Якутские буквы:

Якутский → Русский

кырдал

бугор, тянущийся по краю низины; возвышенность среди поля.

Якутский → Якутский

кырдал

аат. Дэхси, хотоол сиргэ үрдээн тахсыбыт сэдэх оттоох кураанах хонуу сир. ☉ Ровная возвышенная сухая полоса на поле, на сенокосном угодье с небольшим травостоем
Талба өрүс үрдүнээҕи бүтэй хочо синньигэс кырдалыгар үс ини-бии Дьөгүөрэптэр олороллор. Амма Аччыгыйа
Быйыл сааскыта кураан буолан, кырдалга ньургуһун сэдэхтик таҕыста. И. Сосин
Кырдал устун хаамтахха, бытархай аһыҥа атах анныттан уу бырдаҥатыныы ыһыллар. «ХС»
ср. тюрк. кыр ‘гребень горы; холмистая степь; грань’

Еще переводы:

кырдалык

кырдалык (Якутский → Якутский)

кырдал диэнтэн аччат. Кыталыгым барахсан кырыйа көтөн кэлэн, кырдалыгым үрдүгэр кыҥкыначчы ыллаата. С. Васильев

хайбаҥнас

хайбаҥнас (Якутский → Якутский)

хайбаҥнаа диэнтэн холб. туһ. Ыраас кырдалга тураахтар хаамсан хайбаҥнаһаллар. М. Доҕордуурап

күндээриҥнэт

күндээриҥнэт (Якутский → Якутский)

күндээриҥнээ диэнтэн дьаһ
туһ. Аттар кырдалга батыччахтаан тахсаннар, ууларын дьигиһийэн күндээриҥнэтээт, кырдал кыраай отун тардыаласпытынан бардылар. Амма Аччыгыйа
Аламаҕай маҥан күн ачалаан айгырыыр, силигириир күөх отун-маһын кэрэхсээн, чугаһаан көрөөрү гыммыттыы намтаан, сыралҕан уотун күндээриҥнэтэ ыһыахтыыр. «ХС»

кыырайка

кыырайка (Якутский → Якутский)

аат., түөлбэ. Мохсуо. ☉ Городки
Умнубуту санаһан, эмиэ күөх хонууга күөлэһийбиппит, көнө кырдалга кылыйса оонньообуппут, кыырайка бырахсыбыппыт. Саһарҕа

халтаҥыр

халтаҥыр (Якутский → Якутский)

халтаҥнаа диэн курдук
Хатан хотуур хаампыта, Хадьырыйан барбыта — Халтаҥырбыт кырдаллар Хатталаһан сыттылар. С. Тимофеев
Курааҥҥа сир-дойду халтаҥырар. ИВС ЭТТ

боотураат

боотураат (Якутский → Якутский)

боотур диэн курдук
Хаһааҥҥы үйэний? Ким-хайа буоллаҕай? Ох саалаах, укулаат батастаах Былыргы боотураат кыргыс кырдалыгар Бааһыран өрө мөхсөр бадахтаах. М. Ефимов

илгиэлэс

илгиэлэс (Якутский → Якутский)

илгиэлээ диэнтэн холб. туһ. Бу остуол ньуурун курдук көнө кырдалга кылыйан кыыралдьытар, тустан туурута илгиэлэһэр, сырсан бөтөҥкөлөһөр үчүгэй да этэ. А. Бэрияк

кыппа

кыппа (Якутский → Якутский)

көр кырпа
Сыыдам быһый ыччаттар, Кыппа ньаарсын кырыстаах Кылбаа-дьылбаа кырдалга Кылыһа, сырса кыыдамнааҥ. П. Ядрихинскай
Лыахтар кынаттарын дьүһүнэ кинилэри бүрүйэр кыппа куоппастар өҥнөрүттэн тутулуктаах. ББЕ З

кырпай

кырпай (Якутский → Якутский)

көр кырпа
1.
Аттар кырдал кырпай отун тардыаласпытынан бардылар. Амма Аччыгыйа
Алаасалаас аайыттан Артыаллаһан тураммыт, Ала кырпай кырыстаах Алардарбыт үрдүгэр Акымалтан иилсиһэн Аһыакайдыыр оонньууну Арыйыаҕыҥ, атастаар! С. Васильев

кырпаҥ

кырпаҥ (Якутский → Якутский)

кырпа 1 диэн курдук
Кырпаҥ оттоох кырдалларын, хойуу оттоох хочолорун, түҥ хара систэрин, ыт мунна баппат ыркыйдарын силистээх-мутуктаах симилэхтэрин ама хантан булуоҥуй?! «ХС»