Якутские буквы:

Якутский → Якутский

кэбигирээ

тыаһы үт. туохт. Куоласкын үрдэппэккэ эрэ бэлэскинэн соҕус биир тэҥ түргэнник саҥар. ☉ Говорить быстро, бойко, монотонно, несколько растягивая губы к углам
Онуоха Миитэрэй саҥата аан оронтон кэбигириир. Амма Аччыгыйа
Хойуу иһирик иһигэр туох эрэ көтөр саҥаран кэбигирээтэ. Н. Заболоцкай
«Көтөр кынаттаах киһи Көҥүл сылдьыаҥ буоллаҕа, Мин курдук орох иһин Сылытыаҕыҥ хааллаҕай?» — Диэн күүдээх күлэ былаан кэбигирээн кэбистэ. И. Эртюков

Еще переводы:

кэбигирэт

кэбигирэт (Якутский → Якутский)

тыаһы үт. туохт.
1. Түргэн-түргэнник кирдиргэччи кэбий, кэрбээ. ☉ Быстро грызть что-л. (передними зубами)
Мордьо күтэр эрдийэн, Ордьо тииһинэн түһэрэн Кэбинэн кэбигирэттэ. С. Данилов
Баһычча уҥуох силгэтин ыстаан кэбигирэтэ-кэбигирэтэ, саҥаран сөллүгүрэттэ. Болот Боотур
[Кутуйах] умнаһы инники атахтарынан, илиилэринэн кэриэтэ, өндөтөрө да, түргэн үлүгэрдик кэбийэн кэбигирэппитинэн барара. В. Бианки (тылб.)
2
кэбигирээ диэн курдук. [Миитэрэй] нэһи сэргэхситэр, улугу уһугуннарар, көрдөөх тыллары бэрт дөбөҥнүк этэн кэбигирэтэн кэбиһэр. Амма Аччыгыйа
[Миша] унаарыччы көрөн олорон: «Бу эн туох буолбут киһигиний доҕор!» — диэн сүр имигэстик сахалыы кэбигирэтэн кэбиһээт, туран барыаҕа. Амма Аччыгыйа

силбэһии

силбэһии (Якутский → Якутский)

аат.
1. Туохтар эмэ холбоһуулара. ☉ Соединение, слияние, смыкание чего-л. с чем-л.
Иннилэрин диэки, икки улахан тоҕой силбэһиитигэр …… туох эрэ көтөр саҥаран кэбигирээтэ. Н. Заболоцкай
Сиэр-майгы өттүнэн иитии — бу өй уонна сүрэх силбэһиилэрэ. «Кыым»
Тиксии — Доҕордоһуу Быстыспат силбэһиилэрэ. «ХС»
[В.В. Радлов] үгүс түбэлтэҕэ уһатыылар уонна дьуптуоннар бүтэй дорҕооннор түһүүлэриттэн, аһаҕас дорҕооннору кытта силбэһиилэриттэн үөскээбиттэрин элбэх холобурдарынан итэҕэтиилээхтик көрдөрбүтэ. СПА СТИ
2. геогр. Икки муораны эбэтэр материктаах арыыны холбуур ханаал курдук уһун синньигэс уу. ☉ Пролив
Босфор силбэһиитин курдук кыраһыабай сир суох диэн урут сылдьыбыт дьонтон мин үгүстүк истэрим. Н. Якутскай
Константин Босфор силбэһиитин биэрэгэр куорат туттарбыта. КВА Б
Гибралтар силбэһиитэ олус дириҥэ суох. СПН СЧГ

иһирик

иһирик (Якутский → Якутский)

  1. даҕ. Наһаа хойуу. ☉ Густой, плотный
    Ичигэс салгын - Итир былыты аҕалан, Иһирик самыыр түһэн Туоллан-тупсан турдум [хатыҥ]. Саха нар. ыр. I
    Тимир иһирик Тиэрэ ханары баттаҕа Күөх уотунан Күлүбүрүү умайда... П. Ойуунускай
    Хас иһирик ойууру, симилэх талаҕы барытын тумнан ааһа-ааһа, кини хайыһарын суолунан батыһан иһиэхтэрэ эбитэ буолуо дуо? Амма Аччыгыйа
    Иһирик ыарҕаны быыһынан синньигэс ыллыгынан иһэбит. «Кыым»
  2. аат суолт. Хойуу кыра мастаах ойуур. ☉ Густой молодой лес
    Кинилэр биэс түүннээх күнү быһа түҥ хара тыаны, маары, иһириги кэтэн, эрэйбуруй бөҕөнү көрөн баран, дьон баар сирин булбуттара. Суорун Омоллоон
    Оҕонньордоох кыыс тыаҕа киирэн, кыыл ыллыгын устун баран истилэр, тымныы тыал эккирэтиспэхтээн иһэн, иһириккэ киирэн, сүтэн хаалла. Л. Попов
    Иннилэрин диэки икки улахан тоҕой силбэһиитигэр, хойуу иһирик иһигэр, туох эрэ көтөр саҥаран кэбигирээтэ. Н. Заболоцкай. Тэҥн. симилэх, ыркый, сыҥ I, сыбар