отава # кэнчээри ыччат подрастающее поколение.

аат.
1. Ото охсуллубут сиргэ иккистээн үүммүт саҥа от. ☉ Отава
Хадьымалга буоллаҕына киһини сототун ортотунан күөх кэнчээри чэлгийэ үүнэн тахсыбыт. Амма Аччыгыйа
Сүөһүлэр билигин мэччирэҥ кэнчээритин батыһан алаастары кэрийэллэрэ. Далан
[Сүөһүлэри] күһүн алаастар отторо кэбиһиллибиттэрин кэннэ кэнчээригэ киллэрбиппит. ПДН ТБКЭ
2. Саҥа тахсан эрэр үүнээйи, үүнээйи эдэрэ. ☉ Молодое растение
Биир киилэ сиэмэттэн уон киилэ чээл күөх кэнчээри үүнэн тахсыбыт. И. Данилов
Куруҥҥа, маһа кэрдиллибит тыаҕа …… сыалаах мас саҥа тахсыбыт кэнчээритэ бөлкөйүнэн үүммүтүн көрүөххэ сөп. ЕОВ ССТБ
Хойутаан тахсар сибэкки кэнчээрилэрэ таҕыстахтарына тута быһан иһиллиэхтээх. САССР КОА
3. көсп. Үүнэн иһэр көлүөнэ, ыччат. ☉ Подрастающее поколение, молодежь
Билигин Уйбаан кэриэһэ өлбөөдүйбэккэ кэнчээрилэргэ бэриллэн иһиэҕэ. М. Ефимов
Ыллыыр ырыаҥ …… Кэнэҕэски кэлэр кэнчээри Кэхтибэт кэскилин Кэпсии турдун! С. Зверев
Үтүө санаалаах киһи үчүгэй, үгүс кэнчээрилээх. А. Кривошапкин (тылб.)
◊ Кэнчээри ыччат үрд. — үүнэн иһэр көлүөнэ, эдэр ыччат. ☉ Молодое, подрастающее поколение
Кэннигэр хаалларар кэнчээри ыччата суох киһиэхэ орто дойду олоҕо — көрүнньүк. Н. Лугинов
Кэнчээри ыччаппар Алгыс тылбын аныыр Аламай күнүм арылынна. С. Зверев
Геройдар тустарынан кэнчээри ыччаттарга тугу кэпсиибит, кинилэр холобурдарыгар үүнэр көлүөнэни хайдах иитэбит? ВНГ ГОПХ
ср. др.-тюрк. кэнч ‘ребенок; детеныш животных’, монг. хэнз ‘вторая трава (вырастающая к осени после покоса); родившийся осенью’, тюрк. генч ‘молодой’