искра; оһох кыыма искры из печки-камелька; кыымтан төлөн тахсар погов. из искры разгорается пламя.

n. spark

аат.
1. Уот төлөнүн ыһыллар кыырпахтара. ☉ Искра
Буор сыбахтаах, муус түннүктээх, улахан саха балаҕанын үөлэһэ түүтэх кыымынан өрүкүйэ турар. Амма Аччыгыйа
Кутаа хаппыт маһы өрө салаан бачыгырайар, үөрэр-көтөр кыымынан ыһыахтанар. Н. Заболоцкай
Тыалынан күөттэнэн кыым ыһылла көттө. М. Доҕордуурап
2. Туох эмэ кылбачыгас бытархайа; күлүмнэс сырдыга. ☉ Мелкая блестящая, сверкающая частица чего-л.; светящаяся точка, блестка
Аламай күн саҕахтан тахсаатын, Сардырҕас кыымнарын тамнаата. Күннүк Уурастыырап
[Таня] төгүрүк харахтара кыымынан саҕылыннылар. Л. Попов
Сиик таммахтара оргул кыымнарынан кутулла оонньостулар. А. Федоров. Кылбачыйар кыым кырыа Күн уотугар дьиримниир. П. Тулааһынап
3. көсп. Туох эмэ (хол., санаа, үөрүү, таптал) саҕаланан, саҕыллан, үөскээн эрэр бэлиэтэ, чинчитэ. ☉ Признак, проблеск, проявление, искра (напр., какого-л. чувства, надежды)
Уоттаах таптал кыыма Саҕылла туруоҕа. Күннүк Уурастыырап
Бастаан сыттаҕына, кыра эрэл кыыма баара: баҕар туруом, баҕар ыарыым сыһыйыа диэн. Н. Габышев
Сонялыын билсиһэн, таптал кыыма сирэлийиэх курдук буола-буола, умулла сыһар. М. Доҕордуурап
♦ Хараҕыттан кыым бырдаҥалаата көр харах. Хачыгыр харахтарыттан кыымнар бырдаҥалыы түстүлэр… Хачыгыр оҕутта: — «Абытай!.. Айаккаайаккыы!» Эрилик Эристиин
ср. алт. кымын, чув. хелхем, хем ‘искра’

аат. Кыымнаах уот, кыыма саҕыллар уот. ☉ Пламя с искрами
Хойуу туйах табыйан, Таастан уот-кыым сардыргыыр... Эллэй
Артыыс күүһэ-уоҕа, айар кылаана иннигэр эрдэҕинэ уот-кыым саҕар сөптөөх буолуо этэ. «ХС»
♦ Уотунан-кыымынан кытыастар түөлбэ. — олус сытыы тыллаах, этиһиик. ☉ Языкастый, зубастый, любящий поругаться. Тэҥн. хагдаҥ оттоох сиргэ олоруо суох күтүр