. сустав свой находит)
Тэмтээкэйдээн тиийэн, атын маска өйөнө түстэ. Дьэ арыый кэҥээн сүһүөҕүн булунан, аччаччы тэбинэн турда. Амма Аччыгыйа
Витя нэһиилэ сүһүөҕүн булунан, мутукка ыйаанан турар тугу эрэ таарыйбыта, онтуката хамсаан, биэрэс тэбэн барда. Н. Заболоцкай
«Сөбүлүүбүн», — диэн хардарда Петя. Мила соһуйан сүһүөҕүн булунан хамсаан ылла. М. Доҕордуурап. Сүһүөҕүн уутун супту обор — кими-эмэ сиэри таһынан баттаа-үктээ, хамначчыт оҥоһун. ☉ Жестоко эксплуатировать, выжимать все соки из кого-л. (букв. высасывать воду из сустава)
Үс көлүөнэ устата сүһүөхпүт уутун супту оборон баран, аны оҕобун сиэтэҕэ. Р. Кулаковскай
Дьадаҥылар үстэн аҕыска диэри дэһээтинэ сирдээхтэр. Ол иһин баайдар кинилэри саастарын тухары буор босхо сүһүөхтэрин уутун супту обороллор. Д. Очинскай
Сүһүөҕүн үрдүгэр сылдьар — күөгэйэр күнүгэр сылдьар диэн курдук (көр күн). Дьоллоох, сүһүөҕүн үрдүгэр сылдьар киһи, эн тыыннаах эргилиннэҕиҥ дии. А. Софронов
Киргиэлэй сүһүөҕүн үрдүгэр сылдьар киһи диэн эрэнэн, арыт-ардыгар букатын ыһыктынан кэбиспит курдук, ыараханнык өйөнөн сыҕарыҥныыр. П. Аввакумов
Ити сыл, оҕолоор, эһиги эһэҕит олус бултуйбута. Бэйэтэ да оччолорго сырыыны-айаны кыайар, сүһүөҕүн үрдүгэр сылдьар эр бэрдэ этэ. «ХС». Сүһүөҕэ босхо барда — атаҕар кыайан уйуттубат буолла. ☉ соотв. ноги подкосились (букв. у него сустав разболтался)
[Үйээнди] кыаҕын ылларан, быччыҥа ууллан, сүһүөҕэ босхо баран хааларга дылы гынна. Болот Боотур
Өлөксөй оҕонньор, таһырдьа чэбдик салгыҥҥа тахсан, кырдьык да, итирбит курдук сүһүөҕэ босхо баран тэмтээриҥнээтэ. П. Аввакумов
[Харачаас] сүһүөхтэрэ босхо бардылар, уоһа ыпсыбат буолла, тиистэрэ лыһыгырастылар, икки иҥэ итий-итий гынна. П. Филиппов. Сүһүөҕэ быһынна — атаҕа уйбакка охто сылдьар буолла (олус сылайан, эстэн). ☉ соотв. валиться с ног (напр., от усталости, истощения). Хаамар үөрүйэҕэ суох буолан түөрт көһү бараат, сүһүөҕэ быстан, олорунан кэбистэ
□ Сарсыардаттан киэһээҥҥэ диэри хааман сүһүөҕэ быһынна. «ХС». Сүһүөҕэ мөлтөөтө — уруккутун курдук буолбатах бытаарда, кырыйда. ☉ Одряхлеть, ослабеть (букв. его сустав ослаб). Уйбаан уруккута буолбатах, сүһүөҕэ мөлтөөбүт. Эдьиийим эмээхсин сүһүөҕэ мөлтөөбүт. Сүһүөҕэ мөҥөр — эмискэ атаҕа уйбат буолан ылар (соһуччу долгуйууттан, наһаа сылайыыттан). ☉ соотв. ноги подкашиваются (напр., от внезапного потрясения, крайней усталости)
Хоско киирэн тойон диэки баран иһэн, сүһүөҕэ мөҥөн, тэмтээкэйдээн ылла. Болот Боотур
Киэһэнэн Кыыдаан илиилэрэ улугура сылайдылар, сүһүөхтэрэ мөҥөн ылар буоллулар. «ХС»
Сүһүөҕэр туруор — атаҕар (сүһүөҕэр) туруор диэн курдук (көр атах). Анатолий ийэтэ, иккиһин кэргэннэнэр туһунан өйүгэр да оҕустарбакка, соҕотох уолун киһи-хара оҥорон сүһүөҕэр туруорар мөккүөрдээх кырдьыбыта. П. Аввакумов
Мин Колям эдэр эрдэҕиттэн үчүгэй, эйэҕэс майгылааҕа, итиэннэ саҕалаабыт дьыалатын хайаан да төрдүгэр тиэрдэр, сүһүөҕэр туруорар идэлээҕэ. С. Никифоров
Күн ортотуттан киэһэ Пуд Ильич дьиэ дьонун барытын сүһүөҕэр туруорбута. Далан
Настаа алыптаах сымнаҕас илиитэ Лэкиэһи сүһүөҕэр туруорбута. Н. Босиков. Сүһүөҕэ суоҕунан саҥарар — киһи өйдөөн истибэт гына, чуолкайа суохтук түргэнник саҥарар. ☉ Говорить быстро, невнятно и неразборчиво
Кыыс уоһун харыстаабыт курдук кыараҕастык аһан, үп-үрүҥ тиистэрин бытыгыратан көрдөрө-көрдөрө, тугу эрэ сүһүөҕэ суоҕунан саҥаран сылыбыратта. А. Софронов. Сүһүөҕэ уйбат — атахтара кыайан уйбат, кыайан атахтарыгар уйуттан турбат (хол., олус сылайан). ☉ Ноги не держат (напр., от сильной усталости). Уол сэттэ көһү сатыы хааман сүһүөхтэрэ уйбат буолбут. Сүһүөҕэ уулла <уулунна> — нэһиилэ атаххар уйуттан тур (хол., олус сылайан). ☉ Едва держаться на ногах (напр., от сильной усталости)
Арай, дьэ бу кырдьан, ол-бу дьарҕата көбөр, сүһүөҕэ ууллар буолан хааллаҕа үһү. Болот Боотур
Ити курдук икки саары икки ардыгар сүһүөҕэ уулунна, сүрэҕэ көптө, баһа ыарыйда. Бэс Дьарааһын
Күнү быһа дьиэ иһигэр тэпсэҥниирбэр сүһүөхтэрим уулуннулар. Пьесалар-1978. Сүһүөҕэ хамсыыр — долгуйан эбэтэр куттанан атаҕа салҕалаан ылар. ☉ Дрожат, трясутся ноги (напр., от волнения или испуга)
Кини хараҕар оонньообут мичээрэ дууһатыттан дириҥник долгуйбутун этэрэ. Сонун тэллэҕэ ибигириириттэн көрдөххө сүһүөҕэ хамсыыра. М. Доҕордуурап
[Рингэҕэ киирбит боксуор] долгуйан сүһүөҕэ хамсыырын аһараары биир сиргэ таба турбакка эккирээмэхтээтэ. Э. Соколов. Сүһүөхтүүн сүгүрүй — улаханнык ытыктыыргын биллэрэн, сөһүргэстээ, төбөҕүн төҥкөтөн бокулуоннаа. ☉ Выражая большое уважение, преклонить колени и голову
Олоҥхоһут саха оҕонньоро, Булчут саха кырдьаҕаһа кэлэн тураммын, Сүүдүрүүннээх сүрэҕим долгуйан, Сүһүөхтүүн сүгүрүйэн эрэбин. С. Зверев
Соторутааҕыта аҕай, чуордук күлсэкүлсэ биэрэк устун сырсыакаласпыппытын умнан, тыйыс саллаат иннигэр сүһүөхтүүн сүгүрүйэн турабыт. С. Спиридонова. Сүһүөхтээх бэйэм сүгүрүйэн <хоолдьуктаах бэйэм хоҥкуйан> эрэбин фольк. — улаханнык ытыктыырбын биллэрэн сөһүргэстээн, төбөбүн төҥкөтөн туран көрдөһөн эрэбин. ☉ Выражаю своё глубокое почтение (букв. имея шею, низко кланяюсь, имея колени, преклоняю их)
Дьэ, бу убаккайбыт! Эйиэхэ сүһүөхтээх бэйэм сүгүрүйэн, хоолдьуктаах бэйэм хоҥкуйан үс бараа хара күлүккэр үҥэн сүөдэлдьийэн эрэбин! Ньургун Боотур
Аал уотум иччитэ, Бырдьа бытык — Сүһүөхтээх бэйэм сүгүрүйэн, Хоолдьуктаах бэйэм хоҥкуйан эрэбин. А. Софронов
Сүһүөхтээх бэйэм сүгүрүйэн көрдөһөбүн. Амма Аччыгыйа. Сүһүөххүн былдьас — умса баран түһүмээри, өрүһүнэ сатаан, инниҥ диэки түргэнник мээнэ атыллаталаа. ☉ Не находя точки опоры, делать быстрые непроизвольные шаги вперёд, стараясь не упасть
Халтарыйан охтумаары сүһүөхпүтүн былдьаһан тиэрэ-маары үктэнэбит. М. Доҕордуурап
Онно өйдөөбүтүм: Иван, миигин көхсүгэр биллэҕэ быраҕан баран, сүһүөҕүн былдьаһан байааттаҥныы иһэр эбит. Н. Кондаков
Күүстээх Соппуруон хайаны түһэн иһэрэ көһүннэ, туруору сиргэ сүһүөҕүн былдьаһан сүүрэн бэдьэйэн ыла-ыла хайа тэллэҕэр киирэн «һуу» гынна. «ХС». Сүһүөххүн көннөр (тэнит) — атаҕыҥ көһүйбүтүн көннөрөөрү туран хаамыталаа, сүүр. ☉ Размять затёкшие ноги
Түһэн, хаамыталаан сүһүөхпүтүн көннөрдүбүт. С. Дадаскинов
— Баһаалыста, олорунан кэбис, — массыына иһиттэн дьон саҥата күүгүнүү түстэ. — Баһыыбаларыҥ, …… сүһүөхпүн тэнитэбин, — Николай Васильевич сапсыйа хаалла. В. Гольдеров
Саас Манчаары сүүрүк аты ыҥыырыттан тутуһа сылдьан, олорор алааһын хаста да эргийэ сырсара үһү. Ол аата сүһүөҕүн тэнитэрэ диэн буолара. «ХС». Сүһүөххүн ыһыгын — сүһүөхтэриҥ босхо баран, атахтаргар уйуттубат буолан хаал. ☉ Не устоять на ногах, повалиться на землю
Дьэбдьиэ, сүрэҕэ бүллүгүрүү мөхсөн, мэйиитэ эргийэн, туймаарбыт курдук буолан, сүһүөҕүн ыһыктан, охтон түһүөх курдук буолла. Болот Боотур
Үктэммит хаара быстан «кур» гыммыт. Киһи сүһүөҕүн ыһыктан охтубут, хайа тэллэҕэр биирдэ баар буолбут. «ХС». Сүһүөххэр тур — 1) улаатан, үлэһит буолан, бэйэҕин бэйэҥ ииттинэр киһи буол. ☉ Повзрослеть, стать независимым от кого-л., полностью обеспечивать себя, встать на ноги
Биһиги бары даҕаны хотуур, сүгэ угун туппутунан сүһүөхпүтүгэр турбут дьон буолуохтаахпыт. С. Никифоров
Кинилэр бары, сүһүөхтэригэр туран, Киһихара буолбуттар. «ХС»
Баһылайга сүһүөҕэр турарыгар дьоно бары да бэркэ көмөлөспүттэрэ. «Кыым»; 2) ситэн-хотон, тэнийэн, кыаҕыран ис (тугу-эмэ этэргэ) ☉ Крепнуть, укрепляться, развиваться (о чём-л.)
Хоруу хаһан, хотон тутан, дьиэ-уот тэринэн холкуос сүһүөҕэр туран барбыта. «ХС»
Биһиги институппут эдэр, сүһүөҕэр тура сатыыр. Институт аатын да ылбыппыт баара-суоҕа үс сыл буолла. «Кыым»
◊ Иккис сүһүөх оскуола истор. — орто оскуола урукку аата. ☉ Школа второй ступени, прежнее название средней школы
Бүлүү куоратыгар — иккис сүһүөх оскуола маҥнайгы кылааһыгар, билиҥҥинэн аахтахха ахсыс кылааска сылдьан бииргэ үөрэнэр табаарыспыныын Василий Ивановтуун хоһоон суруйарга холонон көрбүппүт. ФЕВ КК. Маҥнайгы сүһүөх оскуола — түөрт кылаастаах (начаалынай) оскуола урукку аата. ☉ Школа первой ступени, прежнее название начальной школы
Аанньаахха түөрт кылаастаах маҥнайгы сүһүөх оскуоланы бүтэрбитим. Н. Якутскай. Сүһүөх ас — үүнэн быган таҕыс (бурдук туһунан). ☉ Произрастать (о зерне)
[Бурдук] Сирин-буорун сабыа, Сидьирбудьур хамсыа, Онтон уһаан тахсыа, Ото сүһүөх анньыа. Күннүк Уурастыырап
Ыспыт сиэмэбит сотору кэминэн сүһүөх аспыта, куолас тэлэн, өр-өтөр буолбатаҕа, бааһына муҥунан буспут бурдук муоралыы долгуйбута. С. Васильев
Бөлкөйдөнүү кэнниттэн сотору буолаат, [сэлиэһинэй] умнастара үүнэллэр — үүнээйи сүһүөх анньар. КВА Б. Сүһүөх атахтаахтар зоол. — тус-туспа адаархай сүһүөхтэртэн ыпсарыллыбыт атахтардаах харамайдар (хол., аһыҥалар, ооҕуйдар, араактыҥылар, араас үөннэр-көйүүрдэр). ☉ Членистоногие
Рактыҥылар — үксүн ууга олохтоох сүһүөх атахтаахтар. Кинилэр ууга сууралла сылдьар кислороду хайыыларынан иҥэрэн тыыналлар. ББЕ З. Сүһүөххэр тур — атаххар туран кэл, атаххар тур. ☉ Принять стоячее положение, подняться на ноги
Бары сүһүөхтэригэр тураллар. Сыана арыый хараҥатыйан, ырыа улам куччаан барар. Суорун Омоллоон
Оҕолор учууталларын сүһүөхтэригэр туран көрсүбүттэр. Н. Якутскай
Мунньах дьоно сүһүөхтэригэр туран суугунастылар. М. Доҕордуурап
ср. сой. йүс, тув. чүс ‘сустав’
II
аат. Ампаар иһигэр бурдугу кутарга аналлаах, халыҥ хаптаһыннартан оҥоһуллубут дьааһык курдук оҥоһук. ☉ Большой деревянный короб из толстых досок наподобие ящика, предназначенный для хранения зерна в амбаре
— Ээ, эмээхсиэн! Ампаар иһин сиппий, сүһүөхтэри хоруй да, мээккэ бурдук бэлэм буолуо буоллаҕа дии. Суорун Омоллоон
Биир эркиҥҥэ улахан бурдук кутар сүһүөх турар. С. Ефремов
Биир ыскылаакка хас да суортары сүһүөхтэргэ тутуу кинилэр хардарыта сыыһырыыларын таһаарыан сөп. ХКА

I
1. аат.
1. Сис тоноҕоһун ис ханаалын устун мэйииттэн барар ньиэрбэлэр суон сүүмэхтэрэ. ☉ Спинной мозг
Сис тоноҕоһо туспа тоноҕостортон турар. Тоноҕос ханаалыгар сүрүн сытар. Ыанньыксыт с. Баҕа ньиэрбэтин систиэмэтэ мэйииттэн, сис сүнньүттэн итиэннэ олортон салаатыйар ньиэрбэлэртэн тутуллар. ШВФ З
Мэйии уонна сүрүн араас дэҥтэн уҥуохтарынан харыстаныллыбыттар. ШВФ З
2. Киһи моонньун кэтэх, көхсүн диэки өттө. ☉ Затылочная сторона шеи
Харытыана сүүрэн кэлэн уолу бобо кууһан ылан көтөхпүтүнэн эмээхсин диэки дьулуруйда. Уол тэбиэлэнэн көрдө да, такымнарыттан уонна сүнньүттэн ньохчоччу харбатан хаалбыт эбит. Амма Аччыгыйа
«Үчүгэй, үчүгэй эбит», — дии санаабыта тириэньэр, тута уолу сүнньүттэн умса садьыйан иһэн атахха тэппитэ. НЕ ТАО
3. көсп. Өрүс, үрэх саамай дириҥ уулаах үөс өттө. ☉ Русло реки, речки
Чапаев аатынан холкуос бөһүөлэгин аннынан Суола диэн үрэх сүнньэ оргуйа сүүрэр. Амма Аччыгыйа
Чууралаах Тороев түгэҕэ кууран эрэр, бу дойдулуу эттэххэ, дьороон үрэх сүнньүн батыстылар. Л. Попов
Борохуот майаагын үрдүгэр Лаампа уота сандаарда, Өрүс уутун сүнньүгэр Сырдык тыган сыдьаайда. С. Васильев
Алдан өрүс сыл аайы икки кытылын быһыта хадьырыйталаан, сүнньүн кэҥэтинэр. А. Фёдоров
4. көсп. Өрүс, үрэх орто сүүрүгүн хочотугар сытар сир-дойду. ☉ Земля, местность, находящаяся в долине среднего течения реки, речки
Халыма өрүс сүнньэ тыа, күөл, үгүс үрэх дойдута. Н. Габышев
Чөркөөхтөн, Ытык-Күөлтэн ураты Таатта сүнньүгэр Уолба, Уус-Таатта (уруккута Байаҕантай улууһа) диэн нэһилиэктэр бааллар. Бэс Дьарааһын
Хаандыга сүнньэ бүтүннүүтэ оччолорго иэгэйэр икки атахтаах олохсуйан көрбөтөх, иһиллээбит курдук, ибис-иччитэх, кубус-кураанах дойду этэ. Н. Заболоцкай
5. көсп. Туох эмэ ис дьиҥэ, ис чахчыта. ☉ Суть, сущность, основное содержание чего-л.
Михаил Иванович, мунньахха сыһыана суох гынан баран, киһини көрсөөрү хойутаан киирбит буолан, боппуруос сүнньүн өйдөөбөтөр даҕаны, Таня этиитин олус биһирии истибитэ. Н. Лугинов
Дьыала сүнньэ маныаха буолбатах, адьас атыҥҥа сытар. Ону эһиги өйдөөбөккүт, олус хомолтолоох. «ХС»
△ Туох эмэ сүрүн өттө, тутаах хайысхата (хол., үлэ). ☉ Основное направление, приоритетная сторона чего-л. (напр., работы)
Аны, үлэ сүнньүн көрдөхпүт аатыран, кыраны аанньа ахтыбат буолабыт, кыра итэҕэстэри этэр киһини бириинчик, мээри киһи диэн да турардаах буолабыт, доҕор! Амма Аччыгыйа
Сопхуос дьарыгын сүнньэ: табаны уонна күөх кырсаны иитии, балыктааһын, кыыл кырсалары бултааһын. Н. Якутскай
Күндү миньэрээли көрдүүр үлэбитин быйыл өссө күүһүрдүөхпүт, үлэ сүнньэ өрөспүүбүлүкэ хоту оройуоннарыгар туһаайыллыа. «К»
6. Туох эмэ эргийэр киинэ, ханнык эмэ тэрили эргитэргэ аналлаах үөс. ☉ Стержень какого-л. вращающегося механизма
Сүрүҥҥэ олордуллубут подшипнигы буолтанан ыстаныакка ыбылы ылларыллар. ТСР
7. мат. Геометрическэй эттиги курдары ыытыллар эбэтэр бэйэтэ ураты хаачыстыбалардаах хамсаабат көнө сурааһын. ☉ Ось (проходящая через геометрическую фигуру или неподвижная прямая линия, обладающая только ей присущими свойствами)
Сүрүҥҥэ киин туочука икки өттүгэр тэҥник тэйэн сытар чыыһылалар утарыта чыыһылалар диэн ааттаналлар. БАН А
Ханнык эмэ сүрүҥҥэ сыһыаннаан симметричнэй буолар ханнык баҕарар икки бөгүүрэ бэйэ-бэйэлэригэр тэҥнэр. КАП Г
2. даҕ. суолт. Тутаах, туохха эмэ төрүт буолар. ☉ Основной, главный. Олоҥхоҕо Аллараа дойду бухатыырдара Орто дойду бухатыырдарын сүрүн утарылаһааччылара. Саха фольк. Күндэ сүрүн айымньылара барылара кэриэтэ сүүрбэһис сылларга суруллубуттара. Софр. Данилов
Ханнык баҕарар дьыаланы, ордук уорууну силиэстийэлииргэ дьэҥдьиир сүрүн дакаастабыллары арыйан таһаарааччы. М. Попов
♦ Көнө сүрүннээх (сүнньүлээх) көр көнө I
«Абааһы киһи» диэҥҥит баттаамаҥ маннык көнө сүрүннээх эрэйдээҕи! ПЭК ОНЛЯ II
Бу көнө сүрүннээх киһини күрэт, сирдээ диэн тылга киллэрэ сатыыр наадата суоҕун Хабырыыс өйдөөтө. И. Гоголев
Иннибин-кэннибин көрүннэхпинэ, билигин тутатына улууска кулубалаан барыах көнө сүнньүлээх киһи даҕаны аҕыйах. Ойуку
Кинини [Николай Ивановиһы] туоһапкатын курдук көнө сүнньүлээх киһинэн ааттыыллар. С. Окоёмов. Ол кэриэтэ сүнньэ быстыа — сүнньэ быстыа да буоллар диэн курдук. Петя биир итэҕэстээх — кини мөккүһэн баран иннин биэрээччитэ суох, ол кэриэтэ сүнньэ быстыа
□ [Власий Порфирьевич] «өйдүөхтээххит», «билиэхтээххит» диэнтэн атыны билиммэт
Кини дьүккүйбүтүн кэнниттэн ону хайдах даҕаны төнүннэрбэккин. Ол кэриэтэ сүнньэ быстыа. Н. Лугинов. Сүнньүгэ астарбыт курдук (оҕун- на) — тута барбыт, өлбүт курдук (буолла). ☉ Замертво, как подкошенный (упасть, свалиться) (букв. будто его укололи в спинной мозг). Охсуллубут киһи сүнньүгэ астарбыт курдук оҕунна. Сүнньүгэ биэр — кэһэтэ түһэн биэр. ☉ соотв. дать по шее. Эн кинини тоҕо бодьуустаһаҕын? Сүнньүгэ биэр — начаас көнүө. Сүнньүн ас — кыылы, сүөһүнү өлөр (урут сахалар сүөһүнү билиҥҥи курдук сүгэнэн сүүскэ биэрэн буолбакка, саха быһаҕынан сүнньүгэ анньан өлөрөллөрө). ☉ Заколоть, зарезать (животное) (букв. уколоть в спинной мозг)
Тыаҕа лаппа таһааран баран, били эриэн муос уктаах быһаҕын атаҕыттан сыыйан ылбыт да, [Манчаары] биэни сүнньүн анньан кээспит. МНН
[Оҕоуруу дьон] Суол айаҕар суру суоһарбыттар, Үрүҥ-хара сүүрүгү Үлтү үүрэн аҕалан, Сүүрдэ сылдьан Сүүскэ охсон, Сүнньүн аспыттар. П. Ойуунускай. Сүнньүн булла — 1) түспэтийдэ, дьоһуннанна. ☉ Остепениться, образумиться. Уйбаанчык быйыл сүнньүн булбут, чыҥха атын киһи буолбут
□ Өрүүсэ Маратик туһунан саныы олордо
Кини, сүнньүн буллаҕына, барыларын да баһыйар киһи буолуоҕа. А. Сыромятникова; 2) оннугар түстэ, олоҕун булла. ☉ Войти в колею, вернуться в привычное русло
Билигин да олох дьиҥнээх сүнньүн була илик, киин сирдэргэ тахсар долгуйуулар ордук күүрдүллэн да иһиллиэхтэрин сөп. Амма Аччыгыйа. Күндэ айымньытын сыаналааһын билигин сөптөөх сүнньүн булла. Күндэ
Мин маны бэрт былдьаһан, тыл сырыһыннараары суруйбатым, дьиҥ литература сүнньүн булуон баҕарбычча соҕотох бэйэм санаабын этэбин. Эрилик Эристиин
Сүнньүн көннөр — 1) көр көннөр. Соня быраатын мөҕөн сүнньүн көннөрдө — утары эппэт оҥордо. «ХС»; 2) сыһыт, уоҕункүүһүн мөлтөт, салайары истэр оҥор (үксүн айаас, өһөс сылгыны). ☉ Сделать более кротким, ручным, заставить повиноваться, укротить, усмирить (обычно необъезженного, строптивого коня)
Кирилэ сиргэмсэх оҥорбут соноҕоһун, сүнньүн нэһииччэ көннөрөн, суолга киллэрэн испитэ. Н. Заболоцкай. Сүнньүн үүттээ — өлөр, суох оҥор. ☉ Прикончить, убить кого-л. (букв. просверлить спинной мозг). Дьулуруйар Ньургун Боотур обургу …… Сүгүнүнэн сүктүбэт Сүдү ыал оҕото, Аанньанан аттаммат Айыы-хаан оҕото Адаҕыта оонньоотоҕуна — Сүнньүбүтүн үүттүөҕэ, Сүрэхпитин булкуйуоҕа, …… Умса ууруоҕа. П. Ойуунускай
О, оннук эрэ буолара буоллар, ол-бу буолан чолоҥолоспуккутун ситиһэн, сүнньүгүтүн үүттээн, ээххитин этиттэрэн тэйиэм этэ. П. Аввакумов. Сүнньэ быстыа да буоллар — тугу эмэ оҥоруон кэриэтэ өлүө. ☉ Он скорее свернёт себе шею (чем что-л. сделает)
Сүнньэ быстыа да буоллар барсан да бэрт. «ХС»
Сүнньэ көннө көр көн. «Дьэ дуу, Лука Иванов сүнньэ дьэ көннө ини», — дии-дии Авксентий киэҥ-киэҥник хардыылаата. М. Доҕордуурап
Ипатий туһунан аҕыйах тылы аҕыннахха, үлэттэн үлэҕэ сиэттэрэн арыый сүнньэ көнөн сылдьар курдук. Н. Степанов
Ол кэннэ бастакы салалта, олохтоох ыстаарыста диэн киһи талыллан үлэлиир буолбута …… тахсыыбыт-киириибит намыраан, …… сүнньүбүт дьэ көнөн барбыта. «ХС». Сүнньэ көнө (киһи) — көнө сүрүннээх диэн курдук (көр көнө I). Киниэхэ эрэниэххэ сөп, сүнньэ көнө киһи
□ Учуутал Чахов — сүнньэ көнө киһи. «ХС». Сүнньэ көһүйүөр диэри — наһаа уһуннук, сылайыар диэри. ☉ Очень долго, до того, что шея затекла (стоять, ждать). Сеня ытын сүнньэ көһүйүөр диэри күүттэ — ыта кэлбэтэ
□ Сэмэн сүнньэ көһүйүөр диэри туран истэ-көрө сатаата, онтон салҕан, кэлэн утуйан хаалла. Күндэ
◊ Сүрүн үүтэ — киһи сиһин тоноҕоһун саҕаланыытыгар баар кэтэх аннынааҕы кыракый оҥхой. ☉ Затылочная впадина, шейная ямка. Табаны ардыгар сүнньүн үүтүгэр анньан өлөрөллөр
ср. ДТС йулун, уйг. жулун ‘спинной мозг’
II
аат эб. Саҥарааччы үксүн сөбүлээбэт сыһыаннаах сөҕөрүн-бэркиһиирин көрдөрөр. ☉ Выражает изумление говорящего с оттенком неодобрения
Тыал тыаһа сүрүн, эбии бэргээбит дии. Софр. Данилов
Үрдүк таҥараҕа айыы, бар дьоҥҥо саат да буолбата сүрүн ньии! М. Доҕордуурап
Онуоха эбии аппыт бытаана, суолбут куһаҕана сүрүн! «ХС»

I
туохт.
1. Ким, туох эмэ аттынан бар; кими, тугу эрэ аһары бар. ☉ Проходить, проезжать мимо (около, через) кого-чего-л.
Кинилэр — элбэх олбуордары, кыбаарталлары аастылар, куорат таһыгар таҕыстылар. Эрилик Эристиин
Сүһүөхпүн тэнитээри, бөһүөлэги ааһа хаамтым уонна биир дьикти кэрэ көрүҥнээх үрэххэ тиийэн кэллим. И. Данилов
Инники кирбиини ааһан оргууй аҕай баран истибит. Т. Сметанин
△ Кими, тугу эрэ аһары хайа эмэ диэки туһаайан, ханна эрэ тиийэргэ соруктанан бар. ☉ Проходить, проезжать мимо (около, через) кого-чего-л. с целью достичь определенного места (точка, место прибытия обычно указываются). Дьиэҕэ аас. Куоракка аас. Хоско аас
□ Самсон аҥаар илиитигэр сүгэ тутуурдаах бэҕэһээҥҥи айдаан буолбут сириттэн биэрэк диэки кэлэн ааста. Н. Заболоцкай
Бу суолунан былыр, Улууска кулубалыы сылдьан, Уонунан кинээһи арыалдьыт гынан, Чуорааннаах торуойкалаах Чуумпу халлааны аймаан Дьокуускайга чугдааран ааһара. С. Васильев
Дьоллоох, үтүө саас кэрэтин арыйан, Тус хоту аастылар туруйалар. Күннүк Уурастыырап
△ Ханнык эмэ туочуканы (миэстэни, сири) аһара түс; аһара бара тур. ☉ Пройти, проследовать дальше определенной точки, определенного места
Маарыын сыппыт сирбититтэн сүүс миэтэрэни ааһа бардыбыт. Т. Сметанин
Уу ортотун ааһаат, эмиэ өрүтэ ыстаҥалаан, уҥуоргу кумах кытылга баар буола оҕуста. С. Никифоров
△ Кэннигэр хаал; кэннигэр хааллар (айаннаан истэххэ). ☉ Миновать, оставлять позади себя кого-что-л. (при езде)
Өлүөнэ устунан устабын, Ааһаллар күөх да күөх биэрэктэр. Баал Хабырыыс
Ата аа-дьуо сэлбэйэр, Суол очура сиксийэр, Арыт ыарҕа, арыт хонуу Ааһа устар утуусубуу. П. Тобуруокап
2. Туох эмэ аттынан уһун, субулун, орҕочуй (үрэх, өрүс, суол эҥин туһунан). ☉ Течь, нестись, протягиваться около (через) кого-что-л. (напр., о реке, дороге и др.)
Сарсыарда отум үрдүттэн туран көрбүтүм, чугас соҕуһунан суол ааһар эбит. Н. Неустроев
Биһиги Иван Ивановичтыын холкуос учаастагар бараары Көстүбэт Көстөкүүн ордуутун таһынан ааһар суолунан истибит. М. Доҕордуурап
3. Кими, тугу эмэ куот, аһара бар, аһара түс. ☉ Превосходить кого-л. в чем-л. (быть выше, длиннее и т. д.)
Синньигэс биилин ааһа түспүт уһун хара суһуоҕун икки салаа гына өрөр үгэстээх. М. Доҕордуурап
Саамай ортотугар уу Ньукулаас тобугун эрэ ааһар эбит. С. Никифоров
Омуннаабакка эттэххэ, Ол эбэм дулҕалара Сэттэлээх эрдэххэ миэхэ Моонньубун ааһаллара. Баал Хабырыыс
4. Туох эмэ буому, күчүмэҕэйи туораа. ☉ Преодолевать какие-л. трудности, справляться с трудностями
«Үһэ» суох үөрэнэн оскуолатын бүтэрбитэ уонна тута, үгүс киһилээх куонкуруһу ааһан, университет медицинскэй факультетыгар киирбитэ. Н. Лугинов
Сүүрбэччэ сыллааҕы Сүтүөн да сүтэр. Барыны ааһаҕын, Кэм-кэрдии күүппэт. Баал Хабырыыс
5. Тугу эмэ болҕомтоҕо ылбакка, ахсарбакка хаал (хааллар). ☉ Не обращать внимания, пропускать что-л. мимо ушей
Ити кэпсэтии кулгааҕын таһынан ааһар. А. Сыромятникова
6. Тохтообокко устан, бардар баран ис (күн-дьыл, бириэмэ туһунан). ☉ Проходить, протекать беспрерывно (о времени)
Дьиэ таһа хараҥа эбит, түүн үөһэ саҥардыы ааһан эрэр быһыылаах. Амма Аччыгыйа
Күн-дьыл түргэнник да ааһар. Эрэннэрбити толорор кэм ыган кэлбит, өссө ааһар кутталламмыт. Сэмээр Баһылай
Оҕо буолан ааспыт сааспын Ордук саныы олордум. С. Данилов
7. Буолан бүт, уурай, аһын (ханнык эмэ событие, быһылаан, түбэлтэ, айылҕа көстүүлэрин этэргэ). ☉ Проходить, прекращаться, исчезать, переставать (напр., о происшествии, событиях, явлениях природы)
Хабырыыс ууга түһэ сылдьыбыта ааһан, умнуллан барбыта, оттон кини бырастыыласпыт тыла өргө диэри сүтэн биэрбэтэҕэ. Н. Заболоцкай
Нуучча литературатын, искусствотын аҕыс хонугу быһа барбыт киэһэлэрэ үрдүк көтөҕүллүүлээхтик аастылар. Суорун Омоллоон
Астан, ааһан быстыбат, күһүҥҥү салгымтыалаах ардах. Софр. Данилов
Силлиэ тыал ааспыта, Сир-дойду сытыйан, Силбиккэ баттатан турбута. Күннүк Уурастыырап
8. Тохтоо, уурай, уоскуй (ыарыы, сылайыы, кыыһырыы о. д. а. туһунан). ☉ Прекращаться, проходить (о болезни, усталости, гневе, страхе и др.)
Аата чэпчээтэхпин ньии... Санаамоноом аастаҕа тоҕо үчүгэйэй! П. Ойуунускай
Ол таарымта буолар куолута, аастар эрэ таҥара көмөлөһүө. А. Софронов
Түөһүн туттан сүрэҕин чинчилэнэр, үөһэ уһуутуур, куттала өссө да ааспатах быһыыта биллэр. Эрилик Эристиин
Контузияланыыбар тылбыттан матан баран, маҥнай саҥарарбар кэлэҕэйдиир этим, ол ааспыта ыраатта. Т. Сметанин
9. Муҥур уһукка тиийэн, туохха эмэ эрэмньигин букатыннаахтык сүтэр; сиҥҥэр түһэн, кыһаллыбат буолан хаал. ☉ Дойти до крайности, утрачивать всякую надежду осуществить что-л.; дойти до последней степени отчаяния и стать безразличным, равнодушным
Эйигиттэн куттанарбын ааһан сытабын. Амма Аччыгыйа
Оҕуруокка киһи биэрэллэриттэн аастылар. В. Яковлев
Эйигин киһи өйдөтөрүн ааспыккын. С. Ефремов
Бу эмээхсин сүгүн көрдөрөр аатыттан ааста ээ. «ХС»
10. кэпс. Тугу эмэни сүтэр, туоххуттан эрэ мэлий. ☉ Утратить что-л., лишиться чего-л.
Моҥус көрбөт буола түспүт. «Абытайбыын». Туох уоттаах оһохтоох баҕайыный. Аны икки харахпыттан аастаҕым үһү. Саха ост. I
11. -ан сыһыат туохтууру кытта кылгас кэмҥэ таарыччы оҥоһуллар хайааһыны көрдөрөр. ☉ В сочетании с деепричастиями на -ан означает действие, совершаемое мимоходом, попутно. Сылдьан аас. Этэн аас. Хонон аас
□ Охоноос хараҕар элэктиир кыымнар кылахачыһан аастылар. Амма Аччыгыйа
Кэпсэтиэххин, ааспыккын итиитик ахтан ааһыаххын санаабытыҥ иһин, киһиҥ ханна эмэ ыраах буолуо. Н. Заболоцкай
Итини [быһаҕы] кини Дьокуускайтан, оройуонтан кэлэн хонон-өрөөн ааспыт үтүө доҕотторугар бэлэхтиир. Н. Габышев
ср. тюрк. аш ‘проходить, перевалить’
♦ Ааһар албас (албастаах) — тугу эмэ ситиһээри эбэтэр туохтан эмэ куотаары араастаан түөкэйдээн албыннааһын. ☉ Хитрость, изворотливость, плутовство (чтобы достичь своих корыстных целей)
Өстөөх ааһар албаһын самнаран, Улуу баатыр — Сэбиэт сирэ, Өлбөт албан аатынан арбанар. А. Абаҕыыныскай
Ааһар албастара Аныйбыт эбит, Кулан кубулҕат Куладыйбыт эбит. П. Ойуунускай
Кини [өстөөх] акаары буолбатах, саһыллааҕар киитэрэй, аҕыс араас ааһар албастаах, тоҕус араас куотар кубулҕаттаах. ССС. Ааһар былыт албына (албаһа) — түөкүн, албын, үс күлүктээх. ☉ Мошенник, плут, пройдоха
Бу ааһар былыт албына, күөх далай көлдьүнэ, сытыган ньамах үөнэ, бадараан баҕата, дьэбэрэ дьиикэйэ, сыллаһар киһиҥ мин дуо? П. Ойуунускай. Ааһа түс — туохха эрэ идэтийбит киһиттэн ол идэни ордук баһылаан, киниттэн чорбой, ордук буол. ☉ Превосходить кого-л. в чем-л.
Атын ойууннар хайдах кыыралларын, тугу оҥороллорун үтүктэрим, ону ааһа түһэргэ дьулуһарым. Болот Боотур. Ааһа түһэн — ылыныллыбыт эбэтэр үгэс буолбут бэрээдэги, биллэр кээмэйи таһынан тахсан, кэһэн (тугу эрэ гын). ☉ Нарушив заранее известный порядок, преступив (превысив) какой-л. рубеж, предел (предпринять что-л.)
Өрүстэргэ да, күөллэргэ да бултуулларын көҥүллүүбүт. Ол үрдүнэн ааһа түһэн, уоракөстө син биир бобуулаах да кэмигэр, холобур, балык ыырын саҕана балыктаан түбэһэллэр. «ХС»
Аны туран, ааһа түһэн, абаккатын ситиһэн, Хобороонньо кээлтигэр Хомнуу соҕус эппитэ. Күннүк Уурастыырап. Быһа ааспат — хайаан да тохтоон болҕойор (хол., кэриэстээн, ытыктаан, кэрэхсээн). ☉ Нельзя пройти мимо без внимания (напр., об особо почитаемом путниками месте)
Түмэти былыр-былыргыттан, бары атыыһыт быһа ааспакка, тохтоон, өрөөн ааһар сирэ эбит. А. Софронов
Сатыы да, аттаах да айанньыт ол тиити быһа ааспат. Софр. Данилов
Алдаммын быһа ааһарым төрүт сатаммат. «ХС»
◊ Ааспыт аастаҕа (ааспытынан) — буолбут буолбутунан (төннөрбөккүн). ☉ Что было, то было (не воротишь, не вернешь)
Ааспыт аастаҕа дии, умнуллубут умнулуннаҕа дии. П. Ойуунускай. Ааспыт кэм тыл үөр. — хайааһын саҥарыах иннинэ буолбутун көрдөрөр кэм. ☉ Прошедшее время глагола. Саха тылыгар ааспыт кэм элбэх көрүҥнээх. Олортон сүрүннэрэ — билигин уонна урут ааспыт кэм. Аастар ааһар (ааһан иһэр) — тохтообокко, быыстала суох барар, баран иһэр (хол., күн-дьыл). ☉ Беспрерывно течь, проходить (обычно о течении времени). Күн-дьыл аастар ааһан иһэр
□ Уһун киэһэлэр дьиэ эргиннээҕи кэпсэтиигэ, күүстээх баҕа санаа кынатыгар сүктэрэн аастар ааһан иһэллэр. «ХС»
Күн-дьыл аастар ааһар, Тыал тыалырар, тохтуур. Баар олох аартыгар: Дьол, эйэ, охсуһуу. П. Тулааһынап
Дьыл-хонук аастар ааһан иһэр эбээт, эйигин көһүппэт. Амма Аччыгыйа. Ааһар ааспытын (бүтэр бүппүтүн) кэннэ — барыта бүппүтүн кэннэ (тугу эмэ гынан да диэн). ☉ Когда все прошло (уже поздно, бесполезно говорить, действовать)
Чэ, аны кэлэн ааһар ааспытын, бүтэр бүппүтүн кэннэ тугу баран уһатан-кэҥэтэн... Н. Лугинов. Ааһар киһи — уһуннук тохтообокко үргүлдьү баран иһэр киһи. ☉ Прохожий, проезжающий
Тохтоо ааһар киһи, Ытыгылаа, биһи Ыччат дьоммут уҥуохтарын, Ахтан аас сырдык ааттарын. А. Абаҕыыныскай
ср. тюрк. аш, ааш ‘переваливать через гору’
II
1. туохт. Ас-үөл кырыымчыгыттан (суоҕуттан) хоргуйар аҥаардаах сырыт, аччыктаа. ☉ Голодать, вести полуголодное существование из-за отсутствия (или острой нехватки) продуктов питания
Аастахха аба да амтаннаах, Утаттахха уу да минньигэс (тыл ном.). Сыл ахсын дьылга ыллардылар, Саас ахсын салаҥнык аастылар. Өксөкүлээх Өлөксөй
Айахпар аһыыр астаахпын, Аччыктаан ааспат аналлаахпын. Күннүк Уурастыырап
2. Аччык, аһа-үөлэ суох, хоргуйар аҥардаах. ☉ Голодный или живущий в полуголодном состоянии из-за нехватки продуктов питания
Аас киһи аска айаҕа суох (өс ном.). Өрдөөҕүтэ буолта ол Хоту аас туундараҕа, Тордохтуун дохсун тыал Субу илдьиэх курдуга. С. Данилов
Кыым куобахтаан, мас көтөрдөөн дьиэ кэргэн аас кыһыны этэҥҥэ туораабыта. «ХС»
3. аат суолт. Аччык кэм, аччык олох; аччык киһи. ☉ Голодная пора; голодное существование; голодный, изголодавшийся человек
Токко сыа да сымсах, ааска уу да минньигэс. Саха фольк. Туундара хаара кылбайда. Тоҥмут ааһан, аас тотон, Эбэҥкилэр тойуктара Эҥээрийэн иһилиннэ. И. Чаҕылҕан
Итинник бүппэт түбүккэ Аҕам барахсан олоҕо Тымныыга, ааска, күлүккэ Ааһан эрэр дии, доҕоор. С. Данилов
ср. тюрк. ач ‘голодный’
III
даҕ., эргэр. Маҥан, саһархайдыҥы маҥан. ☉ Белый, желтоватобелый; сивый (о масти лошади)
Аас биэ ааһан барбыт (тааб.: хаар ууллуута). Кырдьыы аас хаһыҥын кэнниттэн Эдэрбит иккиһин эргийбэт. С. Данилов
Эрэйдээх-буруйдаах орто дойдуттан ороһуйан кэлбит ойуун аас төбөтүн нөрүтэн, сөһүргэстээн олорон суорума соругун эттэ. И. Гоголев
Аас буоргар намыһахтык тобуктаан Аатталбын этэн бүтүүм ааккын ааттаан, Сахам сирэ, оҕом сирэ. Н. Босиков
◊ Аас тэллэх эргэр. — ортото маҥан, тула өттө хара, үрүҥ синньигэс эбэтэр саахымат ойуулаах хаймыылаах сылгы, ынах тириититтэн тигиллибит тэллэх. ☉ Белая подстилка с черно-белой каймой, сшитая из конской или коровьей шкуры
Сургунуох кэтэҕэриин ороҥҥо харалаах аас тэллэхтээх бэриинэҕэ үс-түөрт сыттыгы өрөһөлүү кыстатан, иттэннэри түһэн сытар. Күннүк Уурастыырап
Бастыҥ маҥан ураһа иннигэр, өксөкү төбөлөөх тойон сэргэ анныгар Туундара кыысчаан аас тэллэххэ сөһүргэстээн олорор. И. Гоголев
Хайа бу тугуй, былыргы аас тэллэх курдук, саахымат ойуулаах хаһыаттара эмиэ баар буолаллар эбит дуу, дьоҕойон? Н. Заболоцкай