күүһүрт диэнтэн хай
аата. Тыа хаһаайыстыбатын механизациялааһыны салгыы күүһүрдүү массыыналары оҥорор промышленность сайдыытыттан тутулуктаах. ЭБТ
◊ Күүһүрдүү бэлиэтэ тыл. үөр. — сурукка күүстээх иэйиини көрдөрөр күүһүрдүүлээх этии эбэтэр күүһүрдэн этиллэр тыллар кэннилэриттэн турар сурук бэлиэтэ (!). ☉ Восклицательный знак
Күүскэ этиллэр туһулуу кэнниттэн күүһүрдүү бэлиэтэ турар. ПНЕ СТ
Перекладин түөрт уон сыл үлэлээбитин устатыгар суруйбут кумааҕытын ис хоһоонун өйдүү сатаата, ол эрээри төһө да өйдүү сатаабытын иһин, урут биир да күүһүрдүү бэлиэтин туруорбутун өйдөөбөтө. А. Чехов (тылб.). Күүһүрдүү этии тыл үөр. — туох эмэ туһунан күүһүрдэн, күүркэтэн этии. ☉ Восклицательное предложение
Этэр санааҕа ханнык эмэ күүстээх чувство (үөрүү, кыыһырыы, соһуйуу, куттаныы, ыҥырыы уо. д. а.) эбиллэр этиитин күүһүрдүү этии дэнэр. ЧМА СТСАКҮө